JOURNAL OF INNOVATIONS IN SCIENTIFIC AND EDUCATIONAL RESEARCH
VOLUME-2, ISSUE-15 (28-February)
388
METODIK DARS ISHLANMA YOZISH QOIDALARI
Xalillayeva Mavluda Jamiljon qizi
Urganch davlat universiteti talabasi
Annotatsiya: Ushbu ilmiy maqolada dars ishlanma, dars ishlanma yozish qoidalari
va unga qo’yilgan talablar haqida to’liq yoritib berilgan.
Kalit so’zlar: dars ishlanma, dars shakli, dars turi, dars metodi, dars shiori.
Аннотация: В данной научной статье полностью разъясняется разработка
урока, правила написания развития урока и требования к нему.
Ключевые слова: разработка урока, форма урока, вид урока, метод урока,
девиз урока.
Abstract: In
this scientific article, the lesson development, the rules of writing the
lesson development and the requirements for it are fully explained.
Key words: lesson development, lesson form, lesson type, lesson method, lesson
motto.
Dars ishlanmasi (reja-konspekt) - oʻqituvchi uchun tuzish majburiy boʻlgan hujjat.
Dars ishlanmasi – oʻqituvchi ijodkorligini aniqlovchi omil.
Dars rejasi - darsni
pedagogik, didaktik va uslubiy jihatdan rejalashtiruvchi, loyihalashtiruvchi hujjat. U
shunchaki rahbariyatga koʻrsatish uchun tuzilmaydi. Uni tuzishdan koʻzlangan asosiy
maqsad oʻqituvchining bir soatlik darsdagi
faoliyatini rejalashtirish, dars mazmunini
boyitish, ta’lim samaradorligini oshirishdan iborat. Dars ishlanmasi oʻqituvchining
ijodiy mehnati mahsuli boʻlib, uning bilimi va mahoratini koʻrsatuvchi oynadir. Shu
bois, uni tuzishda shoshmashosharlikka yoʻl qoʻymaslik kerak.
Bir marta maromiga
yetkazib tuzilgan dars ishlanmasi oʻqituvchi uchun uzoq yillar davomida xizmat qilishi
mumkin. Bundan dars ishlanmasi qotib qolgan dogma, degan xulosa kelib chiqmasligi
kerak.
Dars ishlanmasini yildan-yilga takomillashtirib va mukammallashtirib borish,
yangi dars uslublarini qoʻllash, yangi materiallarni kiritish
bilan yangilanib turilishi
lozim. Kompetensiyaviy yondashuvga asoslangan davlat ta’lim standartlari va oʻquv
dasturlarining joriy etilishi ta’lim jarayoniga yangi pedagogik texnologiyalarning,
kompyuter, yangi axborot texnologiyalari va texnik vositalarning qoʻllanishi bilan dars
ishlanmalariga qoʻyilgan talablar ham oʻzgarib bormoqda.
Dars ishlanmalari uchun
tayyor qoliplar yoʻq, chunki dars jarayonini hech qanaqa qolipga solib boʻlmaydi. U
turli xil sharoitlarda turlicha tuzilishi mumkin.
Shunday boʻlsada, oʻqituvchilarga dars ishlanmasini quyidagi tarx asosida
tuzishlari tavsiya etiladi: Dars ishlanmasining tuzilmasi: 1. Dars mavzusi. 2. Dars
maqsadlari. 3. Darsda foydalaniladigan ma’lumot manbalari, oʻquv uslubiy adabiyotlar
va elektron resurslar. 4. Darsda ishlatiladigan zarur texnik vositalar va jihozlar. 5. Dars
shakli. 6. Dars turi. 7. Dars metodlari. 8. Dars bosqichlari va vaqt taqsimoti. 9. Dars
borishining qisqacha tafsiloti.