|
“Fizika va texnologik ta’lim” jurnali | Журнал “Физико-технологического“Fizika va texnologik ta’lim” jurnali | Журнал “Физико-технологического
образование” | “Journal of Physics and Technology Education” 2021, № 4 (Online)
Journal of Physics and Technology Education | https//phys-tech.jspi.uz/
46
4-босқич. Лойиҳанинг сўнгги варианти экспертга, тақризга берилади.
Бунда матн аниқ асосланган бўлиб, бажарилган ишларнинг мазмуни ва
эришилган натижаларни гавдалантириши керак. Матнда, албатта, жадваллар,
графиклар, чизма, дастурлар ёки шунга ўхшаш материаллар бўлиши шарт.
5-босқич. Иш тақризга берилади. Лойиҳага эксперт хулосаси олинади,
ташқи тақриз натижасини эълон қилингач, тугалланган ҳисобланади.
6-босқич.
Лойиҳа тақдимоти. Тақдимот лойиҳада бажарилиши
белгиланган мезонлар асосида ҳайъат ёки комиссия аъзолари томонидан
баҳоланади. Ҳайъат аъзолари таркиби лойиҳа ишлаб чиқилаётганлигида
аниқланади.Тайёрланган “лойиҳа”ни кўриб чиқиб, танланиб, сўнгра
тайёрланган ҳисобот кўриб чиқилади.
Ҳайъат ишни баҳолаши учун баҳолаш мезонлари ишлаб чиқилади. Бу
мезонлар муаммони ўрганиш даражаси, матнни аниқ, тушунарли тарзда баён
қилиниши, ўзига хослиги, расмийлаштириш сифати, кўргазмали, намойиш
материалларидан фойдаланилгани, берилган таклифлар ва уларни муаммони
ечишга ёрдам бериши ва бошқа жиҳатларини мужассамлаштирилган бўлиши
керак. Дарс жараёнида кичик гурухлар тайёрланган лойихаларни ўқитувчи
бошчилигида талабалардан тузилган ҳайъат баҳолаши мумкин.
Талабалар лойиҳа устида ишлаш жараёнида олган билимларидан,
билиш жараёнида хизмат қилган амалий маслаҳатлардан фойдаланишса,
мустақил таҳлилий фикр юритишга ўрганадилар. Уларда янги ғоялар топиш,
ижодий фикрлашга, тўғри стратегия танлаш, аниқ масала-муаммоларни ечиш
кўникмаси ҳосил бўлади. Бунда ўқитувчи уларнинг ишини кузатади,
маслаҳатлар беради, қўллаб-қувватлайди.
Индивидуал усулнинг лаборатория усулидан фарқи, талабалар ўз
фаолияти давомида олган билимларидан фойдаланиб, амалий вазифани ҳал
этишга ҳаракат қилади. Ушбу усул талабалар билимини чуқурлаштиради,
маҳоратини оширади, шунингдек, уларнинг ўрганиш фаолиятини янада
кучайтиради.
Хулоса ўрнида шуни таъкидлаш мумкинки, таълим жараёни
самарадорлигини ошириш, таълим олувчиларнинг мустаҳкам билим,
кўникма ва малакаларини шакллантириш, уларни касбга тўғри йўналтиришда
лойиҳалаш методидан фойдаланиш давр тақозоси ҳисобланади.
Адабиётлар рўйхати
1.Бозорова С. Олий таълимда касбий йўналтирилган ўқитиш
технологиялари. Монография. Тошкент. 2006. 112 б.
|
| |
