|
Iqtisodiyot va menejment” kafedrasi «Qurilish iqtisodiyoti va smeta ishi» fanidan
|
| bet | 1/137 | | Sana | 06.04.2024 | | Hajmi | 0.65 Mb. | | #190154 |
Bog'liq Iqtisodiyot va menejment” kafedrasi «Qurilish iqtisodiyoti va sm-www.fayllar.org-1 Bir va uch fazali elektr energiya hisoblagichlari montaji sxemalarini yig, PQ-55 20.12.2021, Matinning belgilash va tahrirlash bazan matini yozish jarayonida qandaydir xato yuzalgan kelishshi bazan esa tayyor matn yoqnay qolishi mumkin shunda matnga o, Erlepesova Qizilgul 23 tema , 9-sinf rustili, 2.1.-Фан-укитувчи-МАЖМУА-1, Keldi-ketdi, Scratch, مرفق, مرفق11111
Iqtisodiyot va menejment” kafedrasi «Qurilish iqtisodiyoti va smeta ishi» fanidan
O’ZBEKISTON RESPUBLIKASI
OLIY VA O’RTA MAXSUS TA’LIM VAZIRLIGI
JIZZAX POLITEXNIKA INSTITUTI
«SERVIS» fakulteti
“Iqtisodiyot va menejment” kafedrasi
«Qurilish iqtisodiyoti va smeta ishi» fanidan
fanidan
MA`RUZALAR MATNI
JIZZAX – 2022
KIRISH
Ushbu kursni o‘rganish ob’ekti - milliy iqtisodiyotning alohida tarmog‘i hisoblangan qurilish va uning ishlab chiqarish bo‘g‘inlari - qurilish boshqarmalari, trestlar, qurilish industriyasidagi sanoat korxonalari, loyihalash muassasalari va boshqa ularga tenglashtirilgan xo‘jalik sub’ektlaridir. Kursning o‘rganish predmeti esa qurilish ishlab chiqarishining rivojlanish qonuniyatlari va tendensiyalari, shuningdek, bevosita qurilish korxonalari iqtisodiyotiga doir masalalar, iqtisodiy islohotlarni chuqurlashtirish va qurilishda bozor munosabatlarini shakllantirish vazifalaridir.
Kursning asosiy maqsadi - talabalarga qurilish iqtisodiyoti sohasidagi bilimlarni berish, qurilishning takror ishlab chiqarish jarayonidagi alohida o‘rni, investitsiyalash strategiyasi va taktikasi, qurilish ishlab chiqarishini rejalashtirish va boshqarish, shuningdek, olingan bilimlardan xo‘jalik amaliyotida mahorat bilan foydalanish, ularni iqtisodiyotning boshqa soha va tarmoqlariga ham amalda tatbiq eta olishni o‘rgatishdir.
Kursning asosiy vazifalari talabalarga quyidagi bilimlarni berishdan iborat:
iqtisodiyotdagi o‘zgarishlarni va jamiyatning ishlab chiqarish kuchlarini rivojlantirishdagi roli va o‘rni;
qurilish ishlab chiqarishini boshqarishning zamonaviy tizimini, qurilish jarayoni qatnashchilarining o‘zaro munosabatlari;
investitsiya loyihalari va echimlarini tahlil qilish va baholash hamda ularning iqtisodiy samaradorligini hisoblash usullari;
qurilish industriyasining resurs salohiyatini o‘rganish va undan resurslar va vaqt omili cheklangan sharoitlarda foydalanishning oqilona yo‘llarini aniqlash;
qurilish sohasidagi iqtisodiy islohotlarni chuqurlashtirishning asosiy yo‘nalishlari va vazifalari;
iqtisodiyotni boshqarishning turli pog‘onalarida qurilish va investitsiya maqsadlarni rejalashtirish, prognozlash, moliyalashtirish va kreditlash asoslarini o‘zlashtirish. O‘zbekiston Respublikasi milliy iqtisodiyoti tarmoqlari qatorida qurilish tarmog‘i nafaqat iqtisodiyotning asosiy fondlarini yaratuvchi uchastkasi sifatida, balki mamlakat iqtisodiyotida amalga oshirilayotgan tarkibiy o‘zgarishlarni hamda turli xususiyatlarga ega bo‘lgan ijtimoiy sohadagi dolzarb vazifalarni amalga oshirishda muhim o‘rin va ahamiyatga egadir (demografik tuzilma va uning o‘zgaruvchanligi, qishloq aholisining yuqori darajadaligi hamda uy-joy va ijtimoiy-madaniy-maishiy ob’ektlar bilan kam ta’minlanganligi, ichki infratuzilma, transport va kommunikatsiya qurilishlarining etarli darajada rivojlanmaganligi va boshqalar).
