|
Jamiyatning tabiatga ta’sirini ortib borishi
|
| bet | 6/11 | | Sana | 16.05.2024 | | Hajmi | 95,52 Kb. | | #236983 |
Bog'liq Turdiyev sardorning-fayllar.orgJamiyatning tabiatga ta’sirini ortib borishi.
Tabiiy muhitning tarkibiy qismlari
|
Jamiyatning tabiatga ta’siri
|
|
Ibtidoiy jamoa davri
|
Qishloq xo‘jalik inqilobi davri
|
Sanoat inqilobi bosqichi
|
Fan-texnika inqilobi davri
|
Ekologik munosabat davri
|
| |
Tog‘ jinslari
|
|
1
|
2
|
3
|
5
|
| |
Relyef
|
|
1
|
2
|
4
|
5
|
| |
Tuproq
|
|
1
|
3
|
4
|
5
|
| |
O‘simlik
|
1
|
2
|
3
|
4
|
5
|
| |
Hayvonlar
|
1
|
2
|
3
|
5
|
5
|
| |
Havo (iqlim)
|
|
1
|
3
|
3
|
5
|
| |
Suv
|
|
1
|
3
|
4
|
5
|
| |
Geotizimlar
|
1
|
1
|
3
|
4
|
5
|
|
Jadvalda ta’sir darajasi: 1 – kuchsiz; 2 – kuchliroq; 3 – kuchli; 4 – juda kuchli, lekin tejamkor; 5 – o‘ta kuchli va qayta tiklash, muhofaza qilish.
4. TABIATDAN FOYDALANISH VA ANTROPOGEN LANDSHAFTLAR
Ko‘pchilik olimlar tomonidan antropogen landshaftshunoslikning asoschisi deb e’tirof etilgan F.N. Milkov fikricha antropogen landshaftlar deb «inson tomonidan yangitdan yaratilgan landshaftlarni ham, inson ta’sirida har qanday komponenti, jumladan o‘simligi, hayvonot dunyosi ham tubdan o‘zgartirilgan tabiiy komplekslarga aytiladi» (Milkov, 1973). Bu yerda shu narsani alohida ta’kidlash lozimki, inson tomonidan yaratilgan har qanday kompleks emas, balki rivojlanishida tabiiy qonuniyatlarga bo‘ysunadigan komplekslargina antropogen landshaftlarni hosil qiladi. “Landshaftlar muhofazasi” deb nomlangan izohli lug‘atda (rus tilida) antropogen landshaftlar “xususiyatlari inson faoliyati natijasida yuzaga kelgan landshaftlardir va ular o‘zining tabiiy ta’riflarini saqlab qolgan taqdirda ham o‘zida madaniy o‘simliklar, o‘zgargan tuproq xususiyatlari, yer osti va yer usti suvlari rejimi ko‘rinishida” antropogen “mazmun kasb etgan bo‘ladi” deb izohlangan. Bunday holda Yer yuzasida tarqalgan landshaftlarning ko‘pchiligi antropogen landashftlar qatoriga mansub. Ta’kidlash lozimki, antropogen landshaftlar tabiiy sifatlaridan tashqari yangi ijtimoiy sifatlarga ega bo‘ladi.[10]
Antropogen landshaftshunoslik nisbatan yangi ilmiy yo‘nalish bo‘lganligi tufayli unda hanuzgacha yechimini topmagan muammoli va munozarali masalalar talaygina. Shulardan biri qaysi landshaft qay darajada antropogenlashgan va ularni antropogen landshaftlar deb atash mumkin yoki tabiiy landshaft qachon antropogen landshaftga aylanadi, tabiiy landshaftlarni antropogen landshaftlarga aylantirilishi uchun komponentlar qanday o‘zgartirilishi lozim kabi savollardir.
Yuqoridagi savollarga javob berish uchun landshaft komponentlarining teng kuchli yoki noteng kuchli ekanligini aniqlash lozim. Ko‘pchilik tadqiqotchilar landshaft komponentlarini teng kuchli yoki teng ahamiyatli deb hisoblaydi. F.N. Milkov komponentlarning landshaft hosil qiluvchi omil sifatidagi ahamiyatini teng deb hisoblaydi. Shu sababli landshaftni tubdan o‘zgartirish uchun uning barcha komponentlarini o‘zgartirish shart emas. Landshaftni o‘zgartirish uchun uning komponentlaridan birini o‘zgartirish yetarlidir. Biror bir komponentning o‘zgarishi moddiy sismetadagi o‘zaro aloqalarning buzilishiga olib keladi va zanjirsimon tarzda boshqa komponentlarni va pirovardida butun landshaftni o‘zgarishiga, landshaftning yangi xilining vujudga kelishiga olib keladi. Shu narsani alohida ta’kidlash lozimki, vujudga kelgan yangi landshaft komponentlari orasidagi aloqalar inson tomonidan boshqarilib turiladi.
