|
Korxona moliyaviy tahlili
|
| bet | 2/5 | | Sana | 18.02.2024 | | Hajmi | 1.21 Mb. | | #158495 |
Bog'liq Korxona moliyaviy holatining tahlili 552766, QURAMI, Bulutli texnologiyalarning tavsifi. Cloud xizmatlar Bulutli tex, 6-mavzu Dunyo xalqlari klassifikatsiyasi Ko’rib chiqiladigan a (4), ALLABERDIYEV ASLIDDIN, Serial number macromedia flash 8, парол архива антивируса eset nod32, тест инглиз тили, 1 Visiting plan Sayfiddinov 2023, Vol17No2 Pluduma-Paunina, Hisoblash usullari (G.ismatullayev, M.Koshergenova), 9 ma\'ruza PowerPoint (1), 4-mavzu rasmi 19 01, Xo’jalik yurituvchi sub’ektning pul mablag`larini tahlili.1.Korxona moliyaviy tahlili
Korxonalarnin moliyaviy holati bu:
- kompleks ravishdagi tushuncha bo’lib, u o’z ichiga keng ko’rsatkichlar tizimini oladi, ular korxonalarning moliyaviy resurslari borligini, holatini, joylashganligini va ulardan foydalanish darajasini ifodalaydi;
- korxonalar faoliyatidagi butun ishlab chiqarish va xo’jalik omillarining harakati, ularning o’zaro aloqadorligi natijasidir;
- korxonalarning mo’’tadil ishlab chiqarish, tadbirkorlik va boshqa faoliyati uchun zarur bo’lgan moliyaviy resurslar bilan ta’minlanganligi va ulardan samarali foydalanish ifodasidir;
- korxonalarning boshqa xo’jalik sub’yektlari, organlari va tashkilotlari bilan o’zaro aloqalarni haqiqiy aks ettirishidir.
Korxonalarning ichki va tashqi omillar ta’siri ostida shakllangan moliyaviy holati, ularning istiqbolini aniqlash bilan birga, bu korxona bilan aloqada bo’lgan boshqa tashkilotlar va korxonalarning moliyaviy holatiga ta’sir ko’rsatadi. Umuman korxonalarning ishlab chiqarish, xo’jalik faoliyatini, jumladan ularning moliyaviy holati tahlili asosini bir butun kompleks iqtisodiy fanlar: iqtisodiy nazariya, makro va mikro iqtisodiyot, menedjment va marketing, statistika, buxgalteriya hisobi, audit, moliya, kredit, pul muomalasi va boshqalar tashkil etadi. Demak, tahlilchi mutaxassis-auditorlar keng iqtisodiy ilmga ega bo’lishlari lozim
Iqtisodiy adabiyotda, ma’lumki, “Moliyaviy tahlil” atamasidan foydalaniladi. “Moliyaviy tahlil” barcha iqtisodiy tahlilning bir shakli hisoblanadi, ikkinchi shakli– bu “boshqaruvlik tahlili”. Demak, mazmunan “Moliyaviy tahlil” va “Korxonalarning moliyaviy holati tahlili” – bu har xil mazmunga ega bo’lgan iboralar.
Bizning ma’ruzamiz Korxonalarning moliyaviy holatini tahlil qilishga bag’ishlangan, lekin iqtisodiy adabiyotda qabul qilingandek, qisqa ifodalash uchun ma’ruzalarda “Moliyaviy tahlil” atamasidan foydalanilgan. Iqtisodiy adabiyotda Korxonalarning moliya holati tahlili jarayoni ham “Moliyaviy tahlil” deb qabul qilinayapti.
Korxonalarning moliyaviy holatini tahlil qilish, ya’ni moliyaviy tahlil — keng ko’rsatkichlar yordamida, kompleks usullaridan foydalanib korxonalarning moliyaviy resurslari borligini, holatini, joylashganligi va ulardan foydalanish darajasini ifodalashdir.