Mamlakat milliy iqtisodiyoti moddiy ishlab chiqarish tarmoqlari va bozor xizmat ko‘rsatish sohalaridan tarkib topadi. Qurilish moddiy ishlab chiqarish tarmoqlari qatorida (sanoat va qishloq xo‘jaligidan keyin) uchinchi o‘rinda turadi.
Qurilish tarmog‘i mahsuloti bo‘lib, mamlakatning xo‘jalik majmuasi asosiy fondlarini tashkil qiluvchi qurilishi tugallangan va ekspluatatsiyaga topshirilgan zavod va fabrikalar, temir va avtomobil yo‘llari, elektr stansiyalar, irrigatsiya kanallari, portlar, uy-joylar va boshqa ob’ektlar hisoblanadi.
Qurilish milliy iqtisodiyotning muhim tarmog‘i sifatida milliy xo‘jalikning barcha tarmoqlari uchun asosiy fondlarni yaratishda ishtirok etadi. Ishga tushirilgan va o‘rnatilgan tartibda qabul qilingan ishlab chiqarish quvvatlari va noishlab chiqarish ob’ektlari kapital qurilishning mahsuloti hisoblanadi hamda ular o‘zlashtirilib borishi bilan asosiy fondlarga aylanib boradi. Ularning yaratilishida boshqa tarmoqlar ham qatnashadi (qurilish materiallari sanoati, metallurgiya, mashinasozlik, ximiya sanoati va boshqalar). Asosiy ishlab chiqarish fondlari mazmuniga ko‘ra texnik, energetik va boshqa uskunalar bilan jihozlangan bino va inshootlardan iboratdir.
SHunday qilib, kapital qurilish ishlab chiqarish vositalarining faoliyat yurgizishi uchun moddiy shart-sharoit imkoniyatlarini ham yaratadi.
Qurilish tarmog‘i umum va maxsus qurilish, loyiha-qidiruv va ilmiy-tadqiqot tashkilotlarini, qurilish birlashmalariga kiruvchi qurilish sanoati korxonalarini, shuningdek qurilish-montaj ishlari(QMI)ni bajaruvchi barcha tashkilotlar faoliyatini birlashtiradi. Qurilish tashkilotlariga ro‘yxatdan o‘tkazilgan va qurilishi faoliyati uchun litsenziyaga ega bo‘lgan, shuningdek buyurtmachilar bilan shartnoma asosida ishlarni bajaruvchi barcha mulk shakllaridagi yuridik shaxslar kiradi. Kapital qurilish sohasiga, o‘z mablag‘lari, qarz hamda davlat byudjeti mablag‘lari manbalari asosidagi kapital qo‘yilmalarga egalik qiluvchi buyurtmachilar faoliyati ham kiradi.
Qurilishning rivojlanishi va uning samaradorligini oshirish industrializatsiya asosida amalga oshiriladi. Uning asosiy yo‘nalishlari bo‘lib quyidagilar hisoblanadi: quriladigan bino va inshootlarning yig‘maliligini oshirish maqsadida texnologik jarayonlarning bir qismini qurilish maydonlaridan zavodlarga ko‘chirish; bino va inshootlarning texnologik loyiha echimlarini yaxshilash, ularni keyinchalik ularni bir shaklga keltirish va unifikatsiyalashtirish; mexanizatsiyalashtirilgan tarzda zavodlarda yoki qurilish tashkilotining yordamchi sexlarida qurilish konstruksiyalari, buyumlari, detallari va materiallarini yuqori darajada qurilish jarayoniga tayyorgarlik holatida ishlab chiqarish; qurilish ishlab chiqarishi ishlarining uzluksizligini ta’minlash maqsadida bino va inshootlarni qurish, qurilish materiallari va konstruksiyalarini etkazishning texnologik operatsiyalari va jarayonlarini mexanizatsiyalashtirgan tarzda bajarish.
