|
Kichik biznes korxonalari innovatsion faoliyatining asosiy xususiyatlari
|
| bet | 7/12 | | Sana | 12.02.2024 | | Hajmi | 87,93 Kb. | | #154919 |
Bog'liq O‘zbekiston milliy universiteti-fayllar.org axborot tashuvchilar, 7-mavzu. Innovatsion marketing tizimida brending nazariyasi kons, Otabek 1 lab, 2-mavzu, Akkumulator, TOG o\'quv qo\'llanma, 1- amaliyot Omonbayev Jaloliddin, Hisobot yuzi (4), Mehnat ta`limi o`qitish metodikasi, Ro\'zmatboy[1], kalit, Bozor va Marketing, Tadbirkorlik etikasi va madaniyati., 5, Mavzu Pedagogik texnikani qo’llash-fayllar.orgKichik biznes korxonalari innovatsion faoliyatining asosiy xususiyatlari
Ma`lumki, mamlakat iqtisodiyotining rivojlanishi ko`p jihatdan turli mulkchilik shaklidagi xo`jalik sub`ektlarining, korxonalarning qay darajada shakllanganligiga bog’liq. Faqat turli mulkilik munosabatlariga asoslangan xo`jalik sub`ektlari orasidagi optimal nisbatgina yuqori samaradorli ishlab chiqarishni tashkil etishga katta imkon yaratadi. Aytish mumkinki, iqtisodiyoti barqaror rivojlangan mamlakatlarda bu masala etarli darajada hal etilgan. Albatta rivojlangan mamlakatlarning bu yo`nalishdagi tajribasini to`g’ridan-to`g’ri, hech bir o`zgarishsiz boshqa mamlakat iqtisodiyotiga joriy etish mumkin emas. CHunki har bir mamlakatda iqtisodiyot tarkibini mulkchilik shakllari bo`yicha tuzish o`ziga xos omillarni hisobga olishni taqoza etadi.
Birinchidan, turli mulkchilik shaklidagi korxonalarni tashkil etishda mamlakatning o`ziga xos shart-sharoitlari hisobga olinadi; ikkinchidan, mamlakatning iqtisodiy resurslar (moddiy va mehnat resurslari) bilan qanchalik ta`minlanganlik darajasiga bog’liq; uchinchidan, tarmoqlar tarkibining xususiyatlari, eksport-import operatsiyalarining hajmi muhim ahamiyatga ega.
Bundan tashqari, mamlakatda har xil davrda korxonalar tarkibining optimal nisbati turlicha bo`lishi mumkin. SHuning uchun ham O`zbekistonda korxonalarni xususiylashirish va davlat tasarrufidan chiqarishga, ya`ni ko`p ukladli iqtisodiyotni qaror toptirish jarayoni, ko`pgina mustaqil hamdo`stlik mamlakatlaridan farqli o`laroq, bosqichma–bosqich va davlat tomonidan tartibga solish asosida amalga oshirilmoqda, ayniqsa, kichik va xususiy tadbirkorlikni shakllantirishga alohida e`tibor qaratilmoqda.
Hozirgi davrda bizning respublikamizda iqtisodiyotni rivojlantirish barcha tarmoqlardagi tarkibiy o`zgarishlar bilan birga olib borilmoqda. Ayniqsa ishlab chiqarish va xizmat ko`rsatish sohalariga innovatsiyalarni kiritish jarayonida ko`p muammolar paydo bo`lmokda va ularni o`z vaqtida hal etish kerakli kadrlar va moddiy texnika bazasi bilan ta`minlash masalalarini echishni hamda tashkiliy va uslubiy tadbirlarni, ilmiy izlanishlarni talab etadi. Innovatsion muhitni shakllantirish doimiy ravishda mahsulotni yangilash, ishlab chiqarish fondlarini yangi texnika asosida yangilash, mamlakatni ijtimoiy-iqtisodiy rivojlantirish imkoniyatini yaratadi va muhim omil hisoblanadi. Innovatsion jarayonni kichik biznes sohasidagi muhitga muvofiqlashtirish, uning samarasini oshirish mavjud ijtimoiy-iqtisodiy imkoniyatlardan to`liq foydalanishni taqazo etadi. Asosiy e`tibor bozor raqobati sharoitida eng oqilona variantlarni tanlash, foydalilik darajasini ta`minlash va kichik korxona faoliyatini jadallashtirishga qaratilishi lozim bo`ladi.