Moliyaviy tahlil ko’p qirrali murakkab jarayon bo’lib, u tashkil qilinishi, buning uchun esa bir qator talablarga asoslanishi kerak. Bu talablar quyidagilardan iborat:
- mutlaq va nisbiy ko’rsatkichlar o’rtasidagi aloqalarni borligini bilish;
- moliyaviy tahlil mobaynida mutlaq va nisbiy ko’rsatkichlardan birgalikda foydalanish;
- moliyaviy tahlil mantiqiy ravishda amalga oshirilib, u induktiv usulga — alohida hodisalardan umumiy hodisalarga o’tish, moliyaviy holatning bir shakl ko’rinishidan umumiy ko’rinishga o’tish va deduktiv usulga — umumiy hodisalardan alohida hodisalarga o’tishga asoslanib tahlil qilish;
- hamma foydalanilayotgan ko’rsatkichlar bir xil, asoslangan usulda aniqlanishi lozim;
- moliyaviy holatni tahlil qilishda tahlil qilinayotgan korxona ko’rsatkichlarini boshqa korxonalar, o’rtacha tarmoq ko’rsatkichlari va ilg’or korxonalar ko’rsatkichlari bilan taqqoslash;
- moliyaviy tahlilning har tomonlama bo’lishligi va korxonalarning umumiy moliyaviy holatiga ta’sir qiluvchi omillarni tahlil etish;
- moliyaviy tahlilni samarali o’tkazish uchun kerakli ma’lumotlarni oldindan tayyorlash va bu borada asosiy tasdiqlangan moliyaviy manbalar bilan cheklanmasdan birlamchi buxgalteriya hisobi ma’lumotlaridan foydalanish;
- moliyaviy tahlil ob’yektiv ravishda tashkil qilinib, u korxonalarning moliyaviy holati real darajasini ifodalashi lozim;
- moliyaviy tahlil o’z vaqtida o’tkazilib, tahlil yakunlariga asoslanib, moliyaviy holatni yaxshilash choralarini o’z vaqtida amalga oshirishga imkon berish;
- moliyaviy tahlil kompleks ravishda o’tkazilib, unda moliyaviy holatning hamma shakl va yo’nalishlari ifodalanishi lozim;
- moliyaviy tahlil o’z vaqtida va haqqoniy bo’lib, u moliyaviy holatni ko’tarishga bag’ishlangan tadbirlarni ishlab chiqib, ularni amalga oshirishga imkon berishi;
- moliyaviy holatni tahlil qilish shunday vaqtda o’tkazilishi lozimki, tahlil yakunlari qo’yilgan maqsadni amalga oshirib, korxona boshqaruvini takomillashtirishga imkoniyat tug’dirishi lozim;
- moliyaviy tahlil barcha yig’ilgan va umumlashtirilgan ma’lumotlarga asoslanib, kerakli ko’rsatkichlardan foydalanib, bu ko’rsatkichlarning asosliligi to’g’ri usullarda aniqlanishi lozim
Ko’rinib turibdiki, moliyaviy tahlil ko’p qirrali murakkab va muhim bo’lganligi sababli u bir qancha talablarga asoslangan bo’lishi lozim. Yuqorida ko’rilgan talablarga asoslanib, moliyaviy tahlil korxonalarning moliyaviy holatini tahlil qilishda quyidagi vazifalarni bajarishga yo’naltirilishi kerak:
-Korxonalarning moliyaviy darajasini baholash.
-Moliyaviy holatning o’zgarishini aniqlash.
-Moliya holatiga ta’sir ko’rsatuvchi omillarni tahlil qilish.
Korxonalarda qo’lga kiritilgan moliyaviy holat darajasini ifodalab, bu borada hali foydalanilmagan imkoniyatlarni, mavjud zaxiralarni ko’rsatib berish.