Asosiy fondlarni yaratishdan tashqari, kapital qurilish funksiyalariga mavjud asosiy fondlarni kengaytirish, qayta qurish va texnik qayta jihozlashlar ham kiradi. SHuning uchun mamlakat iqtisodiyoti barcha tarmoqlari asosiy fondlarini kengaytirilgan tarzda qayta ishlab chiqarish va sifat jihatdan yangilash kapital qurilishning asosiy vazifalari hisoblanadi.
Kapital qurilish sohasida qurilish ishlarini metallolom va metall konstruksiyalar, sement, yog‘och materiallari, qurilish mashinalari, transport vositalari, yoqilg‘i va energetika resurslari bilan ta’minlovchi 70 dan ortiq milliy iqtisodiyot tarmoqlari bevosita yoki bilvosita qatnashadi. Qurilishda 50 foiz qurilish materiallari sanoati, 18 foizga yaqin metallprokat, 40 foiz yog‘och materiallar, 10 foizdan ortiq mashinasozlik sanoati mahsulotlari ishlatiladi. Qurilish materiallari, konstruksiyalari va texnikalarini tashishda amalda barcha transport turlaridan foydalaniladi (avtomobil, temir yo‘l, daryo, dengiz va havo transportlari). Qurilish sarf-xarajatalari tarkibida transport xarajatlari qiymati 20 foizgacha etadi.
Mamlakat qurilish majmuasi tarkibiga turli mulk shakllaridagi pudrat tashkilotlari, qurilish materiallari sanoati korxonalari, mexanizatsiya, transport, loyiha va ilmiy-tadqiqot institutlari, lizing firmalari, o‘quv muassasalari va boshqa korxona hamda tashkilotlar kiradi.
Davlat miqyosida va xo‘jalik sub’ektlari miqyosida amalga oshirilayotgan investitsiya siyosatini, uning ustivor yo‘nalishlarini yaxshi tushunish, kapitalni yangi qurilishga sarflash variantlarini, amaldagi ishlab chiqarish quvvatlarini kengaytirish va rekonstruktsiya qilishni, fan-texnika taraqqiyotining eng yangi yutuqlari asosida texnika va texnologiyalarining yangi turlarini yaratish va ishlab chiqarishga joriy qilishni, resurslardan foydalanish, boshqaruv, tadbirkorlik va biznesni bilish bugungi kundagi mutaxassislar uchun juda muhimdir. SHuningdek, ular uchun iqtisodiyot boshqaruvidagi turli miqyoslarda ishlab chiqilayotgan turli investitsion echimlar va loyihalarni tanlab olish, tahlil qilish va baholash usullarini bilish ham juda muhimdir.
Bozor iqtisodiyoti talablariga muvofiq kapital qurilishda narxlarni shakllantirishning smeta-normativ bazasini tartibga solish va yangilash, ob’ektlar qurilishi qiymatini joriy shartnomaviy narxlarda belgilash mexanizmini takomillashtirish kapital qurilishda iqtisodiy islohatlarni chuqurlashtirishning asosiy vazifalaridan biridir.
Hozirgi kunda kapital qurilishda narxlarni shakllantirishning smeta-normativ bazasini takomillashtirish va yangilash uchun hududlar, tarmoq vazirliklari va idoralari bo‘yicha qurilish materiallari, konstruktsiyalar va buyumlar narxi, qurilish mashinalari va mexanizmlaridan foydalanish qiymati, transport xarajatlari, quruvchi ishchilarning ish haqi to‘g‘risidagi ma’lumotlar axborot banki tashkil etilmoqda.
Eskirgan va zamonaviy talablarga muvofiq bo‘lmagan amaldagi smeta normalari va qoidalari tizimi va uning asosida qurilish smeta qiymatining oshib ketishiga olib keluvchi rastsenkalarni qayta ishlab chiqish va tugatish, qurilish-texnologiya jarayonini va umuman qurilish majmuasining samarali ishlashini maqbullashtirish yo‘lida, pirovard natijada qurilishda loyihalashtirish-smeta tizimini takomillashtirib borishada ushba fanni qurilish sohasi talabalariga o‘qitish o‘z samarasini beradi.