Jahon amaliyoti shuni ko`rsatadiki, ko`plab rivojlangan mamlakatlar yuksak taraqqiyot darajasiga fan va texnika sohasidagi eng so`ngi innovatsiyalarni ishlab chiqarishga tez va keng ko`lamda joriy etish hisobiga erishmoqdalar. Kichik biznes va tadbirkorlik innovatsion faoliyatini rivojlanish bosqichlarini o`rganish yuzasidan amalga oshirilgan tadqiqot natijalari shuni ko`rsatmoqdaki, tadbirkorlik faoliyati XVI asrdan boshlab iqtisodchi olimlar diqqat markazida bo`lib kelgan. Quyida tadbirkorlik va innovatsiya tushunchalarining mazmuni va mohiyatini ochib berishga harakat qilgan ayrim iqtisodchi olimlarning ilmiy qarashlarini va fikrlarini keltiramiz.
Tadbirkorlik va innovatsiya faoliyati nazariyasiga katta hissa qo`shgan avstriyalik iqtisodchi olim I.SHumpeter “tadbirkorlik - ishlab chiqarish omillaridan foydalanishning yangi kombinatsiyalarini amalga oshiradigan va shu bilan iqtisodiy taraqqiyotni ta`minlaydigan kishi”, - deb ta`riflaydi10. R.Xizrich tadbirkorlikni innovatsiya tushunchasi bilan bog’lagan holda: “tadbirkorlik – qiymatga ega bo`lgan yangi narsani yaratish jarayoni bo`lib, tadbirkor esa bunda tavakkalchilikni zimmasiga oluvchi kishidir”, - deb talqin qilgan11. P.Druker “tadbirkorlik innovatsiyani boshqarish jarayoni bo`lib, tadbirkor esa har bir imkoniyatdan maksimal foydalanuvchi shaxs”, - deb tushuntiradi12. U innovatsiyalarning aynan iqtisodiy asosini ta`kidlab, “tadbirkorlar innovatsiya yordamida yangi xizmatlar yoki biznes turini amalga oshiradi”, - degan g’oyani ilgari suradi.
Mamlakatimiz olimlaridan akademik S.G’ulomov tadbirkorlikni innovatsiya bilan bog’lagan holda: “tadbirkor shunday insonki, u pul mablag’lari, material va ishchi kuchini jamlashtirib, yangi mahsulot, yangi biznes va yangi ishlab chiqarish jarayonini tashkil etadi”13, deb ilmiy ta`rif bergan.
S.G’ulomov va B.G’oyibnazarovlarning ta`kidlashicha, “kichik biznes korxonalari yangi innovatsiyalar va tashabbuskorlikni talab etib, shular asosidagina iqtisodiy rivojlanishni ta`minlash mumkin. Buning uchun kichik biznes korxonalari fan va texnikada erishilgan so`ngi innovatsiyalarni ishlab chiqarishga joriy etishga alohida e`tibor qaratishlari lozim14”.
Hozirgi paytda jahon iqtisodiyoti globallashuvi va raqobat muhiti kuchayib borishi, bozor kon`yukturasi va istemolchilar ehtiyojlari tezo`zgarishi jarayonlari har bir xo`jalik yurituvchi sub`ektdan raqobatbardosh mahsulotlar ishlab chiqarishning tashkiliy-iqtisodiy mexanizmlarini ishlab chiqarishni hayotiy zaruriyatga aylantirmoqda. Bu esa korxonalarning innovatsion faoliyatini rivojlantirish va samarali boshqarishni talab etmoqda.
Kichik biznes sub`ektlarining innovatsion faoliyati eng avvalo, amaliyotga yangi, takomillashgan ishlab chiqarishni joriy etish, ikkinchidan, mahsulot ishlab chiqarish xarajatlarining barcha turlarini qisqartirish, uchinchidan, ishlab chiqariladigan mahsulotlar narxlarini pasaytirishda ularning iste`mol va sifat ko`rsatkichlarini doimiy ravishda oshirib borishni nazarda tutadi. Kichik biznes sub`ektlarining innovatsion faoliyatini rivojlantirish ko`p jihatdan unig boshqaruv tizimi samaradorligiga bog’liq. Kichik biznes sub`ektlarining innovatsion faoliyatini rivojlantirishdan maqsad butun ishlab chiqarish tizimini yangilash hisobiga ishlab chiqarish samaradorligini oshirish, ilmiy – texnik, intelektual va iqtisodiy salohiyatdan samaraliroq foydalanish asosida soha raqobatbardoshligini oshirishdan iboratdir. Mukammal raqobat jamiyat uchun juda kuchli stimul bo`lib, ishlab chiqarish harajatlarini minimumlashtirishga va ish haqini uning me`yoriy unumdorligiga maksimal yaqinlashtiradi.
