2. Ta’mirlash va profilaktika ishlarining turlari va ta’mirlashlararo
xizmat ko’rsatish Metalll kesish dastgohlariga hizmat ko’rsatish va ta’mirlash bo’yicha
bajariladigan ishlar quyidagi turlarga bo’linadi: ta’mirlashlararo xizmat ko’rsatish;
davriy ta’mirlash operatsiyalari. Ular o’z tarkibiga: 1) jihozni yuvish; 2) karter
tizimidagi moyni almashtirish va to’ldirish; 3) jihozni aniqlikka tekshirish; 4)
jihozni ko’rikdan o’tkazish; 5) rejali (kichik, o’rta, kapital) ta’mirlashlarni oladi.
Avariyalar natijasida bajariladigan ta’mirlashlar rejali bo’lmaganligi sababli ROT
tizimida ko’zda tutilmaydi.
2.1. Ta’mirlashlararo xizmat ko’rsatish
Jihozga ta’mirlashlararo xizmat ko’rsatish uning detallari, uzellari va
boshqa mexanizmlarini hamda butun jihozning xizmat muddatini uzaytirish
maqsadida o’tkaziladigan profilaktik operatsiyalar hisoblanadi. Ta’mirlashlararo
xizmat ko’rsatishlar quyidagi ishlarni o’z ichiga oladi: dastgohni chang va
iflosliklardan tozalash; jihozni ko’rikdan o’tkazish; moylash, sovitish tizimlarini,
boshqarish mehanizmlarini, nazorat priborlarini va cheklovchilarni tekshirish,
jihozdagi mayda deffektlarga barham berish; mahkamlash detallarini, yuritmalarni,
tasmali va zanjirli uzatmalarni tekshirish.
Ta’mirlashlararo xizmat ko’rsatish novbatchi chilangar, shornik, moylovchi
va elektrik hamda dastgohchi-ishchi tomonidan amalga oshiriladi.
Ta’mirlash xizmatining navbatchi ishchilari jihozdan foydalanish qoidalarini
bajarilishini kuzatadi va uning ishlash jarayonida aniqlangan alohida deffektlariga
tushlik vaqtida, smena almashishi oralig’ida, dastgohni qayta sozlash uchun