Fanni o‘rganishdan asosiy maqsad - o‘quvchilarda bozor iqtisodiyoti sharoitida mamlakat kapital qurilish majmuasida narxni shakllantirishining va tanlov savdolarining nazariy va amaliy masalalari to‘g‘risida talab qilinadigan bilimlarni shakllantirishdir.
“Qurilish iqtisodiyoti va smeta ishi” fanini o‘qitishning asosiy vazifalari:
tinglovchilarni kapital qurilishda narxlarni shakllantirishning smeta-normativ bazasi takomillashtirish va yangilash bilan bog‘liq zarur zamonaviy bilimlar bilan qurollantirish;
tarmoq vazirliklari va idoralari bo‘yicha qurilish materiallari, konstruktsiyalar va buyumlar narxi bankini tashkil qilish va mavjud muammolar bilan tanishtirish;
iqtisodiyotni modernizatsiya qilish sharoitida qurilish mashinalari va mexanizmlaridan foydalanish qiymati, transport xarajatlari aniqlashni o‘rgatish;
quruvchi ishchilarning ish haqi to‘g‘risidagi ma’lumotlarni shakllantirishni o‘rgatish;
kapital qurilishda boshqaruv va xo‘jalik munosabatlari tizimiga bozor tamoyillari hamda mexanizmlarini keng joriy etish, loyiha va qurilish ishlarini bajarishga buyurtmalar joylashtirishda tanlov savdolari (tenderlar)ni tashkil etishni o‘rgatish va boshqalardan iborat.
SHu bilan bir vaqtda samarali qarorlar qabul qilishni shakllantirishdir.
“Qurilish iqtisodiyoti va smeta ishi” fanini o‘zlashtirish jarayonida amalga oshiriladigan masalalar doirasida talaba:
kapital qurilishda boshqaruv va xo‘jalik munosabatlari tizimiga bozor tamoyillari hamda mexanizmlarini keng joriy etish, qurilishda narxni shakllantirishning huquqiy – me’yoriy asoslarini bilishi hamda qo‘llay olishni; qurilish ob’ektlarini loyihalashtirish bilimilariga ega bo‘lishi; qurilish konstruktsiyasi va qurilish materiallari xususiyatlarini bilishi; mehnat iqtisodiyoti va quruvchi – ishchilar ish haqini shakllantirishni; gruntlar mexanikasi va qurilish texnologiyasini bilishi; qurilishda soliq va soliqqa tortish ob’ektlarini bilishi investitsiya loyihalari hujjatlarini ishlab chiqish, ekspertizadan o‘tkazish va tasdiqlash tartibini bilishi bilishi kerak;
- talaba qurilish ob’ektlarining texnik iqtisodiy ko‘rsatkichlarini ishlab chiqishni, qurilish ob’ektlari loyihalashtirish, qurilish hajmini hisoblash, ma’lumotlarni kompyuterga kiritishi va uni qayta ishlash; ob’ektlarga oid iqtisodiy, statistik va hisobot ma’lumotlarni yig‘ish, qayta ishlash va tahlil qilish bo‘yicha ko‘nikmalarga ega bo‘lishi kerak.
- talaba qurilish materiallari turlarini farqlash va optimal turini tanlay bilishi; qurilish konstruktsiyalarining xususiyatlarini, qurilish texnolgiyasini narx shakllantirish jarayonida qo‘llay bilish; hududlar, tarmoq vazirliklari va idoralari bo‘yicha qurilish materiallari, konstruktsiyalar va buyumlar narxi, qurilish mashinalari va mexanizmlaridan foydalanish qiymati, transport xarajatlari, quruvchi ishchilarning ish haqini to‘g‘ri tanlay bilish, kapital qurilishda tanlov savdolarining natijasi va maqsadini anglay bilishi, qurilish ob’ektlari qiymatini ekspertiza qilish qonuniyatlari va asoslarini to‘g‘risida aniq malakalariga ega bo‘lishi kerak.
|
| |
