|
Mavzu: Qatlamni gidravlik yorish uchun jihozlar
|
| bet | 5/7 | | Sana | 25.12.2023 | | Hajmi | 242.5 Kb. | | #128236 |
Bog'liq Reja Qatlamni gidravlik yorish usuli tahlili-fayllar.org Sobirova-R.A-biokimyo (1), 8-лекция, quduqlarni-ta-mirlashda-kaltyubing-texnologiyasidan-foydalanish (1), shuhart, Статья по SiC (4), Электросон, 11- maruza, 3 laboratoriya, Администрирование информационных сетей compressed, 2, 60730300-Nasos va kom stans loy, qurish va ish, 12 11 2022 Плагиатга жавоб хати Тураев Х С, nizom tyutor, 20-dekabr VIKTORINA YAPON MARKAZI bayonnoma, MIBICHT6. Kon sharoitida qо‘llaniladigan qatlamni gidravlik yorish texnikalari
Qatlamni gidravlik yorishdan oldin, quduq usti maxsus armaturalarning turi 1 AU-70 yoki
2 AU-700 bilan jihozlanadi. Unga yoruvchi suyuqliklarni quduqqa haydovchi agregatlar о‘rnatiladi.
QGYO uchun kerakli asosiy jihozlarga quyidagilar kiradi:
nasos agregatlari 4 AN-700 yoki 5 AN-700;
qumlarni aralashtiruvchi qurilma 3 PA yoki 4 APa;
suyuqliklarni tashuvchi avtotsisterna SR-20;
monifold bloklarini tashish uchun agregatlar 1 BM-700;
tо‘ldiruvchilarni tashish uchun agregatlar va boshqalar.
Nasos agregatlari (4AN-700 va 5AN-700) yeyilishga qarshi mustahkam bо‘lgan materiallardan tayyorlanadi, uch о‘qli yuk avtomobili KRAZ-257 ning shassisiga о‘rnatiladi. Bu agregatning maksimal bosimi 70,0 MPa, uzatishi 6m/sek. Agregatda kuch uzatuvchi sifatida quvvati 588 kvt.li dizel dvigatelidan foydalaniladi. Dvigatel avtomobil plotformasiga о‘rnatilgan bо‘ladi va tezlik qutisi orqali kuch nasosi, uzatma vali bilan bog‘langan. Suyuqlik-qumni aralashtirish uchun qum aralashtirgichlarning 3PA yoki 4PA, USP-50 (9 tonnagacha) turidagi qurilmalari qо‘llaniladi, ular avtomobilga montaj qilinadi. Suyuqlik bilan qumni aralashtirish va aralashmani uzatishda mexanik nasos agregatlari qо‘llaniladi. USP-50 qumni aralashtiruvchi qurilma qumni tashish, qum suyuqlik aralashmasini tayyorlash va qatlamni gidravlik yorishda nasos qurilmasiga suyuqlikni yetkazib beradi hamda suv-qum-oqimli perforatsiya jarayonida ham. U KrAZ-257B1A avtomobiliga montaj qilingan va bunkerdan, yuklovchi va ishchi shneklardan, manifol’ddan, boshqaruv joyi, shneklarni gidravlik boshqarish tizimi va qorigichdan tashkil topgan.
