|
Oqıwshıda dóretiwshilik izleniw jumısların shólkemlestiriw basqıshları
|
| bet | 8/13 | | Sana | 14.06.2024 | | Hajmi | 1 Mb. | | #263723 |
Bog'liq 11111-Нагиева Р2.2.Oqıwshıda dóretiwshilik izleniw jumısların shólkemlestiriw basqıshları.
Oqıwshılarda dóretiwshi pikir júritiw kónlikpelerin rawajlandırıwda oqıtıwshı joqarıda aytıp ótilgen analizli pikir júritiwdiń quram bóleklerinen, atap aytqanda, óz betinshe pikir júritiw kónlikpelerinen paydalanıwı múmkin.
Itibar qaratıwımız kerek, oqıwshılarda atlardı aytıp ótilgen pikir júritiw kónlikpelerin rawajlandırmay turıp jaqsı pikir júritiw kónlikpelerin qáliplestiriw hám rawajlandırıw mumkin emes.
Dóretiwshi pikir júritiw kónlikpeleri dóretiwshi iskerlik tájriybeleriniń tiykarın quraydı. Dóretiwshilik iskerligi tájiriybelerin iyelewde oqıwshılar aqılıy iskerlik usıllarınan bolǵan analizlew, salıstırıw, quram bóleklerge ajıratıw, sintezlew, sebep-aqıbet baylanısların kóz aldına keltiriw, ulıwmalastırıw hám juwmaq shıǵarıwdı iyelegen bolıwı kerek. Sonda ǵana oqıwshılar dóretiwshilik iskerliginiń tiykarın payda etetuǵın ózgeshelikler:
tanıs obektlerdıń jańa tárepleri hám wazıypaların tabıw;
tanıs jaǵdaylardaǵı mashqalalardı óz betinshe sheshiwin;
bilim hám kónlikpelerdi jańa kútilmegen jaǵdaylarda qollaw arqalı mashqalanı sheshiw;
ózlestirgen bilim hám kónlikpelerin ámeliyatta dóretiwshilik penen qollawdı úyreniwleri múmkin.
Oqıwshılarda óz betinshe hám dóretiwshilik pikir júritiw kónlikpelerin rawajlandırıwdıń áhmiyetli shárti, oqıwshılardıń óz pikirlerin dálillew hám tiykarlaw bolıp sanaladı. Sol sebepli, oqıwshılardıń óz betinshe hám dóretiwshlik pikir júritiw kónlikpeleri tiykarınan, oqıw basekeleri hám tartıslar arqalı rawajlandırıladı.
Didaktikalıq ádebiyatlarda, oqıw básekeleri hám tartısıwlardı payda etiwde interaktiv usılardan paydalanıw usınıs etiledı.
Interaktiv inglizshe interact sózinen alınǵan bolıp, inter-birgelikte act – háreket etiw mánisin bildiredi.
Interaktivlik degende, oqıwshınıń oqıwshı menen birgelikte yamasa kompyuter menen baylanısı, ózara tásir kórsetiw rejiminde islewi túsiniledi.
Interaktiv oqıtıw – bul, dialog tárizinde oqıtıw, qatnasıq barısında barlıq qatnasıwshılar tárepinen birgelikte mashqalalardı sheshiw.
Interaktiv oqıtıwdıń tiykarǵı mánisi – oqıtıw barısında barlıq oqıwshılar biliw processiniń aktiv qatnasıwshısına aylanadı, olar talqılanıp atırǵan mashqalalardı, waqıya hám hádıyselerdıń rawajlanıwın túsinedı, mashqalalı jaǵdaylardı ańlaydı, onı sheshiw jolların izlep, eń optimal varianttın usınıs etedi.
Oqıw materialın úyreniw, mashqalanıń sheshimin tabıw boyınsha túrli varianttaǵı sheshimdi usınıs etiwge tiykarlanǵan biliw processinde oqıwshılardıń birgelikte islesiwi har bir oqıwshıǵa, topar jetiskenligi ushın óz úlesin qosıwǵa, olar ortasında pikir, informaciya hám tájirıybe almasıwǵa tiykar jaratadı. Usı birgelikte islesiw qolaylı sociallıq psixologiyalıq, óz-ara járdem ortalıǵında júz bergenligi ushın, oqıwshılar tek ǵana jańa bilimlerdı ózlestirip qalmastan, balkim óziniń biliw iskerligin rawajlandıradı, onı joqarı dárejege kóterip, birgelikte islesiwge kirisiwine múmkinshilik beredi.
Interaktiv usıllardan paydalanılǵan sabaqlarda bir oqıwshınıń ústemlik etiwine, onıń óz pikirin ótkeriwine jol qoyılmaydı.Interaktiv usıllar qóllanılǵanda oqıwshılar kritikalıq pikir júritiw, informaciya derekleri hám jaǵdaylardı analiz qılıw, quramalı mashqalalı jaǵdaylardı sheshiw, doslarınıń pikirin analizlep, tiykarlanǵan juwmaqlar shıǵarıw, basqa shaxslar menen qatnasqa kirisiw kónlikpelerin iyeleydi.
Oqıtıwdıń interaktiv metodlarınıń tómendegi ózgeshelikleri bar:
Insannıń áhmiyetli ómir mútájligi bolǵan qatnasıq oqıtıw processiniń barlıq basqıshlarında qóllanıladı.Oqıtıw processinde oqıwshılarǵa óz kúshin, bilimin, uqıbın kórsetiwge teń múmkinshilikler beriledi.Oqıwshılardıń kishi toparlarda birgelikte islesiwine sociallıq- psixologiyalıq tárepten qolay ortalıq jaratılıp, qatnasıq basqıshpa-basqısh hám nátiyjeli qatnasıwǵa tiykar jaratıladı.Oqıwshılar qatnasıq aktiv qatnasıwı ushın tek ǵana esitiwi shárt emes, balkim esitkenlerın analiz etiw, pikir júritiw, pikirleriniń tiykarlı hám túsinerli bolıwına erisiw kerekligin ańlaydı.Biologiya oqıtıwshısı óziniń pedagogikalıq iskerligin pedagogikalıq processtiń xarakteri hám barısın ózgertiwge qollanılatuǵın pedagogikalıq texnologiyalar tiykarında shólkemlestiriw, usı texnologiyalardıń ózine tán ózgesheliklerin tereń ózlestirgen bolıwı, oqıwshılardıń biliw iskerligin shólkemlestiriw hám basqarıwda paydalanıw jolların belgilewi kerek.
|
| |
