Islom davlatlarida tarixni o‘rganish ko‘proq diniy tasavvurlar bilan
bog‘lab o‘tiladi. Asosiy manba sifatida Qur’oni Karim kitobi olinadi.
To‘rtinchi sinf darsliklaridan boshlab Afrikada
yevropaliklar tomonidan qul
savdosining yo‘lga qo‘yilishi va arablarning bunga qarshi olib borgan
kurashlariga doir tarixiy mavzular o‘rgatiladi. O‘rta
asrlardagi arablarning
o‘zlari tomonidan olib borgan boqinchilik yurishlariga o‘quvchilarga
gapirilmaydi va buni dinni yoyish yo‘lida olib borilgan faoliyatlar bilan
izohlaydilar. Payg‘ambar Muhammad (s.a.v.)ning
hadislarida keltirilgan
voqealar ham tarix darslarida muhim o‘rin egallaydi va bu bilan yoshlarni
katta hayotga tarbiyalashda keng foydalaniladi.
Umuman
olganda,xorijiy
mamlakatlar tarix darslarining o‘qitilish
metodikasida o‘quvchilarda tarixni o‘rganish
orqali insonparvarlik, vatanni
sevish, o‘z ajdodlarining vatanlari rivojiga qo‘shgan
hissalariga hurmat
tuyg‘usida bo‘lish va o‘zlarida vorisiylik hissini rivojlantirishga e’tibor
qaratish yuqori ekanligini ko‘rishimiz mumkin.
Xulosa qilib aytganda, tarix fani bo‘yicha ma’ruza, seminar,
amaliyot,
trening, ochiq mashg‘ulotlarni tayyorlash, kuzatish va
tahlil qilish tarix fanini
o‘qitish metodikasida zamonaviy yondashuvlarni joriy etishning eng muhim
shartidir. Shu boisdan ham tarix fanini o‘qitishda bu sohalarga alohida e’tibor
qaratish, innovatsiyalardan foydalanish talab etiladi.
Hurmatli ustozlar! Yuqorida keltirilgan ma’lumotlar
va tavsiyalar hamda
qo‘shimcha ma’lumotlardan foydalanib tarix fani bo‘yicha ma’ruza, seminar,
amaliyot, trening, ochiq mashg‘ulotlarni tayyorlash,
kuzatish va tahlil qilish
bo‘yicha bilim, ko‘nikma va malakalaringizni oshirib borasiz degan
umiddamiz.