Inson tomonidan yaratilgan antropogen landshaftlar tabiiy landshaftlardan ko‘p jihatlari bilan farq qiladi. Antropogen landshaftlar uchun biologik aylanma harakat, suv–issiqlik balansi, tuproq jarayonlari, jonli organizmlarning soni va turlar tarkibining qayta tuzilishi xosdir. Antropogen landshaftlarning o‘zgarishi tub tabiiy landshaftlarning o‘z–o‘zidan rivojlanishiga nisbatan ancha tezroq sodir bo‘ladi. Antropogen landshaftlarning bu xususiyati ulardan foydalanish jarayonida bir tomondan noxush o‘zgarishlarga jiddiy e’tibor berishni, boshqa tomondan esa qisqa vaqt davomida (bir avlod hayoti davomida) landshaftlarni tartibga solib turish va qayta tuzish imkoniyatlari mavjudligini ko‘rsatadi.
Antropogen landshaftlar tabiiy landshaftlardan eng avvalo vujudga kelgan sharoitlariga ko‘ra farq qiladi; ular insonning faol aralashuvi natijasida shakllanadi. Shu sababli antropogen landshaftni inson tomonidan yaratilgan tabiiy – xo‘jalik kompleksi sifatida qarash lozim. Darhaqiqat, antropogen va tabiiy landshaftlar orasida ularning vujudga kelishi va rivojlanishi tabiiy omillar bilan bir qatorda insonning faoliyati (antropogen omil) turadi. Demak, har qanday antropogen landshaft – tabiiy landshaftlarning ham tabiiy omillar, ham antropogen omillar ta’siri ostida o‘zgarishining (dinamikasining) mahsulasidir. Ularning rivojlanishi inson o‘zining ishlab chiqarish maqsadlarida foydalanadigan tabiiy qonuniyatlarga bo‘ysunadi. Antropogen landshaftlarda tabiiy jarayonlarning yo‘nalishi va tezligi maqsadli ravishda o‘zgartiriladi. A.M. Ryabchikov (1972) ta’kidlaganidek, har qanday o‘zgargan, o‘zgartirigan va hatto sun’iy landshaft ham tabiiy landshaft asosida va uning chegaralarida vujudga keltiriladi. Antropogen omillar ta’siridao‘zgarish jarayonida landshaftda yangi tuzilma va yangi sifat hosil bo‘ladi. Ular inson tomonidan doimo quvvatlanib turganligi sababli vujudga kelgan landshaftlar tub tabiiy landshaftlarga nisbatan ancha tez rivojlanadi. Chunki, yuqorida aytilganidek, antropogen landshaftlar ham tabiiy, ham antropogen omillarning birgalikdagi ta’siri ostida rivojlanadi. Ammo shunga qaramasdan antropogen landshaft tub tabiiy landshaft kabi o‘zining genetik (vujudga kelishiga ko‘ra) bir xilligini ham zonal, ham nozonal jihatdan saqlab qoladi va qaysi zona (yoki balandlik mintaqasi)da vujudga kelgan bo‘lsa, shu zonaning tabaqalashuv qonuniyatlariga bo‘ysunadi.
Tabiiy sharoit va antropogen landshaftlar orasida muayyan bog‘lanish mavjud: muayyan landshaftning rivojlanish imkoniyatlari tabiatning xususiyatlari orqali qat‘iy “nazorat” qilinadi. Faqat tabiiy resurslar ma’lum turlarining yoki qulay tabiiy sharoitning mavjudligi tabiatdan foydalanishning muayyan bir turi uchun o‘ziga xos landshaftlarni shakllanishiga olib keladi, ya’ni tabiiy landshaftning dastlabki tuzilmasiga inson tomonidan kiritiladigan o‘zgarishlarning umumiy yo‘nalishi tabiatning o‘zi tomonidan belgilab qo‘yiladi. Bir xil tabiiy sharoitlarda vujudga kelgan antropogen landshaftlar mintaqalar, kontinentlar va mamlakatlar bo‘yicha sezilarli holda tabaqalashadi. Bunda sotsial – iqtisodiy sharoitlar va tarixiy omil muhim ahamiyatga ega. Binobarin, landshaftning resurslik xususiyati ishlab chiqarish kompleksining vujudga kelishi uchun sharoit yaratishini doimo yodda tutish lozim.