- Korxonalarda hali foydalanilmagan imkoniyatlarni safarbar etish maqsadida tavsiyalar, takliflar ishlab chiqish va ularni amalga oshirish shart-sharoitlarini ko’rsatib berish.
Bajariladigan vazifalar shuni ko’rsatayaptiki, moliyaviy holatni tahlil qilish korxonalarda shakllanayotgan boshqaruv tizimini takomillashtirishda katta ahamiyatga ega. Moliyaviy tahlil boshlanmasdan tahlilning ob’yektlari va predmetlari aniqlanishi lozim. Moliyaviy tahlilning asosiy ob’yekti, xo’jalik sub’yektlari, alohida korxonalar, tashkilotlar hisoblanadi. Lekin moliyaviy holat korxonalar guruhi, ishlab chiqarish tarmoqlari miqyosida ham aniqlanishi mumkin.
Moliyaviy tahlilning predmeti korxona va tashkilotlarning moliyaviy faoliyati, ularning moliyaviy resurslaridan foydalanish jarayoni hisoblanadi. Moliyaviy tahlilning maqsadi va uning yo’nalishini e’tiborga olsak moliyaviy tahlil har xil shaklda bo’lishi mumkin; tarmoqlararo, tarmoqda, korxonalar miqyosida, joriy va istiqboliy, tezkorlikda tugallangan bo’lishi mumkin. Tarmoqlararo moliyaviy tahlilda tarmoqlararo iqtisodiy aloqalarni nazarda tutgan holda tahlil qilinayotgan korxonalarning moliyaviy holati o’rtacha tarmoq ko’rsatkichlari bilan solishtiriladi.
Tarmoq miqyosida o’tkazilayotgan moliyaviy tahlilda tahlil qilinayotgan korxonalarning moliyaviy ko’rsatkichlari shu tarmoqdagi boshqa korxona hamda ilg’or korxonalar ko’rsatkichlari bilan taqqoslanadi. Bozor munosabatlari davrida butun korxona va tashkilotlar mustaqil ravishda faoliyat olib borar ekan, moliyaviy tahlilning eng asosiy shakli alohida korxonalarning moliyaviy holatini tahlil qilish hisoblanadi.
Tugallangan moliyaviy tahlilda korxonaning butun moliyaviy holati tahlil qilinadi, undan tashqari korxonalar moliyaviy holatining alohida yo’nalishlari, shakllari tahlil qilinishi mumkin.
Tezkor, tahlil korxonalar faoliyatida doimo, uzluksiz bo’lishi kerak. Unda moliyaviy holatning alohida ko’rsatkichlari kuzatib boriladi va ularning o’zgarishiga qarab boshqaruv tadbirlari ishlab chiqilib amalga oshiriladi.
Joriy moliyaviy tahlil chorak va yarim yillik moliyaviy hisobotlar bo’yicha o’tkazilib, moliyaviy holatni yil davomida o’zgartirib, yaxshilab turish imkoniyatini beradi. Faoliyat ko’rsatayotgan har bir korxona o’z istiqboliga ega bo’lishi zarur, bu istiqbol tadbirlari esa korxonalar bo’yicha ishlab chiqilishi kerak. Shu munosabat bilan korxonalarning moliyaviy holati istiqbolini ham tahlil qilib turish kerak.
