• 2-§. Elektr energiyasi uchun ikki stavkali tarif iste’molchilari bilan hisob-kitoblar qilish
  • 3-§. Elektr energiyasi uchun bir stavkali tarif iste’molchilari bilan hisob-kitoblar qilish
  • 4-§. Elektr energiyasi uchun xususiy uy-joy mulkdorlari shirkatlari, turar joylar va aholi punktlarining kommunal-ekspluatatsiya tashkilotlari hamda turar
  • O’zbekiston respublikasi vazirlar mahkamasining qarori 22. 08. 2009 y. N 245




    Download 459.76 Kb.
    bet3/8
    Sana15.03.2017
    Hajmi459.76 Kb.
    1   2   3   4   5   6   7   8

    1-§. Elektr energiyasi uchun hisob-kitob

    qilishning umumiy qoidalari
    52. Bevosita hududiy elektr tarmoqlari korxonalarining elektr tarmoqlaridan hamda iste’molchilar yoki subiste’molchilar elektr tarmoqlari orqali uzatilayotgan elektr energiyasi uchun iste’molchilar bilan hisob-kitoblar elektr energiyasining belgilangan tartibda tasdiqlangan tegishli tariflari bo’yicha elektr ta’minoti shartnomasiga asosan amalga oshiriladi.

    Elektr energiyasining barcha iste’molchilari (maishiy iste’molchilardan tashqari) hududiy elektr tarmoqlari korxonalari bilan birgalikda har oyda, hisob-kitob davri tamom bo’lgandan keyin besh kun mobaynida, foydalanilgan elektr energiyasi uchun o’zaro hisob-kitoblarning taqqoslash dalolatnomasini tuzishlari shart. (O’zR VM 01.11.2013 y. 295-son Qaroriga muvofiq kiritilgan xatboshi)


    53. Elektr energiyasi uchun hisob-kitob qilish maqsadida iste’molchilarning tarif guruhlari bo’yicha taqsimlanishi Elektr va issiqlik energiyasi iste’molchilarining tarif guruhlari to’g’risidagi Nizomga muvofiq belgilanadi.

    Hududiy elektr tarmoqlari korxonasi bilan elektr ta’minoti shartnomasi tuzilgandan keyin iste’molchining aybi bilan iste’molchini tegishli bo’lmagan tarif guruhiga kiritish holati aniqlangan taqdirda shartnoma tuzilgan paytdan boshlab elektr ta’minotining butun davri uchun, biroq da’vo muddatidan ortiq emas, foydalanilgan elektr energiyasi uchun qayta hisob-kitob qilish. (O’zR VM 01.11.2013 y. 295-son Qaroriga muvofiq kiritilgan xatboshi)


    54. Elektr energiyasiga tariflar bir stavkali va ikki stavkaliga bo’linadi. Bunda:

    bir stavkali tarif iste’molchiga yetkazib berilgan har bir kVt soat elektr energiyasi uchun haq to’lashdan;

    ikki stavkali tarif yagona elektr energiyasi tizimining eng katta yuklamasida ishtirok etuvchi, buyurtma berilgan har bir kVt quvvat uchun (asosiy to’lov) va yetkazib berilgan elektr energiyasining har kVt soati uchun iste’molchi tomonidan haq to’lashdan (qo’shimcha to’lov) iborat bo’ladi.
    55. Elektr energiyasi uchun hisob-kitob qilishda, iste’molchida ko’p tarifli hisobga olish pribori mavjud bo’lgan taqdirda, belgilangan tartibda tasdiqlangan tabaqalashtirilgan tarif qo’llanishi mumkin. Tabaqalashtirilgan tarif sutkaning quyidagi davrlarida iste’mol qilingan har bir kVt.soat elektr energiyasi uchun haq to’lashdan iborat bo’ladi:

    yarim tig’iz davr - asosiy tarif (sutkaning yorug’ vaqti);

    tig’iz davr - eng yuqori tarif (yagona energiya tizimining eng katta yuklamali vaqti - ertalabki va kechki "eng katta miqdor");

    tungi davr - imtiyozli tarif (sutkaning qorong’i vaqti).

