| Tg (tangens belgisi).
Tangensning qisqartirilgan shakli: tg 18-asrda Iogann Bernulli tomonidan fanga kiritilgan va bu Germaniya va Rossiyada keng tarqalgan. 17-asrning boshida Alber Jirar taklifiga ko`ra “tan“ kabi ishlatilgan.
Ctg (kotangens belgisi).
Kotangensni qisqartirilgan shakli: ctg 18-asrda Iogann bernulli tomonidan fanga kiritilgan va bu Germaniya va Rossiyada keng tarqalgan. 17-asrning boshida Alber Jirar taklifiga ko`ra “cot” kabi ishlatilgan.
30̊ 40′50″ (burchak birliklari).
Burchak birliklarining zamonaviy ko`rinishi Ptolomeyning “Almagest” da ham uchrardi. Lekin o`rta asrlarda Yevropada bularning o`rniga: “gradus”, “minutes”, “secundac” so`zlari yozilgan. Yana bu simvollarni 1568-yilda frasuz matematigi va poeti Yak Peletye (frasuzcha Yacque Peletye du Mans (1517-1582) ishlatgan. SHundan so`ng bular tez orada umumiy ishlatiladigan bo`ldi. Taxlil uchun ancha qulay bo`lgan burchakning radian o`lchovini 1714-yilda ingliz matematigi Rodjer Kots taklif qilgan. “Radian” terminini o`zi esa 1873-yilda mashhur fizik Lord Kelvinning ukasi Djeyms Tomson o`ylab topgan.
| 