|
Ilmiy-tadqiqot natijalari
Pdf ko'rish
|
| bet | 114/214 | | Sana | 26.01.2024 | | Hajmi | 2,71 Mb. | | #146421 |
Bog'liq Сайтга Joriy etishga tayyor ishlanmalar (2)Ilmiy-tadqiqot natijalari: O‘rmon xo‘jaligi ilmiy-tadqiqot Institutida tashkil etilgan
mahalliy yong‘oq navlari va formalari kolleksiyasidan serhosil, kasalliklarga va sovuqqa
chidamli, meva sifati jixatidan jahon standartlariga mos keladigan, bakterial rak kasalligiga
chidamli navlar tanlab olinadi va ularni in vitro usulda mikroklonal ko‘paytiriladi va bakterial
rak kasalligiga chidamli, genetik jihatdan bir xil bo‘lgan ko‘chatlar yetishtiriladi. Ushbu
ko‘chatlar asosida plantasiyalar tashkil etiladi va ichki va tashqi bozor uchun raqobatdosh
mevalar yetishtiriladi.
Natijalarni sinovdan o‘tkazish va joriy qilish: Istiqbolli va bakterial rak kasalligiga
chidamli mahalliy yong‘oq navlarini to‘qima kulturasi asosida in vitro usulda ko‘paytirish
qisqa vaqt ichida ko‘paytirish va ushbu jarayonda materiallarning genetik o‘ziga xosligini
saqlab qolish imkonini beradi, in vitro usulda ko‘paytirilgan ko‘chatlar yong‘oq
plantasiyalariga ega bo‘lgan fermer xo‘jaliklariga yetkazib beriladi, natijada har yili chet
davlatlardan ko‘chat sotib olishga sarflangan mablag‘ tejaladi. In vitro usulda ko‘paytirilgan
ko‘chatlar erta hosilga kiradi, daromadi yuqori bo‘ladi va ko‘chatlar genetik jihatdan bir xil
bo‘lganligi uchun, ularni parvarishlash nisbatan oson bo‘ladi; kasallangan ko‘chatlarga ishlov
berish uchun qo‘llaniladigan kimyoviy vositalar va jarayonlardan voz kechiladi va ularga
sarflanadigan mablag‘ tejaladi, tuproq ifloslanishi oldi olinadi, ekologik toza mahsulot
yetishtiriladi.
So‘ngra, in vitro usulda ko‘paytirilgan mahalliy yong‘oq navlari ko‘chatlarini
parvarishlash agrobiotexnologiyasi ishlab chiqiladi. Yosh mutaxassislar jalb etilib, olib
borilgan tadqiqotlar asosida falsafa doktori (PhD) dissertasiyasi bajariladi va himoya etiladi.
Ilmiy natijalarni chop etish: Tadqiqot natijalari bo‘yicha intellektual mulk obyektlariga
tegishli hujjatlar olinadi. O‘zbekiston Respublikasi Oliy attestasiya komissiyasi ro‘yxatidagi
va Web of Science hamda Scopus ma’lumotlar bazasida indeksasiyalangan jurnallarda
maqolalar chop etiladi.
1,8 mlrd so‘m
|
| |
