|
– amaliy mashg‘ulot: Tarmoqda ko‘poqimlilik asosida ishlovchi dasturni yaratish
|
| bet | 7/12 | | Sana | 13.04.2022 | | Hajmi | 254.19 Kb. | | #19688 |
Bog'liq 11-15 amaliyot ttb Hayot faoliyati xavfsizligining huquqiy, Algoritmlash loyihalash lab-113 – amaliy mashg‘ulot: Tarmoqda ko‘poqimlilik asosida ishlovchi dasturni yaratish.
Ishdan maqsad: Java dasturlash tili java.net.*, java.io.* va java.util.* paketlari klasslaridan foydalanib tarmoqda ko‘poqimlilik asosida ishlovchi dasturni yaratish.
Nazariy qism:
TCP klientini yaratish
Klientning birinchi o‘rinda bajaradigan vazifasi server bilan aloqa o‘rnatishdan iborat. Server va klient o‘rtasida aloqa o‘rnatish uchun Socket obyekti yaratiladi. TCP soketi klientining ilovasini yaratish uchun quyidagi vazifalarni bajaradi:
1. Socket obyektidan foydalanib, klient soketini yaratish.
2. Soketga yozish va undan o‘qish.
3. Ulanishni tugallash.
Klient soketini yaratish
Klient soketining obykti server tomonidan eshitiladigan ikki parametr (IP adres va port raqami)ni qabul qiluvchi Socket klassining konstruktori yordamida yaratiladi.
Socket clientSocket = new Socket("127.0.0.1", 1001);
Avvalgi kod fragmentida 127.0.01 ga teng bo‘lgan IP adres va 1001-port shunday soketni aniqlaydiki, ushbu soketda server klient so‘rovlarini eshitadi.
Soketdan o‘qish va yozish
Klient va server o‘rtasida ulanish o‘rnatilganidan so‘ng klient serverga soket orqali so‘rov yuboradi. Soketdan o‘qish va yozish fayldan o‘qish va yozishga o‘xshash. Klientga server bilan o‘zaro aloqada ishlashni ta’minlash uchun quyidashilarni bajarish zarur:
PrintStream va BufferedReader klasslari har biri uchun ikkita obyekt e’lon qilinadi. Ushbu obyektlar soketdan o‘qish va yozish uchun ishlatiladi.
DataOutputStream outToServer = new DataOutputStream(clientSocket.getOutputStream());
BufferedReader inFromServer = new BufferedReader(new InputStreamReader(clientSocket.getInputStream()));
Socket klassining getInputStream() va getOutputStream() metodlari klientga server bilan o‘zaro aloqada ishlash imkonini beradi. getInputStream() metodi BufferedReader obyektiga soketdan o‘qish, getOutputStream() metodi esa DataOutputStream obyektiga soketga yozish imkonini beradi.
Klient ilovasida kiritilgan ma’lumotlar serverga uzatilishi uchun standart kirish bilan aloqa o‘rnatish uchun BufferdReader klassining yana bir obyekti e’lon qilinadi. Quyidagi kod fragmenti konsol oynasidan ma’lumotlarni o‘qish uchun ishlatiladi:
BufferedReader inFromUser = new BufferedReader(new InputStreamReader(System.in));
Keltirilgan kod fragmenti foydalanuvchiga klaviaturadan ma’lumotlarni kiritish imkonini beradi.
Ulanishni tugallash uchun clientSocket.close() metodidan foydalaniladi.
package tcp;
import java.io.*;
import java.net.*;
class TCPClient {
public static void main(String argv[]) throws Exception
{
String sentence;
String modifiedSentence;
BufferedReader inFromUser = new BufferedReader(new InputStreamReader(System.in));
System.out.println("Kliyent ishga tushdi!!!");
Socket clientSocket = new Socket("localhost", 6789);
System.out.println("Kliyent server bilan bog'landi");
DataOutputStream outToServer = new DataOutputStream(clientSocket.getOutputStream());
BufferedReader inFromServer = new BufferedReader(new InputStreamReader(clientSocket.getInputStream()));
System.out.println("Serverga jo'natsh uchun ixtiyoriy matnni kiriting:");
sentence = inFromUser.readLine();
outToServer.writeBytes(sentence + '\n');
System.out.println("Kiritilgan matn serverga jo'natildi");
modifiedSentence = inFromServer.readLine();
System.out.println("Qayta ishlangan matn serverdan keldi: " + modifiedSentence);
clientSocket.close();
System.out.println("Kliyent soketi yopildi!");
}
}
Yuqorida keltirilgan kod TCPClient.java sifatida saqlanadi.
TCP serverini yaratish
Serverni ishlab chiqish jarayoni ma’lum portdan klientlarning ulanish o‘rnatish so‘rovlarini “eshitadigan” ServerSocket klass obyektini yaratishdan iborat. Server ruxsat etilgan so‘rovni taniganidan so‘ng ServerSocket obyekti klient yaratgan Socket obyektini qabul qiladi. Server va klient o‘rtasidagi o‘zaro aloqa ushbu soketdan foydalanish bilan amalga oshiriladi.
java.net.* paketining ServerSocket klassi shunday obyektni yaratishda ishlatiladiki, uning yordamida server masofadagi kirish so‘rovlarini eshitadi. BufferedInputStream klassi klientdan serverga ma’lumotlar uzatilishini boshqaradi, DataOutputStream klassi esa serverdan klientgacha ma’lumotlar uzatilishini boshqaradi.
|
| |
