|
Deflegmatsiya bilan haydash
|
| bet | 6/14 | | Sana | 16.06.2022 | | Hajmi | 0.96 Mb. | | #23866 |
Bog'liq Arslon Siroj (2) 1-курс 43-гуруҳ топширмаганлар-21-06-2021, 34-dmtt davlat talablarini bajarilishiDeflegmatsiya bilan haydash.
Bu usul eritmalarni ajratish darajasini ko`tarish uchun qo`llaniladi (5.34-rasm).
Bu usulda, kub 1 da hosil bo`lgan bug‘lar deflegmator 2 ga uzatiladi va u erda qisman kondensatsiyalanadi. Qisman kondensatsiyalanish davrida qiyin uchuvchan komponent miqdori ko`p bo`lgan flegma hosil bo`ladi va qaytadan kubga tushiriladi. Kub 1 ga tushish vaqtida ko`tarilayotgan bug‘lar bilan o`zaro ta’sirida buladi.
Yengil uchuvchan komponent miqdori yuqori bo`lgan bug‘lar kondensatorga yo`naltiriladi. Kondensatsiyalanish natijasida hosil bo`lgan ditsillyat yig‘gich 4 ga tushadi. Kub qoldig‘ining kontsentratsiyasi o`rnatilgan x qiymatiga etganda so`ng, kubdan chiqarib yuboriladi.
Suv bug‘i bilan haydash. Eritmalar qaynash temperaturasini pasaytirish uchun jarayonni vakuum otsida tashkil etish usuli oldindan ma’lum edi. Lekin, eritmalarni suv bug‘i bilan haydash usulida ham qaynash temperaturasini pasaytirish mumkin. Ayniqsa, bu usul qaynash temperaturasi 100°S dan ortiq bo`lgan va komponentlari suvda erimaydigan eritmalar uchun juda qo`l keladi. Shuning uchun, eritma komponentlari suvda erimasa, unda haydash kubiga qo`shimcha komponent sifatida suv bug‘i yuboriladi.
5.35-rasmda suv bug‘i bilan oddiy haydash davrida qaynash temperaturasini aniqlash diagrammasi keltirilgan. Bu diagrammada qaynash temperaturasiga suv bug‘ining elatsiklik egri chizig‘i bilan turli suyuqliklar elatsiklik egri chiziqlari kesishgan nuqtasi to`g‘ri keladi. Grafikdan ko`rinib turibdiki, atmosfera bosimida benzolni suv bilan haydash paytida jarayon temperaturasi 69,5°S, bosim r = 0,0395 MPa da 46°S atrofida, bosim r = 0,1MPa da toluol uchun esa - 85°S.
5.36-rasmda aralashmalarni suv bug‘i bilan haydash qurilmasining sxemasi keltirilgan.
Boshlang‘ich eritma kub 1 ga yuklanadi va uning g‘ilofiga suv bug‘i yuboriladi. So`ng, kub ichidagi eritmaga barboter orqali kuchli suv bug‘i haydaladi. Eritmaning qaynash paytida hosil bo`lgan bug‘lar kondensator 2 ga uzatiladi va undan keyin separator 3 da kondensat ajratiladi. Separatordan suv chiqariladi, suvda erimaydigan engil uchuvchan komponent esa maxsus idishga yig‘iladi. Odatda bu usul muvozanat bo`lmagan sharoitlarda amalga oshiriladi.
|
| |
