|
Ning 5- sinf uchun “ Dars ishlanmasi
|
| Sana | 22.05.2024 | | Hajmi | 1,99 Mb. | | #250209 |
Bog'liq 5-sinf O`zbek tili Dam olish kunida
________ viloyati _________ tuman
maktabgacha va maktab ta’limi bo`limi tasarrufidagi __ - umumiy o`rta ta’lim maktabining O`zbek tili (Davlat tili) fani o`qituvchisi _____________________ning
5- sinf uchun “
Dars ishlanmasi
Dam olish kunida” mavzusida tayyorlagan ochiq
Dars mavzusi:Dam olish kunida.
a) Ta’limiy maqsad: Yangi mavzular yuzasidan tushuncha berish.
b) Tarbiyaviy maqsad:
- O`quvchilarni mehnatsevarlik ruhida tarbiyalash.
c) Rivojlantiruvchi maqsad:
- O’quvchilarning fikrlash doirasini kengaytirish. Mustaqqil amaliy ishlarni bajara olishini rivojlantirish: Mavzuni o‘rganish jarayonida o‘quvchilar quyidagi bilim va ko‘nikmalarga ega bo‘lishlari kerak.
Bilimlar: Mavzuni o’quvchilar tomonidan qisqa vaqt ichida o’zlashtirishga erishish, o’quvchilarga fanga qiziqish uyg’otish, o’quvchilar faolligini oshirish,yakka tartibda mustaqi lishlashga o’rgatish.
Ko‘nikmalar: Yangi bilimlarni egallaydilar, mustaqil ishlashni, o’z-o’zini nazorat qilishni o’rganadi, mavzugai oid yangiliklardan xabardor bo’ladi. Aniq va erkin fikr bildirishga intiladi.
Malakalar: Qo’yilgan muammolar bilan mustaqil ishlashni o’rganadi. Shu mavzu asosida qo’shimcha materiallar to’playdi, ularni o’rganadi. Mavzu yuzasidan mustaqil ish bajaradi.
Shakllantirilayotgan kompetensiyalar:
– kommunikativ, axborot bilan ishlash, umummadaniy.
Amalga oshirish usuli:
– guruhlarda va juftliklarda ishlash
III.Darsning uslubi: Noan’anaviy, “Qadamlar” metodi, “Kim javob beradi?”, “Chalkashtiruvchi” va “BBB” metodlari.
IV.Darsning jihozi: darsliklar, noutbook, plakatlar, tarqatma materiallar, kartochkalar, testlar, texnika vositasi .
1. Dars rejasi:
1) Tashkiliy qism
a) salomlashish, davomatni aniqlash va sinf xonasi tozaligini nazorat qilish;
2) Asosiy qism
a) yangi darsning bayoni;
b) amaliy ish;
3) Xulosa
a) faol ishtirok etgan o‘quvchilarni baholash;
b) uyga vazifa
1.Tashkiliy qism 5 daqiqa
2.O`tilgan mavzuni takrorlash 10 daqiqa
3.Yangi mavzu bayoni 15 daqiqa
4.Yangi mavzuni mustahkamlash 10 daqiqa
5.Uyga vazifa. 5 daqiqa
Tashkiliy qism
Salomlashish
Davomotni aniqlash
Navbatchi ishini tekshirish
Siyosiy daqiqa
Dars shiori: Birlashgan daryo bo‘lur, tarqalgan irmoq bo‘lur.
(O‘zbek xalq maqoli)
Kun hikmati: Ilmsiz inson mevasiz daraxt kabidir, Ilm dunyoning lazzatidir.
Abdulla Avloniy
Uy vazifasini so‘rash va baholash.
O`tilgan mavzuni mustahkamlash
Yangi mavzu bayoni
1-topshiriq. O‘qing. So‘zlang. Barcha kelishiklar ishtirok etgan so‘zlarni topib ko‘chiring.
BOTANIKA BOG‘I
Toshkentda O‘zbekiston Fanlar akademiyasining Botanika bog‘i bor. Bu yerda xilma-xil o‘simliklar, gullar, butalar va daraxtlar o‘sadi. Ayniqsa, bahorda bog‘ning manzarasi juda chiroyli bo‘ladi. Bog‘da har xil gullar ochiladi. Mevali va manzarali daraxtlar gullaydi. Bog‘da Xitoy, Hindiston, Shimoliy Amerika, Kavkaz, Rossiya va Markaziy Osiyoda o‘sadigan olti ming navdan ortiq o‘simliklar bor. Bu yerda olimlar yovvoyi, dorivor hamda manzarali o‘simliklarni madaniylashtirish sohasida ko‘plab ishlar qilishmoqda. Bog‘ va uning xodimlari haqida O‘zbekiston televideniyasining „Dunyo bo‘ylab“ kanalida qiziqarli ko‘rsatuvlar berib boriladi.
1-mashq. „Botanika bog‘i“ matnidan foydalanib, gaplarni kengaytiring.
1. Toshkentda Botanika bog‘i bor. 2. Bu yerda xilma-xil o‘simliklar o‘sadi. 3. Bahorda chiroyli bo‘ladi. 4. Bog‘da har xil gullar gullaydi. 5. Bog‘da olti mingdan ortiq o‘simliklar bor. 6. Bu yerda olimlar ko‘plab ishlar qilmoqdalar
2-topshiriq. „Botanika bog‘i“ matnidan olgan ma’lumotingizni jadvalga joylashtiring.
3-topshiriq. O‘qing. Tinglang. Savol larga javob yozing.
DAM OLISH KUNIDA
O‘tgan yakshanba kuni
Men, opam, oyim, dadam
Hayvonot bog‘iga borib,
Hordiq oldik chinakam.
|
Ko‘rdik filni, burgutni,
Maymunlarni ko‘rdik biz.
Tuyakash yetagida
Tuya minib yurdik biz.
|
Arslon-u bo‘rilar
Qarab-qarab qo‘yishdi.
Tog‘ takalar: „Barg ber“, deb
Ma’rab-ma’rab qo‘yishdi.
Xuddi sirkdagi kabi
Ayiqvoy chaldi chapak.
Tumshug‘in taqillatib:
– Qalaysan? – dedi laylak.
|
Kezib hayvonot bog‘in
Zavq-shavq oldik bir olam.
Uyga qaytdik kechqurun
Men, opam, oyim, dadam.
|
Abdurahmon Akbar
Mustaqil ish.
“Dam olish kunida” she’rida tasvirlangan hayvonlar nomini alifbo tartibida yozing.
4-topshiriq. Ta’til vaqtida bajarmoqchi bo‘lgan ishlaringiz rejasini tuzing.
Darsda faol ishtirok etgan o`quvchilar rag’batlantiriladi va baholandi.
Uyga vazifa: “Dam olish kunida” she’rini yodlang.
|
| |
