SIZ BUNÍ BILESIZ BE?
GORIZONT
Siz átirapıńızǵa qarap qansha jerge shekemgi
aralıqtı kóre alasız?
Ashıq hám tegis jerde sheńber kórinisinde
kórinetuǵın Jer júziniń bólimi gorizont dep ata
ladı. Jer shar kórinisinde bolǵanı ushın gorizont
sızıǵınıń uzaqlıǵı shegaralanǵan. Ashıq hám te
gis jerde bizge tórt km uzaqlıqqa shekem bolǵan
jerler kórinedi. Bunday jaǵdayda gorizont tórt km
uzaqlıqta dep aytamız. Gorizonttıń tiykarǵı tórt
tárepi bar. Erte tańda Quyash shıǵatuǵın tárepi –
shıǵıs Quyash batatuǵın tárepi – batıs boladı. Go
rizonttıń basqa táreplerin anıqlaw ushın oń qolımız
shıǵıstı, shep qolımız batıstı kórsetetuǵın etip ja
yamız. Bunday halda siz qarap turǵan tárep –
arqa, artqı tárepińiz – qubla boladı. Shıǵıs, batıs,
arqa hám qubla gorizonttıń tiykarǵı tárepleri dep
ataladı.