    Asosiy tarif (T)ning miqdori iste’molchilarning har bir guruhi uchun belgilangan tartibda tasdiqlangan tarifga muvofiq bo’ladi.
    56. Bir necha tarif guruhlariga ega bo’lgan iste’molchilar bilan hisob-kitoblar, har bir tarif guruhiga o’rnatilgan hisobga olish priborlari ko’rsatkichlari bo’yicha amalga oshiriladi.
    57. Elektr energiyasi (quvvati) uchun haq to’lash hududiy elektr tarmoqlari korxonasi yoki iste’molchining o’zi tomonidan yoziladigan to’lov hujjatlari bo’yicha, elektr ta’minoti shartnomasiga muvofiq amalga oshiriladi. (O’zR VM 01.11.2013 y. 295-son Qarori tahriridagi band) (Oldingi tahririga qarang)
    58. Elektr energiyasi iste’molini hisobga olish va nazorat qilishning avtomatlashtirilgan tizimiga ulangan iste’molchilarga elektr energiyasi yetkazib berish oldindan to’langan haq doirasida amalga oshiriladi.
    59. Elektr ta’minoti shartnomalarida (maishiy iste’molchilardan tashqari) hisobot davrida elektr ta’minoti shartnomasida ko’rsatilgan miqdorga nisbatan 5 foizdan ko’p elektr energiyasi iste’mol qilinganda, hisob-kitob davri uchun elektr ta’minoti shartnomasida ko’rsatilgandan ortiq iste’mol qilingan jami hajm uchun belgilangan tarifning 50 foizi miqdorida hududiy elektr tarmoqlari korxonasi foydasiga jarima sanksiyalari to’lanishi ko’zda tutiladi.
    60. Hisobga olishni nazorat qilish priborlari ko’rsatkichlari yozib olinmagan yoki elektr energiyasi va quvvati sarfi to’g’risidagi hisobot shartnomada belgilangan muddatda iste’molchi tomonidan taqdim etilmagan taqdirda hududiy elektr tarmoqlari korxonasi tomonidan elektr energiyasini (shu jumladan aktiv va reaktiv energiyani) va quvvatini iste’mol qilishning shartnomaviy miqdori bo’yicha yoki o’tgan davr uchun elektr energiyasi va quvvati iste’mol qilishning o’rtacha amaldagi miqdori to’g’risidagi ma’lumotlar asosida hisob-kitob qilinadi.

    Bunda hisobga olishning nazorat qilish priborlari ko’rsatkichlari nazorat tartibida yozib olingandan keyin amalda iste’mol qilingan elektr energiyasi va quvvati uchun qayta hisob-kitob qilinadi, bu iste’molchi yoki uning vakilining ishtirokida yoxud ishtirokisiz, belgilangan tartibda amalga oshiriladi.

    (O’zR VM 01.11.2013 y. 295-son Qarori tahriridagi band) (Oldingi tahririga qarang)
    61. Elektr ta’minoti shartnomasi bo’yicha iste’molchi sifatida maishiy iste’mol uchun elektr energiyasidan foydalanuvchi jismoniy shaxs ish ko’rganda, hududiy elektr tarmoqlari korxonasi iste’molchi tomonidan u foydalangan elektr energiyasi uchun haq to’lanmagan taqdirda, elektr ta’minoti shartnomasining bajarilishi bekor qilinishi mo’ljallanayotgan kundan kamida bir oy oldin iste’molchini ogohlantirgan holda, elektr ta’minoti shartnomasi bajarilishini bir tomonlama tartibda rad etishga haqlidir.
    62. To’lov hujjatida xatolar yoki hisobga olish priborlari ko’rsatkichida noaniqliklar aniqlangan taqdirda, iste’molchi hududiy elektr tarmoqlari korxonasiga darhol murojaat qilishi kerak.

    Hududiy elektr tarmoqlari korxonasi, iste’molchi murojaat qilgan kundan boshlab o’n sutkadan kechiktirmay, hisob-kitobni tekshirishi, zarurat bo’lganda esa hisobga olish priborini ko’rikdan o’tkazishi kerak.

    Hisobga olish priborlarini ko’rikdan o’tkazish yoki to’lov hujjatidagi xatoliklar to’g’risida murojaat qilish iste’molchini to’lov hujjatidagi to’lovni belgilangan muddatda to’lash majburiyatidan ozod qilmaydi.

