|
Tariqatchilikning zamonaviy ko‘rinishlari
|
| bet | 60/139 | | Sana | 29.01.2024 | | Hajmi | 1,89 Mb. | | #148083 |
Bog'liq Мавзу Фалсафа фанининг предмети, ма=сади, вазифалари ва муаммолTariqatchilikning zamonaviy ko‘rinishlari.
Payg‘ambarimiz s.a.v “Kimki dunyoni xohlasa zohidlik qilsin va kimiki ikkolovini xohlasa ilm o‘rgansin” deganlar. Chunki o‘sha davrda avvalgi dinlardan o‘tib kelgan talimotlari zohidlik edi. Tarki dunyo qilayotgan insonlar bor edi. Endi esa yangi talimot Islom dini keldi. Bu talimotga ko‘ra musulmon kishi ham dunyo va ham oxiratni istashi kerak. Alloh taolo o‘zining kalomida shunday marhamat qiladi: “Va ulardan ba’zilari: “Robbimiz, bizga bu dunyoda ham yaxshilikni, oxiratda ham yaxshilikni bergin va bizni do‘zax olovi azobidan saqlagin”, deydir” (Baqara, 201).
Demak, Rasulullohning “Kimiki oxirtni xohlasa zohidlik qilsin" deganlari ahli kitoblardan qolgan. Tarkidunyochilikka ishoradir. Islomdagi taqvo, yani tasavvuf esa dunyo va oxiratni xohlashdir. Bu esa ilm o‘rganish bilan bo‘ladi. Islomda 200-hijriy yillarda dastlab taqvo belgisi sifatida, faqirlik, kamtarlikni izhor etish maqsadida jun kiyim kiyib yuruvchilar paydo bo‘lgan.
Tasavvuf ta’limoti uzoq davrlar mobaynida jamiyatning turli tabaqalari o‘rtasida do‘stlik, brodarlik rishtalari ildiz otishiga zamin yaratgan. Hozirgi paytda dunyoning ko‘p mamlakatlarida Bahouddin NAQSHband va nAQSHbandiya tariqati katta nufuzga ega. Chunki mazkur tariqatda islom shariati mezonlari buzilishiga yo‘l qo‘yilmay, chin insoniy fazilatlar ilgari surilgan.
Ammo barcha davrlarda ham tasavvufni o‘zlarining tor doiradagi maqsadlari yo‘lida talqin etuvchilar ham bo‘lganini unutmaslik kerak. Abdulqodir Giyloniy o‘zlarining “Sirrul-asror” kitoblarining 23 fasli, “Tasavvuf ahli xususining bayoni” bobida tasavvuf ahlini ikkiga bo‘ladi: avvalgi guruh-“sunniylar”, ikkinchisi esa “bid’at ahli” deb tilga olinadi. Birinchi toifa so‘zda, amalda, shariat va uning ma’nosi bo‘lgan tariqatda tamoman qoimdir. Ularni “ahli sunna val jamoa” nomi bilan ataydi. Bid’atchilar toifasiga esa shariat va tariqatga mos tushmagan ishlarni qilishga odatlanganlarni kiritadi.
Hozirgi kunda tasavvuf deganda tor ma’nodagi turli marosimbozlik, tariqatga ruju qo‘yish, ”pirparastlik ”, xudoyima-xudoyi va ehsonma-ehson yurish, boshqalardan ajratib turadigan liboslar kiyish, boshqalardan ajratib turadigan turfa rasm-rusumlarga berilib yashash tushuniladigan bo‘lib, odamlarga tariqatni shunday tushuntiradigan ayrim toifalar ham ko‘payib bormoqda. Shuningdek, bu toifalar haqiqiy mumtoz tasavvuf vakillarning tasavvufni komil musulmon yetishtirishdagi bir vosita ekani haqida o‘gitlarni unutib, musulmon kishilarning asosiy maqsadi tariqatga kirish, pirga qo‘l berib, uning xizmatini qilish ekani haqidagi noto‘g‘ri talqin va da’volarini ilgari surmoqdalar. Shu sababli, soha mutaxassislari tomonidan bunday toifalarni mumtoz tasavvuf namoyandalari va vakillaridan farqlay bilish hamda ularni boshqa turli oqimlardan ajratib ko‘rsatish maqsadida ularga nisbatan “tariqatchilar” atamasi iste’molga kirdi.
|
| |