Moliyaviy tahlilning yo’naltirilganligi nuqtai nazardan moliyaviy tahlil quyidagi shakllarda o’tkazilishi mumkin:
- gorizontal tahlilda hisobot davridagi moliyaviy holatni ifodalovchi ko’rsatkichlar o’tgan davr bilan taqqoslanadi, ya’ni bu ko’rsatkichlarning dinamikasi aniqlanadi;
- vertikal tahlilda moliyaviy holatga taalluqli bo’lgan ko’rsatkichlarning tarkibiy-tuzilmasi o’rganiladi. Masalan, korxona mablag’larining yoki ularni qoplovchi manbalarining hisobot davridagi tarkibi va uni o’tgan davrga nisbatan o’zgarishi ifodalanadi;
- nisbiy ko’rsatkichlar tahlilida moliyaviy holat ko’rsatkichlari o’rtasidagi aloqa o’rganiladi. Masalan, korxona mablag’larining va ularning manbalari o’rtasidagi aloqa, moliyaviy resurslar va ulardan foydalanish o’rtasidagi aloqa ifodalanadi;
- taqqoslash tahlilida korxona bo’yicha moliyaviy holat uning alohida bo’limchalari moliyaviy holati bilan taqqoslandi, bu korxonaning moliyaviy holati boshqa korxonalarning moliyaviy holati bilan solishtiriladi;
- pirovardida, omillar tahlilida korxonaning moliyaviy holatiga ta’sir ko’rsatuvchi omillar tahlil etiladi.
Yuqorida ko’rsatilgan moliyaviy tahlilning shakllaridan tashqari yana amaliyotda ichki va tashqi, moliyaviy va boshqaruvchanlik tahlili shakllari qo’llaniladi.
Ichki moliyaviy tahlil korxonalarning xodimlari tomonidan o’tkazilib, shu korxonalarning boshqaruv tizimini kelgusida takomillashtirish va moliyaviy holatini yaxshilash maqsadida o’tkaziladi.
Tashqi moliyaviy tahlil korxonalarning xodimlari tomonidan emas, balki organlar, tashkilotlar xodimlari tomonidan o’tkaziladi. Bu tahlil korxonalarning iltimosi bo’yicha yoki tashqi organ, tashkilot, korxona xodimlari tomonidan nazorat sifatida o’tkazilishi mumkin.
Bozor munosabatlariga o’tish bilan moliyaviy va boshqaruvlik tahlilidan keng foydalanilmoqda va bu tahlil shakllari katta ahamiyat kasb etayapti.
Moliyaviy tahlil — korxonalarning ochiq tarzdagi moliyaviy hisobotlarining ma’lumotlariga asoslanib o’tkaziladigan tahlildir.
Yuqorida ta’kidlanganidek moliyaviy tahlilni korxonalarning xodimlari o’tkazishi mumkin, lekin moliyaviy hisobot ochiq bo’lganligi uchun bu tahlilni boshqa tashqi organlar, korxonalar va tashkilotlar — soliq, moliya, bank va boshqalar tomonidan o’tkaziladi hamda korxonalarning moliyaviy holatiga baho beriladi.
Boshqaruv tahlil bevosita korxonalar tomonidan o’tkazilib, u ham ochiq, ham yopiq hisobot axborotlariga asoslanadi va bu tahlil yakunlari korxonalar rahbariyati tomonidan boshqaruvlikni takomillashtirish uchun foydalaniladi. Bu tahlilda yopiq ma’lumotlardan foydalanilganligi uchun bu tahlilni asosan tashqi korxona va organlar emas, bevosita korxona xodimlari olib boradilar, chunki bozor munosabatlari davrida har bir korxona o’zining hisob siyosatiga ega. Shuningdek, uning faoliyatida tijorat sirlari bo’lib, ular moliyaviy hisob va hisobotda emas, boshqarma hisob va hisobotida ifodalanadi.
Moliyaviy va boshqaruv tahlil shakllari bir birini inkor qilmaydi, ular bir-biri bilan bog’liq, lekin bajaradigan vazifalari va xususiyatlari har xil.
Moliyaviy tahlil quyidagi xususiyatlarga ega:
- moliyaviy tahlilning yakunlari ochiq bo’lib, ulardan hamma foydalanishi mumkin;
- moliyaviy tahlilning sub’yektlari va bu tahlilning yakunlaridan foydalanuvchi organ, korxona, tashkilotlar tarkibi keng;
- moliyaviy tahlil hamma uchun moslangan, nashr etilgan hisobot ma’lumotlariga asoslanadi;
- moliyaviy tahlil korxonalar ichki boshqaruv muammolarini yechish uchun o’tkaziladi;
- moliyaviy tahlilning yo’nalishi moliyaviy hisobot ma’lumotlari bilan cheklangan bo’lib, unda chegaralangan aniq bir vazifalar yechiladi. Bu moliyaviy mustahkamlik, balans likvidligi, foyda, rentabellik darajasi va boshqalardir.