Kichik biznes rivojlangan va rivojlanayotgan har qanday mamlakat iqtisodiyotining asosidir. Kichik biznesni jadal rivojlantirish barqaror iqtisodiy rivojlanishning muhim strategik vazifasi, mamlakat yalpi ichki mahsulotini shakllantirishning asosiy bo`g’ini, aholini ish bilan ta`minlash va uning daromadlari manbai, milliy farovonlikni ta`minlashning asosiy omillaridan biri hisoblanadi.
Kichik korxonalarda yirik korxonalarga qaraganda, ayniqsa iqtisodiyotning istiqbolli tarmoqlarida innovatsion jarayonlar, tadbirkorlik ruhi ko`proq ko`rinadi. SHuning uchun ham kichik va o`rta biznes zamonaviy tarmoqlar hisoblangan elektronika, komp’yuterlash va boshqa sohalarda ko`proq o`rin egallagan.
Tahlillarning ko`rsatishicha, kichik korxonalar kishilardagi tashabbuskorlik, sohibkorlik, tadbirkorlik va mulkka egalik qobiliyatlarini ro`yobga chiqarish vositalaridan biri hisoblanadi. O`rta mulkdorlar tabaqasini shakllantirish, aholi iqtisodiy ahvoli yomonlashuvinining oldini olish ham iqtisodiyot mazkur sektorining qanchalik darajada rivojlanganligiga bog’liq.
Ko`plab adabiyotlarda qayd etilganidek, kichik biznes quyidagi o`ziga xos boshqa afzalliklarga ham ega: o`z harakatida boshqa korxonalarga bog’liq bo`lmagan holda, mustaqil harakat qiladi; sharoitga qarab o`z vaqtida, tezda ishlab chiqarish, xizmat ko`rsatish kon’yukturasini o`zgartirishga qaror qila oladi; mahalliy sharoitlarni, aholi talab-istagiga, urf-odatlariga, mahalliy bozorning talabiga tez moslasha oladi; qisqa muddatda foyda ko`rish imkoniyatiga ega bo`ladi, ishlab-chiqarish tsiklining qisqa vaqtliligi; ishlab chiqarish hajmining nisbatan kichikligi sababli bankrotga uchragan holda ham moddiy zararning unchalik katta miqdorni tashkil etmasligi; fan va texnika yangiliklarini tezda tezda jorish qilish mumkinligi.
YUqoridagilardan kelib chiqqan holda, qayd etishimiz joizki, kichik biznes sub`ektlarining innovatsion faoliyatini rivojlantirish va ular faoliyatiga boshqaruvning innovatsion texnologiyalarini joriy etish quyidagi omillar hisobiga muhim zaruriyat hisoblanadi:
birinchidan, kichik biznesning ixcham va harakatchanligi, bozor kon`yunkturasi o`zgarishlari va iste`molchilar ehtiyojlariga nisbatan tez moslasha olish xususiyatlariga ega ekanligi innovatsion texnologiyalarni joriy etishda yirik korxonalarga nisbatan tavakkalchilik darajasining pastligi jihatidan yaxshi samara beradi;
ikkinchidan, kichik biznes sub`ektlari faoliyatiga innovatsion texnologiyalarni joriy etilishi ularni yuqori transaktsion harajatlarini kamaytirib, rentabellik ko`rsatkichlarini oshiradi, uchinchidan, kichik biznes sub`ektlarining yangiliklarni tezkorlik bilan o`zlashtira olish salohiyati ularga innovatsiyalarni tijoratlashtirishdan yuqori daromad olish imkoniyatini beradi;
to`rtinchidan, kichik biznes sub`ektlari faoliyatiga boshqaruvning innnovatsion texnologiyalarini joriy etilishi ular tomonidan ishlab chiqarilayotgan mahsulotlar tannarhini kamaytirish, tovar va xizmatlar nomenklaturasini oshirish, yangi tovarlar turlarini sotish hajmlarini kengaytirish hamda mahsulot sotishning istiqbolli bozorlarini o`zlashtirish hisobiga ularning eksport salohiyati va raqobatbardoshligini oshiradi.
