“Iqtisodiyot va innovatsion texnologiyalar” ilmiy elektron jurnali. № 5, sentyabr-oktyabr, 2021 yil
325
5/2021
(№
00055)
http://iqtisodiyot.tsue.uz
билан таъминланишга эътиборни кучайтириш бизни бу йўналишга ундаши мумкин,
чунки бизга кўпроқ шаффофлик керак. Блокчейн айнан шундай тизимни тақдим этиши
мумкин бўлган улкан очиқ онлайн хавфсиз маълумотлар базаси ҳисобланади.
Узлуксиз таълим ҳар қачонгидан ҳам муҳимроқ ва зарур бўлиб бораётгани
сабабли, ходимлар ўз малакаларини оширишга доимий эҳтиёжга дуч келган бир
пайтда, таълим тизимлари ва ишга қабул қилиш жараёнлари
турли талабларга
мослашиш учун самаралироқ ва мослашувчан бўлиши керак. Шунинг учун ҳам
блокчейн таълим соҳасида катта имкониятларга эга. Бу шахснинг бутун умри давомида
олинган расмий малака, тажриба ва кўникмаларнинг хавфсиз, текширилиши мумкин
бўлган рақамли қайдларни яратишга имкон беради.
Бундан ташқари, ақлли контрактдан фойдаланиш орқали блокчейн иловалари
фойдаланувчига
олдинги
ўрганилганлар,
эришилган
муваффақиятлар
ёки
муваффақияцизликларга асосланган махсус таклифларни бериш орқали ўзининг
индувидуал таълимини янада яхшироқ бошқаришга ёрдам беради [2].
Блокчейн ҳали ҳам ривожланаётган технология, аммо уни таълим соҳасида
қўллашнинг ҳақиқий афзалликлари аллақачон кўриниб турибди. Таълим кўп қиррали
соҳа бўлиб, у ўқувчиларни келажакдаги меҳнатга тайёрлаш учун турли тизимларга
мослашиши керак. Талабанинг иш фаолиятидан олдин ва иш вақтидаги
академик
тарихини қайд этувчи "ишончли" тизимга эга бўлиш нафақат инсофсизликка қарши
курашиш, балки индивидуал таълим муаммоларини ҳал қилишга ёрдам беради. Бу
охир -оқибат одамларга таълим ва келажакдаги мартаба йўлларини шакллантириш
учун енг яхши имкониятни беради. Иқтисодий жиҳатдан ривожланган кўплаб
мамлакатларда нафақат хусусий, балки давлат таълим муассасалари ҳам блокчейн
технологияси асосида ўқитиш усулларини жорий этишга тайёргарлик кўрмоқда ёки
ушбу инновацион фаолиятни таълим соҳасига жорий
этишнинг кучли ва заиф
томонларини очиб берувчи илмий тадқиқотлар олиб бормоқда.
Блокчейн алоҳида таълим муассасаларида ҳам, тармоқ орқали ўзаро боғланган
таълим бирлашмаларида ҳам, давлат ва халқаро таълим бошқаруви ташкилотларида
ҳам фойдаланилиши мумкин. Талабаларга билим беришни, маълумотни,
молиявий
ресурсларни ва бошқа активларни хавфсиз сақлашни истаган ҳар қандай таълим
муассасаси инновацион блокчейн технологиясидан фойдаланиши мумкин.
Блокчейн технологияси таълим соҳасидаги қатор муаммоларни ҳал қилиши
мумкин [3]. Масалан, ақлли контрактлар (таълим ақлли контрактлари) таълим
муассасасининг ваъдаларини бажармаслик муаммосини ҳал қилади. Агар ақлли
шартномада баъзи ўқув интизоми бўйича маърузалар кўзда тутилган бўлса ва фақат
ушбу маърузалардан сўнг таълим муассасаси улар учун тўловни олиши мумкин бўлса,
унда барча маърузалар ўқилмаган бўлса (кўпчилик талабалар томонидан қайд
этилади), у ҳолда тўлов таълим муассасаси ўтказилмайди. Ишлаётган блокчейндаги
ақлли шартномани ўзгартириб бўлмайди ва
талабалар индивидуал, маълум бир
таълим блокчейн тизимининг иштирокчилари бутун тизимни назорат қила олмайди.
Блокчейн таълим тизимлари, шунингдек, таълим жараёнининг давлат бюджети
маблағларига жиддий боғлиқлигини бартараф этиши ва талабаларга ёрдам беришни
истаган барча ҳомийлар учун инвестицияларни киритишлари мумкин. Блокчейн
таълим тизимига шаффофликни олиб келади. Ҳомийлар ўз маблағлари мақсадли
сарфланишига ишонч ҳосил қилишлари мумкин. Улар пуллари қаерга кетганини