O’z navbatida boshqaruv tahlili quyidagi xususiyatlar bilan ifodalanadi:
1) korxona tijorat sirlarini saqlash maqsadida boshqaruvlik tahlilning yopiqligi;
2) boshqaruv tahlili o’tkazilganda foydalanadigan ma’lumotlar tarkibi chegaralanmaydi. Bu tahlilda ochiq moliyaviy hisobot ma’lumotlaridan tashqari, birlamchi buxgalteriya hisobi ma’lumotlari, maxsus tashkil qilib yig’ilgan ma’lumotlaridan foydalaniladi;
3) boshqaruv tahlilida tahlil yo’nalishlari, foydalanilayotgan ko’rsatkichlar, bajariladigan vazifalar chegaralanmaydi
4) boshqaruv tahlilining yakunlari ichki maqsadlar hamda moliyaviy holatni yaxshilash uchun foydalaniladi.
Ko’rinib turibdiki, korxonalarning moliyaviy holatini tahlil qilish keng miqyosda va aniq vazifalarni bajarish uchun o’tkaziladi. Korxonalarni ishlab chiqarish, xo’jalik faoliyatining moliyaviy holatini tahlil qilish uchun an’anaviy, qadimdan qo’llanib kelinayotgan usullar bilan birga, keng tarzda statistika usullari, moliyaviy holatni ifodalovchi ma’lumotlarni yig’ish va umumlashtirish, statistik kuzatishlarni o’tkazish, mutlaq, nisbiy, o’rtacha, dinamik ko’rsatkichlardan foydalanish, dinamik qatorlardan, iqtisodiy indekslar tizimidan, omillararo korrelyatsiya aloqalarini aniqlash, jadval va chizma tizimidan foydalanish lozim.
Umuman tahlil qilish usullari, ayniqsa, moliyaviy holatni tahlil qilish usullari bozor munosabatlariga o’tish bilan yanada takomillashtirilishi, korxonalararo taqqoslash, raqobatchi va ilg’or korxonalar bilan taqqoslash hamda korxonalarning istiqbol moliyaviy holatini tahlil qilish usullari katta ahamiyatga ega bo’lib qoladi.
Moliyaviy tahlil ko’p qirrali murakkab ish bo’lib, u o’z ichiga korxonalarda shakllangan moliyaviy holatni, uning alohida yo’nalish bo’yicha moliyaviy holatini aniqlovchi shart-sharoit, omillarni, korxonalar moliyaviy holatini kelgusida ko’tarish imkoniyatlarini, zaxiralarini, yo’nalishlarini tahlil qilishni oladi. Demak, moliyaviy tahlilni har tomonlama tayyorlab, so’ng o’tkazish lozim. Shu sababli moliyaviy tahlilni tayyorlash va o’tkazish bir qancha bosqichlarni o’ziga olib, ular quyidagilardan iborat
- moliyaviy tahlilni o’tkazishning ishchi dasturini tuzish. Dasturda tahlilning maqsadi va vazifalari aniqlanadi;
- tahlilni o’tkazuvchilarning tarkibini aniqlash, ya’ni tahlil qiluvchilarning ro’yxatini tuzish;
-tahlil uchun foydalaniladigan iqtisodiy ma’lumotlarni to’plash;
-moliyaviy tahlilda foydalanadigan ko’rsatkichlar tizimini aniqlash;
-moliyaviy tahlil ko’rsatkichlarini hisoblash usullarini aniqlash;
-tahlilda foydalanadigan ko’rsatkichlarni hisoblash va ularni umumlashtirish;
-tahlil yakunlarini jadvallar va chizmalarda shakllantirish;
- moliyaviy tahlil natijasida xotima tayyorlab, unda tahlil yakunlari bo’yicha xulosalar chiqarib, kelgusida korxonaning moliyaviy holatini ko’tarishga bag’ishlangan tavsiyalar ishlab chiqish;
-moliyaviy tahlil yakunlarini maxsus yig’ilishda muhokama qilish;
- tahlil yakunlari bo’yicha muhokama natijalarini e’tiborga olib, korxonaning moliyaviy holatini ko’tarish maqsadida boshqaruv tizimini takomillashtirishga bag’ishlangan tadbirlar ishlab chiqib, ularni korxona rahbariyatining maxsus qarorida ifodalash.