USP-50 qurilmasining texnik tavsiflari
Maksimal uzatishi, m3/min 3,6
Uzatishi, t/min 0,3
Bunkernig sig‘imi,m3 6,83
Eng yuqori bosimi, MPa 0,2
Qum aralashtiruvchi 4PA-agregatining yuk kо‘taruvchanligi 50 tonna. Agregat yuklanuvchi shnek bilan jihozlangan. Bu agregatlarda kerakli konsentratsiyali qumning suyuqlik bilan aralashmasi tanlanadi. QGYO.da kо‘p holatda SR-20 avtotsisternasidan foydalaniladi. U avtotirkama 4 MZAP-552ga montaj qilingan va KRAZ-257 yordamida tashiladi. Avtotsisternadan tashqari tirkama shassiga GAZ-51 dvigateli montaj qilingan. 8 K-18 markazdan qochma uch plunjerli 1V nasosi montaj qilingan. Tezlik qutisi yordamida nasos va GAZ-51 dvigateli yordamida reduktor harakatga keltiriladi. Sisternada 17 m3li sig‘im idishi, sathni kо‘rsatuvchi pо‘kkak va qish paytida suyuqlikni isituvchi, “qishda” bug‘ harakatlanuvchi qurilma (PPU) о‘rnatilgan. Uch plunjerli 1V nasosi havo kompressori bilan ta’minlangan bо‘lib, haydash tezligi 13 m/sek, maksimal bosim 1,5 MPa (140 ay/daqiqa), markazdan qochma nasos 8K-18 haydash quvvati 60-10l/sek, napori 20 metrgacha, qum aralashtiruvchi agregatga suyuqlikni haydash uchun mо‘ljallangan. 1BM-700 va 1BM-700S blok manifoldi yuqori bosimli (70 MPa) kо‘taruvchi strela, monifold detallari yuklash va tushirish uchun mо‘ljallangan bо‘ladi, yuqori bosimli bir nechta nasos agregatlarini otma tizimlarini biriktiradi va quduq usti armaturasiga biriktirishda qо‘llaniladi. Manifold blok maxsus tayyorlangan platformada hamma joyda yura oladigan avtomobilda tashiladi. QGYO jarayonini olib borilishida stansiyani nazorat qilish uchun, nazorat va boshqarish stansiyalari qо‘llaniladi. Bu stansiya nazorat о‘lchovchi va yozadigan distansiyali apparatlar hamda ovozni kuchaytirgichlar va telefon aloqasi uchun alohida agregatlar va bajaruvchilar bilan jamlangan.
Texnika xavfsizligiga rioya qilish uchun, agregatlar uchqun о‘chirgichlar bilan jihozlangan, avariya va yong‘in xavfida chetga chiqishi mumkin, quduqdan uzoq masofaga radiatorlar joylashtiriladi. Bosimli kollektor oltita chiqishi bо‘lgan uchta klapanli qutidan iborat bо‘lib, bosim chizig‘ini nasos qurilmasi bilan biriktirish uchun xizmat qiladi. Bir tomondan qutiga tishli sektorli о‘tuvchi jо‘mrak mahkamlanadi, ikkinchi tomondan esa –markaziy quvur biriktiriladi. Markaziy quvur oldindan himoya qiluvchi klapanli uchlik bilan tugallanadi hamda tiqinli jо‘mrakli ikkita qisqa quvurdan va kiydiriladigan gaykadan tashkil topgan hamda bosimli quvur uzatmaga biriktiriladi. Har bir chiqarish chizig‘i teskari klapan bilan ta’minlanadi. Bunday QGYoda neft’-asosli suyuqliklardan foydalanish juda muhimdir. Tо‘ldiruvchilarni tashishda agregatlar qо‘llaniladi, u ikkinchi maxsus agregat – aralashtirgichga shnekli vintlar yordamida uzatiladi. Ular shnekli vintlar, nasoslar, suyuqlik-qum aralashtirgichlarni aralashtiruvchi kamerali uzatgichlar, har xil qо‘shimcha mexanizmlar, suyuqlikni avtomatik dozirovka qilgichlar, talab qiluvchi konsentratsiyaga bog‘liq tо‘ldiruvchilar va quduqqa qum tashigichli haydash darajalari bilan jihozlangan. Agregat bunkeri va aralashtiruvchi mashina og‘ir yuk tashuvchi avtomobillarni shassisiga montaj qilinadi. QGYoni yangi texnologiyalari yaratilmoqda va mukammallashtirilmoqda, yangi texnika va samarali agregatlar va jihozlar yaratilmoqda. Gaz va gazkondensat qatlamlarini GYoda yorish bosimiga nisbatan 2 marta yuqori bо‘lgan bosimga chidamli bо‘lgan favvora armaturasi qо‘llaniladi hamda tog‘ jinslarini yuqori bosimini ushlab turadigan paker bilan jihozlangan nasoskompressor quvurlari kolonnasi qо‘llaniladi. QGYodan oldin quduq tо‘xtatiladi, eski favvora armaturasi demontaj qilinadi, preventor qurilmasi montaj qilinadi, lift kolonnasi kо‘tarib olinadi, yuqori bosimli paker bilan NKQ quduqqa tushiriladi, preventor qurilmasi demontaj qilinadi, maxsus yuqori bosimli favvora armaturasi montaj qilinadi va undan qatlamni gidravlik yorish olib boriladi. Undan keyin yuqori bosimli maxsus armatura demontaj qilinadi, preventor qurilmasi montaj qilinadi, quduqdan yuqori bosimli paker bilan NKQ chiqarib olinadi, quduqqa lift kolonnasi tushiriladi, quduq ustidagi preventor qurilmasi demontaj qilinadi va favvora armaturasi montaj qilinadi. Undan keyin quduq о‘zlashtiriladi. Gaz quduqlarida QGYO usulidan ma’lumki, tо‘xtatishga qо‘shilgan quduqlar, quduq usti bog‘lanmasi, quduqdan lift kolonnasini chiqarib olish va quduqqa yuqori bosimli paker bilan NKQni tushirish, quduq usti bog‘lanmasini о‘rnatish, pakerni pakerlash, qatlam gidravlik yorishni olib borish, quduq usti bog‘lanmasini о‘rnatish, yuqori bosimli pakerni uzish va olib chiqish, lift kolonnasini quduqqa tushirish, quduq usti bog‘lanmasini о‘rnatish va quduqlarni о‘zlashtirish ishlari amalga oshiriladi.
