`
162
«Zamonaviy dunyoda innovatsion tadqiqotlar: Nazariya
va amaliyot» nomli ilmiy, masofaviy, onlayn konferensiya
KONTREYLER TASHISH TEXNOLOGIYASINI TASHKIL ETISHNING
TAHLILI
Muhamedova Ziyoda Gafurdjanovna
1
Boboyev Diyor Shomurotovich
2
1-2
Toshkent davlat transport universiteti (Toshkent, O‘zbekiston)
https://doi.org/10.5281/zenodo.6592868
Annotasiya:
Maqolada temir yo‘l transportida kontreyler tashishlarni
takomillashtirish va kombinatsiyalashgan tashish
usullarini ishlab chiqish
bo‘yicha tadqiqot ishlarining tahlili ko‘rib chiqilgan. Hozirgi kunga qadar
mahalliy va xorijiy mamlakatlardagi kontreyler tashish texnologiyasini tadqiqot
qilgan olimlar hamda yetakchi ilmiy-tadqiqot institutlari keltirilgan. Bundan
tashqari, yuklarni avtomobil va temir yo‘l transportlarida
qayta yuklash
ko‘rsatkichlarini yaxshilashga qaratilgan tadqiqot ishlari o‘rganib chiqilgan.
Kalit so‘zlar: Tahlil, qayta yuklash, kontreyler tashish, yetkazib berish muddati,
ilmiy-tadqiqotlar,
tashishni
takomillashtirish,
yuk
operatsiyalari,
kombinatsiyalashgan tashish, transport turlari hamkorligi, zamonaviy tashish
tizimi.
Kirish. Rivojlangan mamlakatlarda transport
sohasida kundan-kunga yangi
texnologiyalar joriy etilmoqda va amaliyotda ushbu texnologiyalardan samarali
foydalanib kelinmoqda. Mamlaktimizda transport sohasining, xususan, temir
yo‘l transportining rivojlanishi iqtisodiy ko‘rsatkichlarimizni yanada yaxshilash
imkoniyatini yaratadi. Jahon bozoriga mahsulot
va yuklarning tezlik bilan
ishonchli tarzda kirishi orqali iqtisodiyotning sezilarli darajada o‘sishiga hamda
davlatlararo transport aloqalarining yanada mustahkamlanishiga erishiladi.
Buning uchun texnika va texnologiya yutuqlarini qo‘llagan holda mahalliy
hamda xalqaro tashishlarda zamonaviy tashish tizimlaridan foydalanish lozim.
Jahon tajribasida yaxshi ko‘rsatkichlarni ko‘rsatayotgan va keng imkoniyatlarga
ega bo‘lgan zamonaviy texnologiyalardan biri kontreyler tashish tizimi
hisoblanadi.
Asosiy qism. Kontreyler tashish tizimi temir yo‘l
va avtomobil transportining
afzalliklarini umumlashtirgan zamonaviy texnologiya bo‘lganligi sababli ortish-
tushirish vaqlarini qayta yuklash jarayonida sezilarli darajada kamaytiradi.
Buning natijasida yuklarning shikastlanishi hamda yetkazib berish muddati
yaxshilanadi. Yuklarni tashish jarayonida yuk operatsiyalariga
sarflanadigan
vaqtlarni kamaytirish va kombinatsiyalashgan tashish turlaridan foydalanish
bo‘yicha nazariy va amaliy tadqiqotlar ko‘plab davlatlarning ilmiy markazlari,
universitet va
ilmiy-tadqiqot institutlarida, jumladan: University of Texas at
Austin (AQSh), East Paris University (Fransiya), Technische Universität Berlin
