Evo, UzNet, Sarkor Telecom, Sharq Telecom, TPS, ARS Inform,
Cron Telecom, Comnet va boshqalar.
Internet tarmogʻi xizmatlari va ulardan foydalanish.
Internet tarmogʻi abonentlariga amaliy protokollar tomonidan
taqdim etiluvchi funksional imkoniyatlar quyidagilar: veb-
hujjatlarni oʻqish, elektron pochta, fayllarni uzatish va qabul qilish,
muloqatda boʻlish, tarmoqda hujjatlarni saqlash va ular bilan
ishlash. Foydalanuvchilar uchun quyidagi xizmatlar mavjud:
tarmoqdan foydalanish, internet resurslarini yaratish, tashkiliy va
axborot ta’minoti, tarmoqda reklamani joylashtirish.
Katta hajmdagi ma’lumotlarni saqlash va ularni masofadagi
kompyuterlarga uzatish uchun xizmat qiluvchi internetning FTP
(fayllarni uzatish protokoli) xizmatidan foydalanish mumkin.
Bunda FTP serverda yangi papka yaratish, unga ma’lumotlarni
joylashtirish va ularni qayta koʻchirib olish mumkin. WWW
xizmatida masofadan suxbatlashish imkoniyatini yaratuvchi chat
dasturlari, uzoq masofadagi doʻstlar bilan suxbatlashishda
telefon aloqasi oʻrnini bosmoqda. Buning uchun internetga
bogʻlangan kompyuterda tovush karnaylari, hamda mikrofonlar
boʻlishi kifoya.
