|
QURILMALAR BILAN MUOMALA QILISH QOIDALARI
|
| bet | 30/74 | | Sana | 09.01.2024 | | Hajmi | 1,23 Mb. | | #133527 |
Bog'liq Farg’оna davlat universiteti harbiy ta’lim fakulteti o`t ochish QURILMALAR BILAN MUOMALA QILISH QOIDALARI.
Gorizontal va vertikal tekisliklarda burchaklarni o‘lchash
Gorizontal tekislikdagi burchaklar, burchaklarni o‘lchash to‘rining gorizontal qatoridagi chiziqpar yordamila o‘lchanadi.
Durbinning ko‘rish maydonida va burchaklarni o‘lchash to‘rining chizig‘langan hududidan chiqmagan ikki predmet orasidagi burchakni o‘lchash talab qilinsa, ushbu predmetlar orasida yotgan bo‘limlar sonini sanab, burchak o‘lchami bo‘limlari hisobida o‘lchash mumkin.
Ikki predmet orasidagi burchak masofalari kichik bo‘lsa (0—50 dan kichik burchaklar) o‘lchash to‘rining markazini doimo predmetlarning biri bilan moslashtirish va burchak o‘lchami bo‘limlari sonini ikkinchi predmetga qadar sanash kerak.
Portlash nuqtasi nishondan og‘gan holda, tur markazini portlash markazi bilan moslashtirish lozim, aks holda, burchak noaniq o‘lchanadi yoki portlash joyi ko‘zdan g‘oyib bo‘ladi.
Ikki predmet orasidagi burchak masofalari 0—50 dan katta 1—00 dan kichik bo‘lsa, predmetlardan birini burchaklarni o‘lchash to‘rining chetki chizig‘i bilan moslashtirish va burchakni, ikkinchi predmetgacha sanash kerak.
Agar ikki predmet orasida o‘lchanayotgan burchak 1—00 dan katta bo‘lsa, ular orasidagi masofani, uchinchi predmetni tanlagan holda, ikki qismga bo‘lish kerak. Ikki chetdagi va qo‘shimcha predmet orasidagi burchaklar o‘lchanib, qo‘shilganidan so‘ng, hosil bo‘lgan yig‘indi, ikkita zarur bo‘lgan predmetlar orasidagi burchaklarga teng bo‘ladi.
Vertikal tekislikdagi burchaklar, burchaklarni o‘lchash to‘rining vertikal chizig‘ida yuritilgan chiziqlar yordamida o‘lchanadi.
Ikki predmet orasidagi burchaklarni o‘lchash uslubi, gorizontal tekislikdagi burchaklarni o‘lchash uslubidan farq qilmaydi, faqat bunda vertikal chiziqlardan foydalaniladi.
BI—8 durbinini ko‘rikdan o‘tkazish
Durbinni ko‘rikdan o‘tkazish mobaynida, ekran qayta ulagichining dastasini, navbat bilan zaryadlanish va kuzatish holatlariga keltirish orqali ekranning ish qobiliyati tekshiriladi. Dasta ravon, tutilmasdan aylanishi, ekran esa ishchi va zaryadlanish holatida ishonchli turishi kerak. Ekran sifati tekshirilayotganida, unda kuzatuvga xalaqit beradigan dog‘lar bo‘lmasligiga e’tibor berish kerak.
Agar ekran maydonining 20% ni egallagan dog‘lar mavjud bo‘lsa binoklni ta’mirlash ustaxonasiga yuborish kerak.
Qayta o‘lchagich dastasini zaruratsiz bir holatdan ikkinchi xolatga keltirmaslik kerak.
|
| |