Bu usulning kamchiligi qatlamni gidravlik yorishdan oldin va undan montaj ishlarini qiyinligi, paker bilan NKQni yuqori bosimli quduqdan chiqarib olishda quduqni qaytadan tо‘xtatish kerakliligi va kutilmaganda qatlamdan gaz oqimini paydo bо‘lish ehtimolligi quduq tubi zonasini ifloslantiradi hamda QGYO samaradorligini pasaytirib yuboradi. Bundan tashqari quvurlarda va quvurlaroralig‘i halqasida joylashgan suyuqliklarni zichligini tenglashtirishni mumkinemasligi, yuqori bosimli pakerlarni chiqarib olishda murakkabliklarga olib keladi. Nasos qurilmasidan suyuqlikni haydash chizig‘i orqali uzatishda SA-320 dagi (14) yuqori bosimli paker (6) ishchi holatiga keltiriladi va paker quduqning orqa halqasini berkitadi. Quduqning halqa oralig‘ida joylashgan yuqori bosimli pakerning germetikligi (6) quvur halqa chizig‘i orqali suyuqlikni (14) bosim ostida haydash orqali amalga oshiriladi. Haydash chizig‘i orqali bostirilgan suyuqlik (12) qatlamni gidravlik yoradi va hosil bо‘lgan yoriqlarni propant bilan tо‘ldiradi. Qatlamni gidravlik yorish tugallangan keyin yuvuvchi suyuqlikni izidan mahsuldor qatlamni oralig‘iga berkituvchi suyuqlik (16) haydaladi va quduqni tubi zonasiga quduq stvolida qolib ketgan uchiruvchi suyuqliklarni kirib qolishini oldini oladi. Bekituvchi suyuqlik (16) NKQ ning birikmasi (5) yoki koltyubing qurilmasini egiluvchan shlanglari orqali haydaladi. Sirkulyatsiya klapani (7) ochiladi va talab etilgan zichlikdagi berkituvchi suyuqlik (17) bilan quvurlar oralig‘idagi halqa va quvurlarni ichi tо‘ldiriladi. Sirkulyatsiyani ikki marta yaratish yо‘li orqali quvur va quvurlar oralig‘i halqasidagi suyuqliklarni zichligi tenglashtiriladi. Bekituvchi suyuqliklarni zichliklari tenglashtiriladi, preventor ustidagi g‘altak (4) bilan osma flanets (9) bо‘shatilgandan keyin quduqning ishlatish kolonnasiga (18) mahkamlangan yuqori bosimli paker (6) NKQni (5) kо‘taruvchi agregat orqali yuqoriga tortish orqali uziladi. Undan keyin quduqdan NKQ bilan birgalikda (5) yuqori bosimli paker (6) va sirkulyatsiya klapani (7) chiqarib olinadi. Buning uchun NKQning birikmasidan (5) quvurni kо‘targich va kо‘taruvchi flanets (9) ajratiladi. Quduqni ishlatishga mо‘ljallangan quduqqa lift kolonnasi tushiriladi. Preventor g‘altagi (4) ustidagi preventor qurilmasi (3) demontaj qilinadi. Undan keyin esa ma’lum texnologiya asosida mash’ala chizig‘i orqali (12) quduq о‘zlashtiriladi. Bu taklif qilingan texnologiya qо‘llanilganda QGYO gacha va undan keyin ham montaj ishlarini amalga oshirish sarflangan vaqt qisqaradi, ishning xavfsizligi ta’minlanadi, qatlam quduq tubi zonasini qaytadan ifloslanishini oldi olinadi, quduqdan yuqori bosimli pakerni (6) chiqarishni xavfsizligi ta’minlanadi hamda quduqni ishga qо‘shish muddati qisqartiriladi.
|
| |