    Agar hisobga olish priborlari ko’rsatkichlaridagi aniqlik chegarasidan og’ishlar mazkur hisobga olish pribori uchun belgilangan aniqlik chegaralaridan ortiq bo’lmasa, bunday chetga chiqishlar yo’l qo’yilishi mumkin bo’lgan chetga chiqishlar deb hisoblanadi.

    Agar to’lov hujjatini tekshirish yoki hisobga olish priborini ko’rikdan o’tkazishdan keyin (shu jumladan, iste’molchi murojaat qilmasa ham) qayta hisob-kitob qilish zarurligi aniqlansa, bunday qayta hisob-kitob hududiy elektr tarmoqlari korxonasi tomonidan elektr energiyasi uchun navbatdagi to’lov hujjatini yozishda amalga oshiriladi.
    63. Iste’molchining (maishiy iste’molchidan tashqari) aybi bilan hisobga olishni nazorat qilish pribori shikastlanishiga (plombasi buzilishiga, oynasining sinishiga va shu kabilarga) yo’l qo’yilgan taqdirda hisobga olishni nazorat qilish pribori ulanishi sxemasini o’zgartirish, hisobga olishni nazorat qilish priboridan tashqari elektr qabul qilgichlarni ulash yoki energiya boshqa usulda o’g’irlangan hollarda hududiy elektr tarmoqlari korxonasi vakili belgilangan shakl bo’yicha qoidani buzish dalolatnomasini tuzadi.

    Ushbu dalolatnoma asosida:

    hisobga olishni nazorat qilish pribori, o’lchov transformatorlari ulanishi va hisobga olishni nazorat qilish priborlaridan tashqari elektr qabul qilgichlar ko’z bilan ko’rib aniqlanmaydigan yashirin yo’l bilan (yashirin elektr simlari, pereklyuchatellar montaj qilinishi va shu kabilar) ulanishi sxemalari o’zgargan taqdirda, - hisobga olishning nazorat priborlari oxirgi almashtirilgan yoki ulanish sxemalari tekshirilgan kundan boshlab, biroq da’vo muddatidan ortiq bo’lmagan muddatda iste’molchi elektr tarmog’idan uzib qo’yiladi va energiya ta’minoti shartnomasida ko’rsatilgan iste’molchining ish soatlari soni hisobga olingan holda elektr qabul qilgichlarning ulangan quvvati bo’yicha hisobga olinmagan elektr energiyasi miqdori qiymati hisob-kitob qilinadi:

    hisobga olishni nazorat qilish pribori iste’molchining aybi bilan shikastlangan (plombasi buzilishiga yo’l qo’yilgan, oynasi singan va shu kabilar) yoki aylanib chiqishda ko’z bilan ko’rib aniqlanadigan energiya boshqa usulda o’g’irlangan taqdirda, oxirgi marta aylanib chiqilgan kundan boshlab, biroq da’vo muddatidan ortiq bo’lmagan muddatda iste’molchi elektr tarmog’idan uzib qo’yiladi va energiya ta’minoti shartnomasida ko’rsatilgan iste’molchining ish soatlari soni hisobga olingan holda elektr qabul qilgichlarning ulangan quvvati bo’yicha hisobga olinmagan elektr energiyasi miqdori qiymati hisob-kitob qilinadi.

    (O’zR VM 01.11.2013 y. 295-son Qarori tahriridagi band) (Oldingi tahririga qarang)
    64. Elektr energiyasi sarfini qayta hisob-kitob qilish iste’molchini elektr energiyasidan foydalanish qoidalarini buzganlik uchun qonun hujjatlarida belgilangan tartibdagi javobgarlikdan ozod qilmaydi.

