- rasm. Davriy ishlaydigan rektifikatsion qurilma sxemasi

47 
Qurilmaning asosiy qismi rektifikatsion kolonnadir. Kolonna silindrsimon 
shaklda bo’lib, uning ichiga tarelkalar yoki nasadkalar joylashtirilgan bo’ladi.
4.11- rasm. Uzluksiz ishlaydigan rektifikatsion qurilma sxemasi: 
1 -isitgich; 2-rektifikatsion kolonna; 3-deflegmator; 4-ajratgich; 5-sovitgich; 
6-distillyat yig`gich; 7-qaynatgich; 8-qoldiq mahsulotni yig`gich. 
 
Rektifikatsion kolonnalarda rektifikatsiya jarayoni bug` va suyuq fazaning 
ko’p marta o’zaro kontakti ta’sirida amalga oshadi. Shu maqsadda kolonna 
maxsus kontakt qurilmalari tarelkalar bilan ta’minlangan bo’ladi. Tarelkalar 
kolonna ichida gorizontal holatda o’rnatiladi. 
Dastlabki aralashma isitgichda qaynash temperaturasigacha isitiladi, 
so’ngra kolonnaning ta’minlovchi tarelkasiga yuboriladi.
Ta’minlovchi tarelka qurilmani ikki qismga (yuqorigi va pastki kolonnaga) 
bo’ladi. Yuqorigi kolonnada bug`ning tarkibi engil uchuvchan komponent bilan 
boyib boradi, natijada tarkibi toza engil uchuvchan komponentga yaqin bo’lgan 
bug`lar deflegmatorga beriladi. Pastki kolonnadagi suyuqlik tarkibidan maksimal
miqdorda engil uchuvchan komponentni ajratib olish kerak, bunda qaynatgichga 
kirayotgan suyuqlikning tarkibi asosan toza holdagi qiyin uchuvchan 
komponentga yaqin bo’lishi kerak.

48 
Shunday qilib, kolonnaning yuqorigi qismi bug` tarkibini oshiruvchi qism 
yoki yuqorigi kolonna deb ataladi. Kolonnaning pastki qismi esa suyuqlikdan 
engil uchuvchan komponentni maksimal daraja ajratuvchi qism yoki pastki 
kolonna deb ataladi.
Kolonnaning pastidan yuqoriga qarab bug`lar harakat qiladi, bu bug`lar 
kolonnaning pastki qismiga qaynatgich (issiqlik almashinish qurilmai) orqali 
o’tadi. Qaynatgich odatda kolonnaning tashqarisida yoki uning pastki qismida 
joylashgan bo’ladi. Bu issiqlik almashinish qurilmasi bug`ning yuqoriga 
yo’nalgan oqimini hosil qiladi. Kolonnaning yuqorisidan pastga qarab suyuqlik 
harakat qiladi. Bug`lar deflegmatorda kondensastiyaga uchraydi. Deflegmator 
sovuq suv bilan sovitiladi. Hosil bo’lgan suyuqlik ajratgichda ikki qismga 
ajraladi. Birinchi qism- flegma kolonnaning yuqori tarelkasiga beriladi. Shunday 
qilib, kolonnada suyuq fazaning pastga yo’nalgan oqimi yuzaga keladi. Ikkinchi 
qism – distillyat sovitilgandan so’ng yig`gichga yuboriladi.
Deflegmatorda bug`lar to’la yoki qisman kondensastiyaga uchraydi. 
Birinchi holda kondensat ikkiga bo’linadi. Birinchi – qism flegma qurilmaga 
qaytariladi, ikkinchi qism esa distillyat (rektifikat) yoki yuqori mahsulot 
sovutgichda sovitilgandan so’ng, yig`ish idishiga yuboriladi. Ikkinchi holda esa 
deflegmatorda 
kondensastiyaga 
uchramagan 
bug`lar 
sovitgichda 
kondensastiyalanadi va sovitiladi: bu holda ushbu issiqlik almashinish qurilmasi 
distillyat uchun kondensator – sovutgich vazifasini bajaradi. 
Kolonnaning pastki qismidan chiqayotgan qoldiq ham ikki qismga 
bo’linadi. Birinchi qism qaynatgichga yuboriladi, ikkinchi qism (pastki 
mahsulot) esa sovitgichda sovitilgandan so’ng yig`ish idishiga tushadi.
Rektifikastion qurilmalar odatda nazorat-o’lchash va boshqaruvchi asboblar 
bilan jihozlangan bo’ladi. Bu asboblar yordamida qurilmaning ishini avtomatik 
ravishda boshqarish va jarayonini optimal rejimlarda olib borish imkoni 
tug`iladi. Rektifikastion kolonna korpusida xom-ashyo, flegma va bug`ni kiritish, 
tayyor mahsulotlar, qoldiqni chiqarish, bosim, temperatura va sathni o’lchash 
asboblarini o’rnatish uchun shtusterlar ko’zda tutilgan. 

49 
Tarelkali kontakt qurilmalarini ko’p belgilariga ko’ra sinflarga ajratish 
mumkin. Masalan: suyuqlikni bir tarelkadan keyingi tarelkaga uzatish usuliga 
ko’ra ular suyuqlikni quyilish moslamali va quyilish moslamasi bo’lmagan 
turlarga bo’linadi. 
Quyilish moslamali tarelkalar maxsus kanallarga ega bo’lib, suyuqlik shu 
kanallar orqali yuqori tarelkadan pastki tarelkaga quyiladi. Bu kanallar orqali 
bug` faza yuqoriga o’tolmaydi. Quyilish moslamasi bo’lmagan tarelkalarda 
suyuqlik va bug` faza yuqori tarelkadan keyingi tarelkaga ulardagi teshiklar 
orqali o’tadi. 
Gaz va suyuq fazaning o’zaro kontaktlashuv usuliga ko’ra tarelkalar 
barbotajli va oqimli turlarga bo’linadi. Barbotajli tarelkalarda suyuqlik yaxlit, 
gaz esa dispers faza, oqimli tarelkalarda aksincha, gaz faza yaxlit, suyuqlik
dispers holatda bo’ladi. 

Download 3,46 Mb.