JOLBARÍS HÁM MAYMÍL
Bir kúni jolbarıs tawdıń eteginde otlap júrgen
bir túyeni uslap alıptı. Onı bólekbóleklerge ayırıp,
ráhátlenip jepti. Qarnın toydırıp, ózine óziniń
kewli
tolıp, jánjaǵına qaraptı. Hámme esitsin degendey
biyiklikke shıǵıp, dawısınıń barınsha baqırdı.
– Kúshquwatta maǵan teń keletuǵın haywan
ele dúnyaǵa kelgen emes. Hátte, pil de meniń
aldımnan shıǵıp qalsa,
bir degende joq ete ala
-
man.
Tap usı payıtta birden tawdıń tóbesinen úlken
tas qulaptı.
Tas maqtanshaq jolbarıstıń arqasına tiyip, jara
laptı. Jolbarıs óziniń denesin kótere almay jerge
quladı. Birazdan soń súyretilip zorǵa
suw ishiw
-
ge kóldiń boyına barıptı. Suw iship bolıp, haldan
tayıp, uyqıǵa ketipti. Birazdan soń denesiniń qattı
awırǵanınan oyanıptı. Qarasa, ol jatıp qalǵan jer
qumırısqanıń ini eken.
@edurtm_uz
100
Qumırısqalar jarasınıń ústin basıp, qattı shaǵa
baslaǵan eken. Qorqıp ketken jolbarıs jatqan
jerinen ushıp turıp, shırgúbelek aylana baslaptı.
Biraq ústindegi qumırısqalar jerge túspepti, shaǵıwın
da toqtatpaptı.
Jolbarıstıń jatqan jerinen sál alıslawdaǵı terekte
maymıl otırǵan eken. Ol jolbarıstıń háreketlerin
baqlap otırǵan eken. Onıń turǵan jerinde aylanıp
juwırıp júrgenin kórip kúlipti hám bılay depti:
– Jaqında ǵana “Kúshquwatta maǵan teń
keletuǵın haywan ele dúnyaǵa kelgen emes”, –
dep maqtanǵan kim edi? Kúshquwatıń hám
zorlıǵıń qayda qaldı?
Jolbarıs maymıldıń sózinen uyalıp ketipti hám
maymılǵa jalınıptı.
– Maymıljan, jaramdaǵı qumırısqalardı terip alıp
taslasań, ómir boyı
sennen minnetdar bolar edim, –
depti.
Maymıl onıń jarasındaǵı qumırısqalardı alıp
taslawǵa járdem beipti. Jolbarıs sonnan baslap,
haywanlarǵa azap bermeytuǵın bolǵan eken.
