TIL HÁM KEWIL
MEHRIBANLÍQ
Anası úyge kirip, Maqsetke:
– Dúkanda alma satıp atır eken, sen tezirek
barıp gezekke tura ber, men házir baraman, –
dedi.
Alıstaǵı awıllarda bul waqıtlarda alma, almurt,
júzim sıyaqlı jemisler kem bolatuǵın edi. Maq
@edurtm_uz
88
set velosipedi menen zıńǵıp dúkanǵa demde jetti.
Alıwshılar oǵada kóp eken. Maqset gezekke turdı.
Ol demniń arasında ózinen keyin birtalay adamnıń
gezekke turǵanın kórip hayran qaldı. Anası: Men
baraman degenshe ózińaq ólshetip ala ber, –
dep edi.
Maqsettiń gezegi jańa jetkende, birden satıwshı
xalıqqa:
– Alma tawsıldı. Mına baladan keyingiler tur
-
mayaq qoyıń! – dedi. Gezekte turǵanlar ǵawır
-
lasıp ókinishli sózlerin aytıp, ilajsızdan tarqasa
basladı. Sol waqta qolında qaltası bar bir kempir
alǵa umtılıp:
– Shıraǵım, almań tawsılıp qaldı ma? – dedi
satıwshıǵa júdá qıynalıp qarap.
– Áttegenay! Awıldan emlewxanada jatqan
aqlı ǵıma kelip edim. Soǵan azıraq tawıp bere ǵoy
sańo.
– Joq ǵoy, sheshe, tawsılıp qaldı, – dedi satıw
-
shı qalǵan almanı Maqsetke ólshep berip atırıp. Al
Maqset birese tárezidegi almaǵa, birese kempirge
qarap qoyadı. Ol bir nársege oylanıp qıynalıp tur.
Bir waqları bir sheshimge kelgendey, ol ele de
kete almay turǵan kempirge qarap:
– Sheshe, – dedi, – mına almanı siz alaǵoyıń,
al men anama barlıǵın túsindirip aytarman, ol
urıspaydı, ala ǵoyıń. Aqlıǵıńızǵa apara ǵoyıń –
dedi asıǵıs tap birew kórip qoyatuǵınday. Awzın
ashıp ańtań bolǵan kempir bir waqları ózine kelip:
– Háy, baxtıń jańǵır, kóp jasaǵır balam, qanday
miyrimli bala ediń, óziń. Raxmet, aynanayın! –
dep alǵısın ústi ústine jawdıra basladı.
@edurtm_uz
89
Maqset keteyin dep jańa artına burıla bergeni,
qarasa anası turǵan eken. Bala albıraqlap ózin
aqlamaqshı bolıp:
– Bileseń be, ana.. – dey berip edi, onıń sózin
bólip:
– Bilemen, bilemen, balam, aytpayaq qoy. Tek
birdeyine usınday bol! – edi kúlimsirep. “Meh ri
banlıq – júrekten, qayırqomlıq – bilekten” deydi
xalqımız.
E. Ótetilewov
1-tapsırma.
Sorawlarǵa juwap beriń.
1. Maqsetti anası qay jerge jumsadı?
2. Maqset ózine alǵan almasın ne ushın
kempirge berdi?
3. Bunday jaǵdayda sizler ne islegen bolar
edińiz?
2-tapsırma.
Berilgen tekstti oqıp mazmunın aytıp
beriń.
@edurtm_uz
|