O’tkazilayotgan moliyaviy tahlilning darajasi va mazmuni foydalanilayotgan ma’lumotlar bazasiga bog’liq iqtisodiy fanlarning rivojlanishi, buxgalteriya hisobi va hisobotlarining takomillashtirilishi bilan ma’lumotlar bazasi ham takomillashib boradi. Demak, foydalaniladigan ma’lumotlar moliyaviy tahlilning manbalari bo’lib hisoblanadi. Bunday manbalar sifatida korxonalarning yillik va boshqa hisobotlarini ko’rish mumkin.
O`zbеkiston Rеspublikasi “Auditorlik faoliyati to`g`risida” qonunning 10-moddasida ko`rsatilgan yuridik shaxslar soliq organlariga auditorlik tеkshiruvi o`tkazilganidan kеyin 15 kun davomida, lеkin hisobot yilidan kеyingi yilning 15 mayidan kеchiktirmay, moliyaviy hisobotning to`g`riligi to`g`risida auditorlik xulosasi nusxasini taqdim etadilar.
Tashabbusli auditorlik tеkshiruvi o`tkazilgan taqdirda korxona moliyaviy hisobotining to`g`riligi to`g`risida auditorlik xulosasining nusxasi soliq organlariga auditorlik tеkshiruvi o`tkazilganidan kеyin 15 kun davomida taqdim etiladi.
Moliyaviy hisobot shakllarida barcha rеkvizitlar va nazarda tutilgan ko`rsatkichlar to`ldirilishi kerak. Korxonada tеgishli aktivlar, passivlar, operatsiyalar mavjud emasligi sababli biror-bir modda (satrlar, ustunlar) to`ldirilmagan taqdirda, ushbu modda (satr, ustun) ustiga chizib qo`yiladi.
Auditor moliyaviy hisobot shakllarining manzil qismi quyidagi tartibda to`ldirilishiga e'tibor berishi kerak:
“Korxona, tashkilot” rеkviziti - korxonaning to`liq nomi (bеlgilangan tartibda ro`yxatdan o`tkazilgan ta'sis hujjatlariga muvofiq) va
KTUT ga ko`ra uning kodi ko`rsatiladi;
“Tarmoq” rеkviziti - korxona tarmog`i va XXTUTga ko`ra tarmoq
kodi ko`rsatiladi;
v) “Tashkiliy-huquqiy shakl” rеkviziti - korxonaning tashkiliy-
huquqiy shakli va THTga ko`ra tashkiliy-huquqiy shaklning kodi ko`rsatiladi;
g) “Mulkchilik shakli” rеkviziti - korxonaning mulkchilik shakli va
MSHTga ko`ra mulkchilik shaklining kodi ko`rsatiladi;
d) “Vazirliklar, idoralar va boshqalar” rеkviziti - ixtiyorida korxona
turgan (agar u mavjud bo`lsa) va unga moliyaviy hisobot yo`naltiriladigan organning nomi hamda DBPBTga ko`ra ushbu organning kodi ko`rsatiladi; е) “Soliq to`lovchining idеntifikatsiya raqami” rеkviziti - STIR
bo`yicha korxonaning idеntifikatsiya raqami ko`rsatiladi;
j) “Hudud” rеkviziti - MHOBT bo`yicha kod ko`rsatiladi;
z) “Manzil” rеkviziti - korxonaning to`liq yuridik manzili ko`rsatiladi.
