TAS JÚREK
Bir awılda bir bay saqıy insan jasaydı eken. Ol
qolınan kelse adamlarǵa jaqsılıq etkisi keledi eken.
Awıllasları da onı húrmet etedi, sıylaydı eken.
Ol bir kúni qalıń toǵayda adasıp ketipti. Úyin
taba almay kóp júripti. Ol aylanıp júrip burın
kórmegen bir kólge túsip ketipti. Kóldegi suwda,
altınlar jıltırap suw ústinde júzip júr eken. Saqıy
@edurtm_uz
101
insan qolın sozıp, sırtqa shıqpaqshı bolǵan sayın
tereńge kete baslaptı. Ol járdem sorap baqırıptı,
heshkim esitpepti. Kólde jawız ruwx jasaydı eken.
– Eger seniń júregińdi bizge berseń, seni azat
etemiz. Miyrimli júregińniń ornına tas salıp qoyamız.
Sonda sen ele de bay bolasań hám batpaqlıqtan
da qutılasań, – degen dawıs esitilipti. Bay oyla
nıptı. Jıltıraǵan altınlar onı júregin almastırıwǵa
kelisim beriwge kóndirgendey bolıptı. Saqıy adam
úyine qaytıptı. Erteńine onı awıllasları tanımay qa
-
lıptı. Ol sirá kúlmepti. Jılaǵandı ayamay jazalaydı
eken. Júdá jawız bolıptı, sirá jaqsılıq etpepti.
Hámmege azap beripti. Onnan awıllasları da,
hátte balaları da biyzar bolǵan eken.
Bir kúni kiyatırsa bir qız jolınan shıǵıp qalıptı.
Onı qolındaǵı dorbası menen alısqa ılaqtırıp jiberip
-
ti. Qız kózin ashsa, kólde jatır eken. Kól suwına
betqolın juwıp tursa, bayaǵı jawız adamnıń kólge
kelgenin kóripti.
Jawız adam bunday jasawdan zerikkenligin,
óziniń júregin saǵınǵanlıǵın aytıp atır eken. Kólde
-
gi hawaz oǵan:
– Endi júregińdi qaytıp ala almaysań. Seniń tas
júregińniń ornına birew óz janın beriwi kerek, –
depti. Sonda qız oǵan óz janın beriwge razı
ekenin aytıptı.
Qızdı kól jutıp jiberiwinen qorqıp ketken bayaǵı
adam:
– Yaq, bárine men ayıplıman, meni óltir, – dep
qızdıń aldına juwırıptı. Sonda bayaǵı tas júrek
erip, burınǵı miyrimli adamǵa aylanıptı.
@edurtm_uz
|