Kichik biznes sub`ektlari faoliyatini mukammal modernizatsiya va zamonaviy innovatsion texnologiyalar asosida tashkil etish dolzarb masalaga aylanmoqda. Jahon iqtisodiyotida innovatsiyaning o`rni ortib borayotganligi jarayonida kichik biznes korxonalari faoliyatida uni qo`llamasdan turib, ilmiylik va yangilik darajasi yuqori bo`lgan raqobatbardosh mahsulotlar yaratishlari mumkin emas.
Bozor iqtisodiyotida kichik biznesning innovatsion faoliyati raqobat kurashi uchun samarali vosita hisoblanib, yangi iste`molchilarning paydo bo`lishiga, mahsulotlar tannarxini kamayishiga, investitsiyalarning kirib kelishiga, yangi mahsulot ishlab chiqaruvchilar reytingining oshishiga, ichki va tashqi yangi bozorlarni ochishga va egallab olishga olib keladi. Har qanday korxonaning faoliyati yuqori sifatli va kam xarajat talab etadigan yangi turdagi mahsulotlarni ishlab chiqarish imkonini beradigan yangi texnologiyalarni o`zlashtirishga qaratilmasa, u holda qanchalik muvaffaqiyatli rivojlanmasin, ma`lum vaqtdan keyin raqobatbardoshligining susayishi, bozordagi mavqeining kuchsizlanishi va oladigan foydasining hajmi kamayishi muqarrardir.
Kichik biznes ijodiy va aniq maqsad sari intiladigan kishilar uchun o`z talant va tajribasini, innovatsion g’oyalarini to`liq ro`yobga chiqishi uchun inkon beradigan sohadir. Tarixdan ma`lumki, aynan kichik biznes sohasida vujudga kelgan innovatsion g’oyalar bugungi kunda dunyoga mashhur yirik “McDonalds” gamburger, “Apple” kompyuter, “Ford” avtomobil’ kompaniyalari va boshqalarning yaratilishiga asos bo`lgan.
Jahon tajribasining ko`rsatishicha, aynan kichik biznesning yangi ish o`rinlarini yaratishda, yirik korxonalar uchun ayrim zaruriy va butlovchi mahsulotlarni ishlab chiqarishda, yangi tovar va xizmatlar turlarini oshirishda, tovarlarni ishlab chiqarish xarajatlarini kamaytirishda, raqobatbardosh va eksportga mo`ljallangan mahsulotlar ishlab chiqarish hajmini oshirishdagi roli yil sayin ortib bormoqda.
Xususan, o`tgan asrning 90-yillarida Xitoyda yuzaga kelishi mumkin bo`lgan ishsizlik darajasi oshishining oldini olish maqsadida kichik biznes korxonalarining rivojlanishiga katta e`tibor qaratilgan. Natijada esa hozirgi kunda ushbu mamlakatda jami ishchi kuchining 75% kichik korxonalarda mehnat qilmoqda. Kichik biznes sub`ektlarining faoliyati yuksak innovatsion texnologiyalar asosida tashkil etilganligi sababli ham eksportga chiqarilayotgan raqobatbardosh mahsulotlarning asosiy qismi aynan ularning hissasiga to`g’ri kelmoqda.
Ushbu mamlakatda yuksak iqtisodiy natijalarga erishishning asosiy sabablaridan biri kichik biznesning rivojlanishiga doir innovatsiya siyosatining muvaffaqiyatli amalga oshirilayotganligidir. Texnologiyalarni uzatish sohasida huquqiy ta`minlashning yuqori darajada tashkil etilganligi, yangi texnologiyalarni o`zlashtirish bilan shug’ullanadigan kichik biznes sub`ektlarini foyda solig’idan ozod etish hamda ularga imtiyozli kredit va moliyaviy yordam berish tizimi ilmiy-texnikaviy potentsialdan samarali foydalanishni va innovatsion faoliyatdan yuqori foyda olinishini ta`minladi.
Innovatsiya tadbirkorligi uchun yangi g’oyani qidirish muhim ahamiyatga egadir, shuning uchun bunga batafsil to`xtab o`tish lozim. Tadbirkorlik faoliyatini amalga oshirish aniq biznes rejaga asoslanadi va uning asosida faollik hamda chuqur o`ylangan innovatsiya tashabbusi yotgan tadbirkorlik g’oyasi ishlab chiqarishni to`liq, shuningdek, uning bir yoki bir nechta alohida qismlarini qamrab olishi mumkin. Agar xorijiy mamlakatlar tajribasiga nazar tashlaydigan bo`lsak, AQSHda so`ngi o`n yillar mobaynidagi barcha innovatsiyalarning 55% aynan kichik biznes sohasida yaratilgan.
|
| |
