|
Mazmuni kirisiw Rawajlandırıwshı tálim texnologiyasınıń ózine tán tárepleri
|
| bet | 6/13 | | Sana | 14.06.2024 | | Hajmi | 1 Mb. | | #263723 |
Bog'liq 11111-Нагиева РKletka organoidları
|
Dúzilisi
|
Funkciyası
|
|
|
|
Solay etip, kritikalıq pikir júritiw analizli, baylanıslı, óz betinshe, logikalıq, sistemalı pikir júritiwdi jámlestirip olar ortasında ishki hám sırtqı, arnawlı hám salıstırmalı baylanıslardı ámelge asıradı.
2.Bap. Biologiyanı oqıtıwda oqıwshılarda óz betinshe hám dóretiwshilik pikirlewdi rawajlandırıw.
Biologiyalıq tálim mazmunınıń úshinshi strukturalıq bólegin dóretiwshilik iskerlik tájiriybeleri quraydı, usı iskerlikti júzege keltiriw ushın aldı menen oqıwshılarda ǵárezsiz hám dóretiwshilik oylaw kónlikpelerin júzege keltiriw kerek. Pikir insan iskerligi, onıń óz kúshi, qúdireti hám bilimin quraytuǵın ruwxıy-insanıy sapası bolıp tabıladı. Pikir rawajlanıwı sociallıq-ekonomikalıq rawajlanıwdıń tiykarǵı háreketlendiriwshi kúshi bolǵanlıǵı ushın, biologiyanı oqıtıw processinde oqıwshılardıń ǵárezsiz hám dóretiwshilik oylaw kónlikpelerin rawajlandırıw zárúr.
Biologiyanı oqıtıwda oqıtıwshı oqıwshılardıń ǵárezsiz hám dóretiwshilik oylaw kónlikpelerin rawajlandırıw ushın aldı menen:
oqıwshılardıń sabaqta ózbetinshe islewleri ushın oqıw tapsırmaların dúziwi, biologiyalıq obiektler, tábiyattaǵı máwsimlik ózgerislerdi úyreniw maqsetinde tájiriybe hám baqlaw ótkeriw maydanınan kórsetpeler tayarlawı:
oqıwshılardıń qızıǵıwshılıqların esapqa alǵan halda olardıń ǵárezsiz tálimi ushın qosımsha ádebiyatlar hám multimedialardı tańlawı kerek.
Oqıwshılardıń ǵárezsiz hám dóretiwshilik oylaw kónlikpelerin rawajlandırıw ushın, tálim-tárbiya processinde rawajlandıratuǵın tálim texnologiyasın qollaw zárúr. Rawajlandıratuǵın tálim texnologiyasınıń tiykarǵı ideyası oqıwshılardı hár tárepleme rawajlandırıw esaplanadı. Usı texnologiyanıń tiykarǵı qásiyetleri:
oqıwshılardı óz biliw iskerligin subiektine aylandırıp, oylaw mexanizmin qáliplestiredi, rawajlandıradı.
oqıwshılardıń biliw iskerligi emperikalıq hám teoriyalıq biliw pútinliginde shólkemlestirilip, oqıtıw processinde bilimlerdi deduktiv usılda úyreniw ústin turatuǵın boladı.
oqıtıw procesiniń tiykarın oqıwshılardıń oqıw tapsırmaların orınlaw arqalı júzege keltiriletuǵın ǵárezsiz iskerlik quraydı.
oqıwshılardıń intellektual rawajlanıwına jay tayarlap, bul processte sın kózqarastan hám dóretiwshilik oylawdı qáliplestiriw ústin turatuǵın jónelis esaplanadı. Oylawdıń bul eki tipi bir-birin toltıradı hám talap etedi.
Sın pikir júrgiziw shaxstıń waqıya hám hádiyseler haqqındaǵı múnásibeti hám pikirin júzege keltirip, onıń quramına tómendegiler kiredi:
Analitikalıq oylaw (informaciyanı analiz qılıw, zárúr faktlardı tańlaw, salıstırıw, faktlar hám hádiyselerdi.
Oqıwshılarda analitikalıq oylaw kónlikpelerin qáliplestiriw ushın biologiya oqıtıwshı hárbir sabaqta aldın úyrenilip atırǵan obiektler menen úyrenilgen obiekt ortasındaǵı baylanıslardı anıqlaytuǵın tapsırmalardı beriwi kerek.
Atap aytqanda, «Dárya teńiz shayanınıń ishki dúzilisi» temasın úyrengende oqıwshılardı kishi gruppalarǵa ajıratıp, olarǵa oqıw tapsırmaları menen bir qatarda tómendegi kesteni toltırıw usınıs etiledi:
Organlar sisteması
|
Aq planariya
|
Jawın qurtı
|
Suw qurtı
|
Dárya qısqıshbaqası
|
Dene boslıǵı
|
|
|
|
|
As sińiriwi
|
|
|
|
|
Qan aylanıwı
|
|
|
|
|
Dem alıwı
|
|
|
|
|
Bóliniwi
|
|
|
|
|
Nerv sisteması
|
|
|
|
|
Sezgi organları
|
|
|
|
|
Kóbeyiwi
|
|
|
|
|
Oqıwshılar sabaqlıqta berilgen oqıw informaciyasın analiz etedi, organlar sisteması haqqındaǵı faktlardı tańlaydı, olardı aldınǵı obiektler menen salıstırıp, juwmaq shıǵaradı. Sonday eken, dárya qısqıshbaqasınıń ishki dúzilisin analiz etip, aldın úyrenilgen aq planariya, jawın qurtı, suw silekey qurtı menen salıstırıp úyrenedi. Oqıw materiallarınıń bul tárizde úyreniliwi oqıwshılarda analitikalıq oylaw kónlikpeleriniń júzege keltiriwge jay tayarlaydı.
Baylanıslı (associativ) oylaw (aldın úyrenilgen bilimler, faktlar arasındaǵı baylanıslardı anıqlaw, tanıw obiekt hám hádiyselerdiń jańa qásiyetleri hám sapaların tabıw).
Baylanıslı oylaw oqıwshılardıń aldın ózlestirgen bilim, kónlikpe hám ilimiy tájiriybelerin qápelimde, ádettegidey emes jaǵdaylarda qollap jańa bilim hám kónlikpelerin ózlestiriwlerine tiykar tayarlaydı.
Oqıtıwshı «Organikalıq álem evolyuciyasınıń baǵdarları» temasın úyreniwde oqıwshılardıń botanika hám zoologiya oqıw pánlerinen ózlestirgen bilimlerin aktivlestiriw maqsetinde olarǵa oqıw tapsırmaları menen birge tómendegi kesteni toltırıw usınıs etedi.
|
| |