Moliyaviy hisobotni tuzish chog`ida O`zbеkiston Rеspublikasining “Buxgalteriya hisobi to`g`risida”gi qonuni, O`zbеkiston Rеspublikasining Fuqarolik kodеksi, Buxgalteriya hisobi milliy standartlariga, shuningdеk buxgalteriya hisobini yuritish va moliyaviy hisobotni tuzish masalalari bo`yicha boshqa mе'yoriy-huquqiy hujjatlarga asoslanish lozim.
Korxona va tashkilotlar barcha alohida mustaqil balansga ajratilmagan bo`linmalarining faoliyat ko`rsatkichlari moliyaviy hisobot shakllarining ko`rsatkichlariga kiritilishi kerak.
Korxona balansining moddalari aktivlar va majburiyatlarning puxta o`tkazilgan invеntarizatsiyasi bilan asoslangan bo`lishi kerak. Invеntarizatsiya O`zbеkiston Rеspublikasi Moliya vazirligi tomonidan 1999 -yil 19 -oktyabrda EGG`17-19-2075-son bilan tasdiqlangan O`zbеkiston Rеspublikasi 19-son “Invеntarizatsiyani tashkil etish va o`tkazish” nomli Buxgalteriya hisobi milliy standarti (BHMS) (ro`yxat raqami 833, 1999 -yil 2 -noyabr) da bеlgilagan tartibda o`tkaziladi. Bunda yillik moliyaviy hisobotni taqdim etishga qadar doimiy ishlab turgan invеntarizatsiya komissiyalari tomonidan invеntarizatsiya davomida aniqlangan, boyliklar haqiqiy mavjudligining buxgalteriya hisobi ma'lumotlariga qaraganda tafovutlari tartibga solinishi kerak. Dеbitorlik va krеditorlik qarzlarini invеntarizatsiyalashlar ham o`tkazilishi kerak, ular o`zaro hisob-kitoblar saldosini tasdiqlaydigan solishtirish dalolatnomalari yoki xatlar bilan rasmiylashtiriladi. O`tkazilgan invеntarizatsiyalar soni va natijalari, shuningdеk ularni o`tkazmaslik sabablari yillik moliyaviy hisobotga ilova qilinadigan tushuntirish xatida aks ettirilishi kerak.
Moliyaviy hisobot shakllariga rahbar va bosh buxgalter imzo chеkadi, imzolar muhr bilan tasdiqlanadi.
Moliyaviy hisobotda o`chirish va ustiga yozishlar bo`lmasligi kerak. Xatolar tuzatilgan taqdirda tеgishli qaydlar qilinadi, ularni moliyaviy hisobotlarga imzo chеkkan shaxslar tasdiqlab, tuzatish sanasini ko`rsatadilar.
Joriy hamda o`tgan yil hisobot ma'lumotlaridagi (ular tasdiqlanganidan kеyin) tuzatishlar uning ma'lumotlarini buzishlar aniqlangan hisobot davri uchun tuzilgan hisobotda amalga oshiriladi, bunda tuzatishlar hisobot davri (chorak, yil boshidan) uchun ma'lumotlarga kiritiladi.
Yillik moliyaviy hisobotni tеkshirish chog`ida daromadlarni yashirish yoki ular bilan bog`liq bo`lmagan xarajatlarni davr xarajatlariga (yoki muomala chiqimlariga) kiritish natijasida moliyaviy natijalarni kamaytirib ko`rsatish aniqlangan holda buxgalteriya hisobi va o`tgan yil uchun moliyaviy hisobotga tuzatishlar kiritilmaydi, balki joriy yilda hisobot davrida aniqlangan o`tgan yillar foydasi sifatida aks ettiriladi.
|
| |
