78
18. Tuproq ko’tarmasining ta'miri yoki kuchaytirilishini va uni qaytadan qurilishini
liniyalarni tezyurar harakat joriy qilishga tayyorlashda o’tkaziladigan yo’lni tub va o’rta hajmda
ta'mirlash ishlari kompleksi yoki boshqa ishlar bilan birga qo’shib amalga oshirish zarur.
19. Joriy saqlash tartibida bajariluvchi tuproq ko’tarmasining tub ta'miri va uni qaytadan
qurilishi bo’yicha barcha ishlar, maydalaridan tashqari, muhandis-geologiya tadqiqotlari
natijalariga asosan tuziluvchi maxsus ishlab chiqilgan loyihalar bo’yicha amalga oshirilishi
kerak. Liniyalarning muhandis-geologiya tadqiqotlari to’g’risidagi hisobotlarda tuproq
ko’tarmasi har bir ob'ekti poezdlarning tezyurar harakatini amalga oshirishda ishonchlilik
xulosasi bilan birga baholanadi.
20. Tuproq ko’tarmasini kuchaytirishda:
uning ko’ndalang kesimlarini umumiy va mahalliy barqarorlik hamda ballast qatlamini
yo’l yoqasi enini kamida 0,5 m qilib saqlagan holda joylashtirish bo’yicha;
temir yo’ldan yuzaki va tuproq suvlarni yil bo’yi davom etadigan kafolatlangan
chetlashtrishini ta'minlash bo’yicha;
yilning hamma mavsumlarida asosiy maydonchaning ko’tarib turuvchi qobiliyatini
kafolatlovchi himoya qatlamlarini yaratish bo’yicha;
tuproq ko’tarmasi sathidan suvlarni (atmosfera yog’in-sochinidan, bahoriy qor erishidan)
tezlik bilan oqib ketishiga xalaqit beruvchi to’planib qolgan cho’p-xaslarni olib tashlash bo’yicha
ishlar bajarilishi kerak.
21. Tuproq ko’tarmasini tub ta'mirlashda:
asosiy maydoncha deformasiyalarini, shuningdek ballast toq’oralari, lojalari, qoplari
shaklidagi ballast chuqurliklarini bartaraf etish bo’yicha;
yo’l yuqori tuzilishi barqarorligi va kontakt tizimi tayanchlari mustahkamliligini
pasaytiruvchi cho’kishlarni bartaraf etish bo’yicha;
muqaddam toshib chiqish va o’pirilishlar ro’y bergan joylarda, temir yo’l chetidagi
qiyalik ko’tarmasi va o’yilgan joylarining shuningdek, muhandislik-geologiya prognozlariga
ko’ra ular yuzaga kelishi mumkin bo’lgan joylarda umumiy va mahalliy barqarorlikni ta'minlash
bo’yicha;
tuproq ko’tarmasini fizika-geologiya jarayonlari noqulayliklari namoyon bo’lishidan,
shuningdek o’pirilishlar, qoya qulashlari, qor ko’chishlari, yuvib ketishlardan himoya qilinishini
ta'minlash bo’yicha ishlarni amalga oshirish kerak.
22. Muhandis-geologiya tadqiqotlarida (issiqlik tizimilari, magistral quvurlari, qurilgan
yoki qurilayotgan to’g’onlar, sanoat suvlari tindirgichlari, turli vazifali kotlovanlar va boshqa
ob'ektlar)ning avariya holatlarida tuproq ko’tarmasi butunligiga xavf solushi mumkin bo’lgan
xo’jalik va sanoat ob'ektlari hamda ularning kommunikasiyalari aniqlanishi kerak. Muhandis-
geologiya tadqiqotlari to’g’risidagi xulosada bunday ob'ektlar foydalanishida buzish ta'sirlarini
kuzatish, shuningdek ularda avariya holatlari yuzaga kelishida oldini olish choralari va nazorat
qilish uslublari ko’rsatilishi kerak. Tuproq ko’tarmasi shikastlanishlari oqibatlari qayta tiklash
ishlarida zudlik bilan bartaraf etilishi lozim.
23. Yo’l ko’ndalang profilini mavjud belgilarni pasaytirib loyihalashda yo’l
o’tirishlarining yuzaga kelishi imkoniyati tekshirilishi kerak, ularni paydo bo’lish ehtimoli
mavjud bo’lsa, loyihada deformasiyaga yo’l qo’ymaslik chora-tadbirlari nazarda tutilishi kerak.
24. Bir yoki ikkita yo’lni yangi trassaga olib o’tish bilan qayta qurilayotgan temir yo’l
uchastkalarida tuproq ko’tarmasi "1520 mm enli yo’llarning tuproq ko’tarmasini loyihalash
bo’yicha idoraviy texnik ko’rsatmalar" talablariga muvofiq loyihalashtiriladi.
