|
Mavzu: maktabgacha yoshdagi bolalarda tajamkorlik sifatlarini shakllantirishning pedagogik jihatlari
|
| bet | 1/3 | | Sana | 18.05.2024 | | Hajmi | 404,13 Kb. | | #240937 |
Bog'liq тежамкорлик Mavzu: maktabgacha yoshdagi bolalarda tajamkorlik sifatlarini shakllantirishning pedagogik jihatlari Shonazarova Adolat
Maktabgacha ta’lim tarbiyalanuvchilarida tejamkorlik ruhida tarbiyalashning zarurligi, shaxsning ijodkorlik, mustaqillik imkoniyatlarini oshirish lozimligidan kelib chiqadi. Biz mamlakat iqtisodiyoti, madaniyati ijtimoiy madaniy hayotini qaysi yo’ldan borib bo’lsada yaxshilash uchun mehnat qilsak, bu yo’lda asosiy rolni insonning o’zi, uning ijodkorligi, faolligi mustaqil hal etish qobiliyati, bilimdonligi kasbiy mahorati hal etadi.
Hozirgi payt insoniyat, faoliyat uslubiyotlarining boy xazinasini to’plagan. Lekin faoliyat sistemasi jahon iqtisodiy, madaniy rivojiga qarab muttasil sur’atda yanada boyitilib borilmoqda. O’qitish ta’lim-tarbiya berishda yangi uslublar qo’llanilishi lozim bo’lgan navbatdagi muammolar paydo bo’lmoqda. Tarbiyachilarni iqtisodiy tayyorlash, ularning iqtisodiy madaniyatlilik darajasini shakllantirish qiyin, lekin bajarilishi shart bo’lgan shunday muammolardan biriga aylandi.
G.X.Eshmurodovaning fikricha, iqtisodiy ta’lim-tarbiya samaradorligini oshirishning muhim yo’llari quyidagilardan iborat:
1. Iqtisodiy ta’lim-tarbiyani maqsadga muvofiq, izchil, tizimli amalga oshirish.
2. Iqtisodiy ta’lim-tarbiyada fanlararo o’zaro aloqadorlikka erishish.
3. Iqtisodiy ta’lim-tarbiyani tashkil etishga nisbatan texnologik yondashuvni qaror toptirish (muammoli vaziyatlarni yaratish, ekskursiyalar, interfaol metodlar va rolli o’yinlardan samarali foydalanish).
4. Bolalarni ishlab chiqarish jarayoniga faol jalb etish (to’garaklar, o’quvchilar ishlab chiqarish brigadalari yoki jamoalarini shakllantirish asosida).
5. Bolalarni tomonidan o’zlashtirilgan nazariy iqtisodiy bilimlarning amaliyotga joriy etilishi uchun zarur shart-sharoitni yaratish.
6. Oila, ta’lim muassasalari hamda jamoatchilik hamkorligi asosida o’quvchilarda iqtisodiy bilim, ko’nikma va malakalarni tarbiyalash.
|
| |
