|
Oliy ta’limning davlat ta’lim standarti. Oliy ta’lim yo‘nalishlari va mutaxassisliklari klassifikatori
|
| bet | 1/21 | | Sana | 07.11.2022 | | Hajmi | 174.12 Kb. | | #29438 |
Bog'liq TA\'LIM KVALIFIKATSIYASI Amaliy ish Mavzu Risklarni baholash usullari. “Galstuk-babochka, To\'xtasinova F. O\'lkamiz tarixiy obidalari, 2143167140 (7), 1-tajriba, 6666axborot, interaktiv, «tasdiqlayman» O’quv ishlari bo’yicha prorektor, Abdulaxatov, 9, noorganik kimyo laboratoriya, Calendar plan-Kompozitsion materiallar kimyosi va texnologiyasi (4), Gruntlarning tarkibini aniqlash uslublari, Boburnoma
O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRINING
BUYRUG‘I
“OLIY TA’LIMNING DAVLAT TA’LIM STANDARTI. OLIY TA’LIM YO‘NALISHLARI VA MUTAXASSISLIKLARI KLASSIFIKATORI” O‘ZBEKISTON RESPUBLIKASINING DAVLAT STANDARTINI TASDIQLASH TO‘G‘RISIDA
[O‘zbekiston Respublikasi Adliya vazirligi tomonidan 2021-yil 27-oktabrda hisobga olindi, hisob raqami 42]
O‘zbekiston Respublikasining “Ta’lim to‘g‘risida”gi Qonuni, O‘zbekiston Respublikasi Prezidentining 2020-yil 3-avgustdagi PQ-4796-son “O‘zbekiston Respublikasining milliy statistika tizimini yanada takomillashtirish va rivojlantirish chora-tadbirlari to‘g‘risida”gi qaroriga muvofiq buyuraman:
1. “Oliy ta’limning Davlat ta’lim standarti. Oliy ta’lim yo‘nalishlari va mutaxassisliklari klassifikatori” O‘zbekiston Respublikasining davlat standarti ilovaga muvofiq tasdiqlansin.
2. Mazkur buyruq rasmiy e’lon qilingan kundan e’tiboran kuchga kiradi.
Vazir A. TOShKULOV
Toshkent sh.,
2021-yil 19-oktabr,
11-son
O‘zbekiston Respublikasi Oliy va o‘rta maxsus ta’lim vazirining 2021-yil 19-oktabrdagi 11-son buyrug‘iga
ILOVA
O‘ZBEKISTON RESPUBLIKASINING DAVLAT STANDARTI
Oliy ta’limning davlat ta’lim standarti Oliy ta’lim yo‘nalishlari va mutaxassisliklari
KLASSIFIKATORI
Kirish
Oliy ta’limning bakalavriat yo‘nalishlari va magistratura mutaxassisliklari klassifikatori (bundan buyon matnda Klassifikator deb yuritiladi) O‘zbekiston Respublikasining axborotlarni kodlash va tasniflash yagona tizimining (KTYAT) tarkibiy qismidir.
Mazkur davlat standarti O‘zbekiston Respublikasining “Ta’lim to‘g‘risida” Qonuni, O‘zbekiston Respublikasi Prezidentining 2019-yil 8-oktabrdagi PF-5847-son “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi Farmoni va O‘zbekiston Respublikasi Vazirlar Mahkamasining 1998-yil 5-yanvardagi 5-son “Uzluksiz ta’lim tizimi uchun davlat ta’lim standartlarini ishlab chiqish va joriy etish to‘g‘risida”gi qarorlariga muvofiq ishlab chiqilgan.
Shuningdek, Klassifikator YUNESKO (UNESCO) tomonidan joriy qilingan “Ta’limning xalqaro standart klassifikatsiyasi” (TXSK 2011) hamda “TXSK: Ta’lim va kasbiy tayyorlash sohalari” (TXSK-S 2013) prinsiplari asosida tuzilgan.
|
| |
