bu jarayonning uzoq vaqt davom etishiga yoki generatsiya
qilaolmasiligiga ishora boʻladi.
Login va parolni oʻgʻirlash – bu foydalanuvchilarning mahfiy
ma’lumotlari boʻlgan login va parollarga ega boʻlish maqsadida
amalga oshiriladigan internet firibgarligining bir turidir. Bu
mashhur brendlar, masalan, ijtimoiy tarmoqlar, banklar va boshqa
servislar nomidan elektron xatlarni ommaviy joʻnatish yoʻli orqali
amalga oshiriladi. Xatda odatda tashqi koʻrinishi asl saytdan farq
qilmaydigan saytga toʻgʻri ishorat mavjud boʻladi. Bunday saytga
tashrif buyurgan foydalanuvchi firibgarga akkauntlar va bank hisob
raqamlariga kira olishga ega boʻlishga imkon beruvchi muhim
ma’lumotlarni bildirishi mumkin. Fishing–ijtimoiy injeneriyaning
bir turi boʻlib, foydalanuvchilarning tarmoq xavfsizligi asoslarini
bilmasligiga asoslangan. Jumladan, koʻpchilik oddiy faktni
bilishmaydi: servislar qayd yozuvingiz ma’lumotlari, parol va shu
kabi ma’lumotlarni yuborishni soʻrab hech qachon xat yubormaydi.
