TIL, SÓZ ÓNERI HAQQÍNDAǴÍ

55
MIYNET HAQQÍNDAǴÍ NAQÍL-MAQALLAR
1-tapsırma.
Berilgen naqıl­maqallardı oqıń hám 
mánisin aytıp beriń.
Miynettiń kózin tapqan,
Baxıttıń ózin tabadı.
Jalqaw óz úyine ózi qonaq.
Miynet penen ráhát,
Ekewi de barabar.
Adamnıń qolı – gúl,
Mańlaydıń teri – nur.
Miyneti azdıń miywası az.
Hárekette – bereket bar.
Kóp jegiń kelse,
Kóp islewge de erinbe.
Miynet penen er kógerer,
Jamǵır menen jer kógerer.
Kóz qorqaq, qol batır.
Talaplıǵa nur jawar.
2-tapsırma.
Berilgen naqıl­maqaldı oqıń hám ne 
ushın uyqı hám kúlki erinshektiń dosları ekenligi 
haqqında sáwbetlesiń. 
Erinshektiń eki dostı bar,
Biri uyqı, biri kúlki.
@edurtm_uz

56
DIYQANSHÍLÍQ KÁSIBI HAQQÍNDAǴÍ 
NAQÍL-MAQALLAR
1-tapsırma.
Berilgen naqıl­maqallardı oqıń hám 
mánisin aytıp beriń.
Arpa, biyday as eken,
Altın, gúmis tas eken.
Jer aydasań gúz ayda,
Gúz aydamasań júz ayda.
Berseń alarsań,
Ekseń orarsań.
Qapta qalǵansha,
Tapta qalsın.
Ne ekseń, sonı orarsań.
Ósken terektiń tamırın shappa.
Qashıp ketseń de shashıp ket.
Qurǵaq aǵash janar­sóner,
Jas aǵashtan hasıl óner.
Tógin tókpey egin pitpes,
Úyrenbeseń bilim pitpes.
As arqaw, kiyim kórik.
Tógin – jer ırısı,
Egin – el ırısı.
2-tapsırma.
Berilgen naqıl­maqallardan payda­
lanıp, “Diy qan babam” temasında kishi tekst dúziń.
@edurtm_uz

57

Download 5,89 Mb.