|
Oyga kosmik apparat uchirgan boshqa davlatlar
|
| bet | 4/4 | | Sana | 29.07.2024 | | Hajmi | 1,46 Mb. | | #268905 |
Bog'liq kosmik kemalar xalokatiOyga kosmik apparat uchirgan boshqa davlatlar
1959 yildan 2023 yilgacha oyga 82 ta kosmik apparatlar uchirilgan. 1993 yilgacha Oyga asosan SSSR va AQSh kosmik apparat uchirgan va ularning umumiy soni 65 tani tashkil etgan.
1993 yildan boshlab avvaliga Yaponiya, Yevropa Ittifoqi davlatlari hamkorlikda, Hindiston, Xitoy va Isroil Oyga bir nechtadan kosmik apparatlar uchirgan.
Jumladan:
1993 yil 10 aprel kuni Yaponiya Hiten kosmik apparatini Oyga uchiradi. Mazkur apparat Oyning sun’iy yo‘ldoshi bo‘lishi va uning atrofida aylanib tadqiqotlar olib borishi rejalashtirilgandi.
Yaponiyaning Hiten kosmik apparati
www.universetoday.com
2006 yil 3 sentabrda Yevropa Ittifoqiga a’zo bo‘lgan bir nechta davlat hamkorlikda ishlab chiqqan «Smart-1» kosmik kemasi Oy sirtiga qo‘nishda muvaffaqqatsizlikka uchraydi.
2008 yil 14 noyabr kuni Hindiston «Chandrayan-1»ni Oyga uchiradi va Yerning tabiiy yo‘ldoshiga apparat uchirgan davlatlar safiga qo‘shiladi. Parvoz esa muvaffaqiyatsiz kechadi.
Hindistonning «Chandrayan-1» kosmik qurilmasi
stock.adobe.com
2009 yil 12 fevral kuni Yaponiya o‘zining ikkinchi «Kaguya» deb nomlangan kosmik apparatini Oyga uchirmoqchi bo‘lganda parvoz muvaffaqqiyatsiz kechadi.
2009 yil 1 mart kuni Xitoy «Chan’ye-1» nomlangan kosmik apparatini Oyga uchiradi. U Yerning yo‘ldoshiga qo‘na olmaydi.
2009 yil 10 iyun kuni Yaponiya «Kaguya» deb nomlangan yana bir kosmik apparatini Oyga uchiradi.
Yaponiyaning «Kaguya» kosmik apparati
tudoem1.wordpress.com
2009 yil 9 oktyabr kuni amerikaliklar Lunar Crater Observation and Sensing Satellite deb nomlangan kosmik apparati Oyga qo‘na olmaydi. Bu amerikaliklar XXI asrda Yerning yo‘ldoshiga uchirgan birinchi apparat edi.
2014 yil 14 aprel kuni amerikaliklarning LADEE deb nomlangan yana bir kosmik apparati oy sirtiga qulab tushadi.
Oxirgi yillarda Oyni tadqiq etish ishlarida Xitoy ancha faollashdi. Bu davlat 2013 yil 14 dekabr kuni «Chan’ye-2» kosmik kemasini Oyga qo‘ndirdi va shu tariqa AQSh hamda SSSRdan so‘ng Yerning yo‘ldoshiga kosmik apparat qo‘ndirgan uchinchi davlatga aylanadi.
Xitoyning «Chan’ye-2» kosmik apparati
www.xsnet.cn
«Chan’ye-2» o‘zi bilan «Yuytu» deb nomlangan «plenataxod»ni Oyga olib chiqqandi. 2019 yil 3 yanvar kuni xitoyliklar «Yuytu-2» «plenetaxod»ini ham Oyga olib chiqishadi.
2019 yil 11 aprel kuni Isroil «Bereshit» deb nomlanuvchi kosmik apparatini Oyga uchiradi. U Yer yo‘ldoshi sirtiga qulab tushadi.
Isroilning «Bereshit» kosmik apparati
gadgets.ndtv.com
2019 yil 6 sentabr kuni Hindiston «Chandrayan-2» nomli kosmik apparatini Oyga uchiradi. «Chandrayan-2» Yer yo‘ldoshiga qulab tushgan.
2023 yil 15 aprel kuni Yaponiyaning Hakudo-R kosmik apparati Oy sirtiga qulab tushadi.
Hozirgi paytda Oyda Hindistonning «Chandrayan-3» kosmik apparati bor. Hindlar uni 2023 yil 14 iyul kuni uchirgandi. Mazkur kosmik apparat Hindiston tomonidan Oyga uchirilgan uchinchisi hisoblanadi.
Missiya doirasida «Chandrayan-3» Oyning janubiy qutbini o‘rganishi ko‘zda tutilgan. 19 avgust kuni Hindiston kosmik tadqiqotlar tashkiloti (ISRO) «Chandrayan-3»ning «Vikram» nomli qo‘nish moduli oy atrofidagi orbitada balandlikni pasaytirish bo‘yicha so‘nggi manyovrni amalga oshirgani va qo‘nishga tayyorgarlik ko‘rishni boshlaganini xabar qildi.
Hindistonning «Chandrayan-3» kosmik apparati. U 2023 yil 23 avgust kuni Oy sirtiga qo‘nishi rejalashtirilgan.
futurism.com
Qo‘nish 23 avgust kuni tushdan so‘ng amalga oshdi. Shu tariqa Hindiston Oyga apparatini qo‘ndirishga erishgan SSSR, AQSh va Xitoydan keyingi to‘rtinchi davlat bo‘ldi.
|
| |