    Noqonuniy foydalanilgan elektr energiyasini qayta hisob-kitob qilish hududiy elektr tarmoqlari korxonasi tomonidan, ushbu qoidalarda belgilangan tartibda, elektr energiyasidan foydalanish qoidalari buzilishiga yo’l qo’ygan iste’molchi yoki uning vakili ishtirokida yoxud ishtiroksiz amalga oshirilishi mumkin. (O’zR VM 01.11.2013 y. 295-son Qaroriga muvofiq kiritilgan xatboshi)

    Bunda qoida buzish dalolatnomasi rasmiylashtirilgan kundan boshlab uch kun muddatda hududiy elektr tarmoqlari korxonasining qaroriga e’tiroz bildirgan iste’molchining arizasi ko’rib chiqiladi. (O’zR VM 01.11.2013 y. 295-son Qaroriga muvofiq kiritilgan xatboshi)
    65. Elektr energiyasini hisobga olish iste’molchining aybisiz vaqtinchalik buzilganda yetkazib berilgan qilingan elektr energiyasi uchun hisob-kitob hududiy elektr tarmoqlari korxonasining qarori bo’yicha, hisobga olish buzilishiga qadar bo’lgan oldingi hisob-kitob davridagi yoki hisobga olish tiklangandan keyingi davrdagi o’rtacha sutkalik sarf bo’yicha amalga oshiriladi.

    Elektr energiyaning o’rtacha sutkalik sarfi bo’yicha hisob-kitob qilish davri bir oydan oshmasligi kerak, shu vaqt ichida hisobga olish tiklanishi zarur.