Tabiiy resurslar va ularning hududiy joylanishi tabiiy muhit tabaqalashuvining umumiy qonuniyatlariga bo‘ysunadi. Shu sababli tabiiy resurslarning miqdor va sifat ko‘rsatkichlari landshaft chegaralaridan o‘tganda odatda o‘zgaradi va tabiiy landshaftlarning chegaralari doirasida muayyan turdagi antrpogen landshaft hosil bo‘ladi.
Landshaftlarning antropogen o‘zgarishi muayyan hududda inson band etgan kundan hozirgi kunga qadar bo‘lgan davrdagi tabiat va jamiyat o‘zaro ta’sirining murakkab tarixiy jarayonidir. Shu sababli antropogen landshaftlarni o‘rganishda ularning vujudga kelishi va rivojlanishining sotsial – tarixiy sharoitlarini ham e’tiborga olmoq zarur. Landshaftlarning o‘zgarishi ma’lum darajada aholining zichligiga ham bog‘liq. Ya’ni aholi zichligi qancha katta bo‘lsa, landshaftlarning tuzilmasida shunchalik katta o‘zgarishlar bo‘ladi. [8]
Sh.S.Zokirovning (1998) ta’biricha, inson faoliyati ta’sirida landshaftlarning o‘zgarish darajasi, miqyosi va jadalligi turlicha bo‘ladi. Bu bir tomondan landshaftlarning o‘zgarish darajasi o‘ziga xos tabiiy xususiyatlar bilan bog‘liq bo‘lsa, ikkinchi tomondan insonning landshaftga ta’sir etish sajiyasi bilan bog‘liqdir. Landshaftlarning tabiiy xususiyatlari, ya’ni o‘z–o‘zini boshqarish va qayta tiklanish xususiyatining kuchli yoki kuchsizligi, tashqi kuchlar (shu jumladan, inson faoliyati ham) ta’siriga chidamligi yoki chidamsizligi turli landshaftlarda har xil bo‘ladi. Shu bilan birga, inson faoliyati ham turlichadir. Masalan, inson landshaftlarga tog‘-konchilik sharoitida boshqa xil, dehqonchilik, chorvachilik, o‘rmon xo‘jaligi sharoitlarida esa boshqacharoq ta’sir etadi. Natijada xilma–xil antropogen landshaftlar tarkib topadi va shu sababli ularni tasniflash zaruriyati tug‘iladi.
Antropogen landshaftlar asosiy xususiyatlarining tub tabiiy landshaftlarning xususiyatlariga bog‘liqligi antropogen landshaftlarni tasniflashda va ularning kartalarini tuzishda birinchi navbatda ularning tabiiy belgilarini e’tiborga olishni taqoza etadi.
Antropogen landshaftlarni tasniflashda K.A. Drozdov (1988) taklif etgan quyidagi 5 ta qoidaga rioya qilinishi lozim:
1. Antropogen landshaftlar tasnifi har xil belgilarga asoslanishi mumkin (xo‘jalikdagi ahamiyati, vujudga kelishi, o‘z – o‘zini boshqara olish darajasi va boshqa mezonlarga ko‘ra). Ammo o‘simlik va hayvonot tasnifiga ko‘ra har bir muayyan landshaftning invarianti (ya’ni landshaftlarning tabiiy va antropogen omillar ta’siri ostida o‘zgarishi jarayonida o‘zgarmay qoladigan xususiyatlari)ni hisobga olish;
2. Asosiy tasnif bir vaqtning o‘zida ham antropogen, ham tabiiy komplekslarni hisobga olib, ularni keskin ajratib qo‘ymasligi;
3. Tasnif fatsiyalar uchun alohida, urochishelar uchun alohida va boshqa komplekslar uchun alohida bajarilishi lozim;
4. Har bir tasnif birligini ajratishda bir vaqtning o‘zida ikkita (ham geologik–geomorfologik, ham bioiqlimiy) belgilardan foydalanish;
5. Fatsiyalar tasnif qilinayotganda barcha birliklarga (bo‘lim, sinf, oila va b.) bo‘lishini belgilash kerak.
F.N.Milkov barcha antropogen landshaftlarni sinflarga bo‘lib olishni tavsiya etadi. Bunda asosiy belgi sifatida inson faoliyatining turi va landshaftlarda qay darajada aks etganligi hisobga olinish lozim (2– jadval). Shu mezon va bog‘liqlik asosida F.N.Milkov qishloq xo‘jalik landshaftlari, seliteb landshaft, sanoat landshaftlari kabi 8 xil landshaft sinfini ajratadi.
2-Jadval
|
| |
