|
“Fizika va texnologik ta’lim” jurnali | Журнал “Физико-технологического“Fizika va texnologik ta’lim” jurnali | Журнал “Физико-технологического
образование” | “Journal of Physics and Technology Education” 2021, № 4 (Online)
Journal of Physics and Technology Education | https//phys-tech.jspi.uz/
45
1.Бу ўтилаётган мавзу бўйича қўйилган савол ёки ечимини кутаётган
долзарб масала бўлиши мумкин. Лойиҳа талабаларнинг ўз хоҳишлари,
қизиқишларига кўра танлаган илмий изланишлари бўлиши мумкин ёки
ўқитувчи таклиф қилиши мумкин. Ҳар иккала ҳолда ҳам талабалар зарур
ахборотларни тўплашлари, уларни таҳлил қилишлари зарур. Таҳлил асосида
қарор қабул қилиб, лойиҳа ишлаб чиқишдан мақсад қўйилади ва қандай
натижага эришиши белгиланади.
2.Мақсадни аниқлагач, лойиҳанинг мазмуни белгиланади.
3.Режа асосида амалга ошириш учун вазифалар белгиланади, яъни
фаолият режаси ишлаб чиқилади. Лойиҳанинг умумий тавсифи
ойдинлашади. Аниқ фаолиятга асос яратилади. Лойиҳани амалга ошириш
учун тузилган режа аниқ бўлиши, ҳаддан ташқари мураккаб бўлмаслиги
керак. Умумий режадан ташқари ҳафталик ва ойлик режалар тузиладики,
унинг асосида талаба бажарадиган ишларни янада ойдинлаштиради.
4.Лойиҳа қатнашчилари белгиланади.
Лойиҳа қатнашчилари ўз қизиқишлари, фикр доиралари билан бир-
бирларига яқин, ёрдам берувчи ўқувчи, талабалар бўлиб, уларни лойиҳада
қўйилган мақсад бирлаштиради.
Уларни ёнига кейинчалик бошқа қатнашчилар ҳам қўшилиши мумкин.
Лекин қатнашчилар ҳаддан ташқари кўпайиб кетиши салбий оқибатларга
олиб келади. Шунинг учун лойиҳада ҳар бир қатнашчининг бажарадиган
вазифаси аниқ ёзиб қўйилади.
5.Лойиҳани амалга ошириш муддатлари белгиланади. Агарда у
босқичларга бўлинса, уни ҳар бир муддатлари билан кўрсатилади.
6.Лойиҳалаш ва уни амалга ошириш босқичлари:
1-босқич: Лойиҳани ишлаб чиқиш. Унда лойиҳани амалга ошириш
шакллари ва воситалари, босқичма-босқич натижалари ҳам кўрсатилади.
2-босқич: Лойиҳада белгиланган вазифалар бажарилади.
Бу босқичда талабалар мустақил равишда индивидуал ва гуруҳ бўйича
қўйилган вазифаларни бажарадилар. Материал, ахборот тўплайдилар.
Тўпланган маълумотларни мухокама қиладилар. Жадваллар, графиклар
ишлаб чиқадилар. Намойиш этиладиган, иллюстратив материаллар
тайёрлашади.
3-босқич. Лойиҳанинг барча қатнашчилари томонидан тайёрланган
ишлар бир бутун қилиб бирлаштирилади. Аввал лойиҳанинг хонаки варианти
ёзиб чиқилади. Сўнгра якуний вариант тайёрланади. Расмий талаблар
асосида тахланади.
|
| |
