|
Pedagogik psixologiyaning tadbiqiy ishlari
|
| bet | 104/125 | | Sana | 10.02.2024 | | Hajmi | 1,25 Mb. | | #154263 |
Bog'liq Umumiy pedagogika va psixologiya uslubiy ko\'rsatma 2023Pedagogik psixologiyaning tadbiqiy ishlari. O‘zbekistonda endi shakllanayotgan, lekin nazariy nuqtai nazardan ma’lum an’analarga ega bo‘lgan soxadir. 1998 yilning O‘zbekitonning birinchi Prezidenti tomonidan “Oila yili” deb e’lon qilinishi joylarda psixologik xizmat o‘choqlarining paydo bo‘lishiga va u yerlarda psixologik xizmatidan foydalanishni anglashga turtki bo‘ldi. Psixolog bu yerlarda yoshlardagi oila va nikoh borasidagi tasavvurlarning to‘g‘ri shakllanishidan tortib, toki muammoli, xattoki, ajrim bo‘lgan oila a’zolariga psixologik maslahatlar berish, “ishonch telefonlari” orqali maslahatlar uyushtirishni o‘z zimmasiga oladi.
Maorif sohasidagi amaliy ishlar boshqa sohalarga nisbatan anchagina yaxshi tajribaga ega. Ayniqsa, O‘zbekistonda kadrlar tayyorlashning milliy dasturi qabul qilingandan so‘ng tashkil qilingan yangi tipdagi ta’lim muassasalari - akademik liseylar va kasb - hunar kolledjlariga bir nechtadan psixologlar shtati kiritilgan va ular aynan tadbiqiy muammolar - bolaning o‘quv jarayoniga psixologik jihatdan tayyorligini diagnostika qilishdan tortib, professional va kasb mahoratini rivojlantirishgacha bo‘lgan barcha muammolarni hal qilishga “aralashadi”.
Huquqbuzarlikning oldini olish va qonunga zid harakat qilganlarni psixologik reabelitasiya qilish muammosi ham har doim ham psixolog aralashuvini talab qilib kelgan. Chunki jinoyatchi yoki xuquqbuzar shaxsi o‘z - o‘zidan shakllanib qolmaydi, uni shakllantiruvchi omillar, motivlar va bolani qayta tarbiyalash va reabelitasiya masalalari ijtimoiy psixologik jarayonlar mohiyatini bilish va ularga faol ta’sir ko‘rsatish talab qiladi. Shuning uchun ham mamlakatimizda yoshlar o‘rtasida xuquqiy ma’rifat va xuquqiy madaniyatni shakllantirishga juda katta e’tibor qaratilgan va bu ishda amaliyotchi xodim - psixologning o‘rni va roli katta bo‘ladi.
Yuqorida e’tirof etilgan psixologiyaning tadbiqiy sohalari uchun umumiy narsa shuki, bu sohalarda ishlaganlar avvalo yaxshi psixodiagnost, ya’ni psixologiya metodlarini o‘z o‘rnida samarali ishlatishni bilishi, va yaxshigina psixoterapevt va psixokorrektor - ya’ni, aniqlangan muammo yoki “kasallikni” tuzatuvchi mohir professional bo‘lishi kerakligini taqozo etadi.
Foydalanilgan adabiyotlar:
1.Muhammedova D.G‘, Mullaboyeva N.M, Rasulov A.I “Umumiy psixologiya” psixologiya ta’lim yo‘nalishlari uchun darslik. Toshkent-2017
2.Ergash G‘oziyev Umumiy psixologiya. Psixlogiya mutaxassisligi uchun darslik. O‘zbekiston faylasuflari milliy jamiyati nashryoti. Toshkent-2010
3. Myers.D.G Psychology. HopeCollege. Holland, Michigan, 2010
4. Aliyev Islambek Tursunbayevich. Pedagogika va Psixologiya. O‘quv qollanma. Toshkent-2012
5. Qodirov Obid Safarovich. pedagogika va psixologiya fanlarini o’qitish metodikasi fanidan ma’ruzalar matni. Samarqand-2021.
|
| |
