Taqsimlash elektr tarmog‘ini rivojlantirish

Taqsimlash elektr tarmog‘ini rivojlantirish. 
Taqsimlash elektr tarmoqlari elektr energiyasini yakuniy iste’molchiga 
yetkazib berish funsiyasini bajarib, nisbatan jadal rivojlanishi va yuqori texnologik 
yo‘qotish darajasi bilan ajralib turadi.
Quyidagilar taqsimlash elektr tarmoqlarini rivojlantirishning ustuvor 
yo‘nalishlari hisoblanadi:
- elektr energiyasini taqsimlash jarayonida uning texnologik va tijorat 
yo‘qotishlarini kamaytirish;
- elektr ta’minoti ishonchliligini oshirish va sifatini yaxshilash. 
Elektr energiyasini ulgurji raqobatlashgan bozoriga o‘tish jarayonida, 
taqsimlash tarmog‘ini ekpluatatsiya qilish va iste’molchilarga elektr energiyasini 

sotish funsiyalari ajratiladi, taqsimlash tarmoqlari esa davlat mulki bo‘lib qoladi. 
Elektr energiyasini sotish funksiyasi shaffof tanlovlar asosida DXSH shartlari 
bo‘yicha bosqichma bosqich xususiy kompaniyalarriteylerlariga o‘tkaziladi. 2021-
2025 yillarda 35-110 kV kuchlanishli yangi elektr tarmoqlarini qurish va 
mavjudlarini modernizatsiya qilishni ko‘zda tutuvchi davlat dasturi qabul qilinadi, 
shuningdek, 2022-2025 yillar uchun tegishli davlat dasturi qabul qilinishi bilan past 
kuchlanishli taqsimlash tarmoqlarini modernizatsiya qilish va rekonstruksiya qilish 
ishlari davom ettiriladi. Mavjud 110/35/10/0,4 kV kuchlanishli elektr tarmoqlarini 
modernizatsiya qilish va yangi qurilish quyidagi tamoyillar asosida amalga 
oshiriladi:
- 110/35/10 kV PS sonini yangi PS lar qurilishi va 35/10 kV PS larni yuqori 
kuchlanish sinfiga o‘tkazilishi hisobiga ko‘paytirish; 
-shaharlar va aholi yashash punktlari chegaralarida er osti kabellari yotqizish 
yoki o‘z-o‘zini tutib turuvchi izolyasiyalangan simlarni tortish orqali 10, 35 va 110 
kV kuchlanishli elektr uzatish liniyalarilar qurilishini amalga oshirish; 
shaharlarda va yirik aholi punktlarida 35 kV va 110 kV PS larni yopiq turga 
o‘tkazish;
shaharlarda va yirik aholi punktlarida 35/0,4 kV transformatorlardan keng 
foydalanish;
- 10 kV va 35 kV kuchlanishga o‘tkazish orqali 6 kv kuchlanishdagi elektr 
tarmoqlarini ekspluatatsiyadan chiqarish;
- 0,4-10kV kuchlanishli havo elektr uzatish liniyalari simlarini o‘z-o‘zini tutib 
turuvchi izolyasiyalangan simlarga almashtirish va bir vaqtning o‘zida 0,4 kV elektr 
uzatish liniyalari uzunligini qisqartirish. 
2020-2021 yillarda elektr energetika tarmog‘ini raqamlashtirish dasturi 
doirasida ma’lumotlar qayta ishlashning yagona markazi yaratiladi.Barcha 
iste’molchilarda hamda elektr energetika ob’ektlarida EHNATni 17 joriy etish 
loyihalari yakunlanadi 

Nazorat savollari: 
1. Taqsimlash elektr tarmoqlarini rivojlantirishning ustuvor yo‘nalishlari 
qaysilar? 
2. Respublikamizda qanday kuchlanishlarga mo’ljallangan elektr tarmoq 
tizimlar mavjud? 
3. Oʻzbekistonda elektr ta’minoti tizimini intelektuallashtirishda qanday 
qurilmalardan keng foydalanilmoqda? 
4. SKADA tizimi haqida ma’lumot bering?