|
Kurs jumısınıń maqseti hám wazıypaları: Rawajlandırıwshı tálim texnologiyası
|
| bet | 2/13 | | Sana | 14.06.2024 | | Hajmi | 1 Mb. | | #263723 |
Bog'liq 11111-Нагиева РKurs jumısınıń maqseti hám wazıypaları: Rawajlandırıwshı tálim texnologiyası hár bir oqıwshını kúndelik qızǵın aqlıy miynetke, dóretiwshilik hám jeke, logikalıq pikir júritiwge úyretiw, shaxs sıpatında ańlı jekelikti tárbiyalaw, hár bir oqıwshıda jeke qadir-qımbat sezimin júzege keltiriw, óz kúshi hám qábiletine bolǵan isenimdi bekkemlew, bilim alıwda juwapkerli sezimin formalandırıwdı kózde tutadı. Pikir insan iskerligi, onıń óz kúshi, qúdireti hám bilimin shólkemlestiriwshi ruwxıy-insanıy sıpatı esaplanadı.
Kútiletuǵın nátiyjeler Rawajlandırıwshi tálim texnologiyasınıń tiykarǵı ideyası oqıwshılardı hár tárepleme rawajlandırıw sanaladı. Rawajlandırıwshi tálim texnologiyasınıń metodlarınan paydalanıw arqalı oqıwshilarda dóretiwshilik hám jeke, logikalıq pikir júritiw imkani payda boladı.
1.Rawajlandırıwshı tálim texnologiyasınıń ózine tán tárepleri.
Pikir insan iskerligi, onıń óz kúshi, qúdireti hám bilimin shólkemlestiriwshi ruwxıy-insanıy sıpatı esaplanadı. Pikir rawajı sociallıq-ekonomikalıq rawajlanıwdıń tiykarǵı háreketlendırıwshi kúshi bolǵanlıǵı ushın, oqıtıw barısinda oqıwshılardıń dóretiwshilik hám óz betinshe pikir júritiw kónlikpelerin rawajlandırıw zárúr.
Tálim-tárbiya barısında usı wazıypalardı ámelge asırıw ushın rawajlandırıwshı tálim texnologiyasın qollaw zárúr.
Rawajlandırıwshi tálim texnologiyasınıń tiykarǵı ideyası oqıwshılardı hár tárepleme rawajlandırıw sanaladı. Usı texnologiyanıń tiykarǵı tárepleri:
oqıwshılardı óz biliw iskerliginiń subektine aylandırıp, pikir júritiw mexanizmin qáliplestiredi, rawajlantıradı;
oqıwshılardıń biliw iskerligin emperik hám teoriyalıq biliw birliginde shólkemlestirip, oqıtıw barısında bilimlerdi deduktiv usılda úyreniw ústin boladı;
oqıtıw barısınıń tiykarın oqıwshılardıń oqıw tapsırmaların orınlaw arqalı júzege keletuǵın óz betinshe iskerligin shólkemlestiredi;
oqıwshılardıń aqlıy rawajlanıwına múmkinshilik jaratıp, bul processte kritikalıq pikir hám dóretiwshilik pikir júritiwdi qáliplestiriw ústem baǵdar sanaladı. Pikir júritiwdiń bul eki tipi bir-birin toltiradı hám talap etedi.
Kritikalıq pikir júritiw shaxstıń waqıya hám hádiyseler haqqındaǵı qatnasıǵı hám pikirin júzege shıǵarıp, onıń quramına tómendegiler kiredi:
Analizlewshi pikir júritiw (informaciyanı analiz qılıw, kerekli faktlerdi tańlaw, salıstırıw, faktler hám hádiyselerdi analizlew).
|
| |