    Agar hisobga olish priborini, obyektiv sabablarga ko’ra, ko’rsatilgan muddatda (tok transformatorining, hisobga olish priborining yo’qligi, o’tib bo’lmaydigan yo’llar va shu kabilar tufayli) tiklash imkoniyati bo’lmasa, iste’molchiga yetkazib berilgan elektr energiyasi uchun hisob-kitob qilish tartibi va hisobga olishni tiklash muddati iste’molchi va hududiy elektr tarmoqlari korxonasining ikki tomonlama bitimi bilan belgilanishi kerak.
    66. Hududiy elektr tarmoqlari korxonasi va iste’molchi o’rtasida hisob-kitob qilish uchun aktiv va reaktiv energiyani, shuningdek quvvatni hisobga olish hududiy elektr tarmoqlari korxonasi va iste’molchi tarmoqlarining balans bo’yicha mansublik chegarasida amalga oshiriladi, ushbu Qoidalarning 68-bandida ko’rsatilgan holatlar bundan mustasno.
    67. Hisob-kitob davrida iste’molchilarga yetkazib berilgan elektr energiyasi miqdori va xuddi shu davrda hududiy elektr tarmoqlari korxonasi tomonidan qabul qilingan elektr energiyasi miqdori o’rtasidagi tafovut, "O’zdavenergonazorat" inspeksiyasi tasdiqlagan me’yorlar doirasida ushbu elektr tarmoqlarida uzatish vaqtida ularning isrof bo’lishiga ketgan elektr energiyasi texnologik sarf miqdorini chegirgan holda, hududiy elektr tarmoqlarining davr xarajatlariga o’tkaziladi va yuridik shaxslarning foyda solig’ini hisoblashda chegirilmaydi. (O’zR VM 01.11.2013 y. 295-son Qarori tahriridagi band) (Oldingi tahririga qarang)
    68. Hisobga olish pribori elektr tarmog’ining balans bo’yicha mansublik chegarasida o’rnatilmaganda, elektr tarmog’ining chegarasidan hisobga olish pribori o’rnatilgan joyigacha bo’lgan uchastkadagi elektr energiyasining texnologik sarfining hajmi iste’molchi bilan birgalikda hisoblash yo’li orqali aniqlanadi va elektr tarmog’ining balans bo’yicha mansubligiga qarab hududiy elektr tarmoqlari korxonasining va iste’molchining hisobiga o’tkaziladi.
    69. Elektr energiyasi yagona elektr energetika tizimidan tranzit bo’yicha iste’molchining elektr tarmog’i orqali hududiy elektr tarmoqlari korxonasining elektr tarmog’iga uzatilganda, iste’molchi tarmoqlaridagi elektr energiyasi texnologik sarfining bir qismi, iste’molchining elektr tarmog’iga kelib tushgan elektr energiyasining umumiy miqdoriga nisbatan hududiy elektr tarmoqlari korxonasining elektr tarmog’iga iste’molchi tomonidan uzatilgan elektr energiyasi miqdoriga mutanosib ravishda yagona elektr energetikasi tizimining elektr tarmoqlaridagi texnologik sarflarga o’tkaziladi.
    70. Iste’molchining aybi bilan elektr ta’minoti shartnomasida ko’rsatilgan elektr energiyasi hajmi to’liq iste’mol qilinmagan taqdirda, avans tariqasida to’langan mablag’lar qaytarib berilmaydi va elektr energiyasi uchun keyingi hisob-kitoblarda hisobga olinadi.
    71. Iste’molchining elektr energiyasi (quvvati) uchun, shuningdek jarima sanksiyalari, reaktiv energiya va quvvat kompensatsiyasi uchun tarifga ustamalar, noqonuniy foydalanilgan elektr energiyasi qayta hisob-kitobi va pena bo’yicha qarzi bo’lgan taqdirda uning avans to’lovi hisobiga o’tkazilgan mablag’lari qarzni qoplashga yo’naltiriladi va avans to’lovi (oldindan haq to’lash) sifatida hisobga olinmaydi. (O’zR VM 01.11.2013 y. 295-son Qarori tahriridagi band) (Oldingi tahririga qarang)
    72. Iste’molchi tomonidan foydalanilgan elektr energiyasi uchun hisob-kitob bo’yicha o’zaro hisob-kitoblarni solishtirish dalolatnomasini imzolash rad etilgan taqdirda, qarzni undirish tuzilgan elektr ta’minoti shartnomasiga muvofiq shartnomaviy hajmdan kelib chiqqan holda iste’molchining bankdagi hisob raqamiga to’lov talabnomasi qo’yish yo’li bilan amalga oshiriladi.
    73. Iste’molchi egallab turgan binosidan uni berish, sotish yoki boshqa sabablarga ko’ra ko’chib ketgan taqdirda, u bu haqda hududiy elektr tarmoqlari korxonasini yozma shaklda xabardor qilishi hamda elektr energiyasi uchun ko’chib ketish kunigacha to’liq hisob-kitob qilishi shart, shundan so’ng hududiy elektr tarmoqlari korxonasi obyektga elektr energiyasi yetkazib berishni to’xtatadi. Yangi iste’molchini rasmiylashtirish va elektr qurilmalarini elektr tarmog’iga ulash belgilangan tartibda amalga oshiriladi. (O’zR VM 01.11.2013 y. 295-son Qarori tahriridagi band) (Oldingi tahririga qarang)
    74. Tomonlar, ularning xohish va harakatlariga bog’liq bo’lmagan tabiiy ofatlar yoki ijtimoiy-iqtisodiy vaziyatlar sababli ushbu sharoitlarda qaytarib bo’lmaydigan va oldindan bilib bo’lmaydigan favqulodda holatlarni o’z ichiga olgan yengib bo’lmas kuch (fors-major) oqibatida o’z zimmasiga olingan majburiyatlarni bajara olmasa, tomonlardan hech biri o’z majburiyatlarini to’liq yoki qisman bajarmaganligi uchun javob bermaydi.
    75. Agar ko’rsatilgan fors-major holatlar majburiyatlarning shartnomada belgilangan muddatlarda bajarilishiga ta’sir qilsa, u holda ushbu muddatlar fors-major holatlarning amal qilish, ammo elektr ta’minoti shartnomasining amal qilish muddatidan ko’p bo’lmagan vaqtga uzaytiriladi.
    76. Elektr qurilmalari iste’molchilar tomonidan hududiy elektr tarmoqlari korxonasining elektr tarmoqlariga o’zboshimchalik bilan ulangan taqdirda, elektr qurilmalari elektr tarmog’idan darhol uzib qo’yiladi, iste’molchidan esa ruxsatsiz iste’mol qilingan elektr energiyasining qiymati iste’molchi rasmiy ravishda davlat ro’yxatidan o’tkazilgan kundan boshlab o’tgan vaqt mobaynida (tasdiqlovchi hujjatlar mavjud bo’lganda) yoki da’vo muddati uchun ulangan elektr uskunalarining belgilangan quvvat bo’yicha sutkasiga 24 soat davomida ishlashi hisobidan undiriladi.

    Noqonuniy foydalanilgan elektr energiyasi qiymatini undirish uchun hududiy elektr tarmoqlari korxonasi tomonidan, elektr energiyasidan foydalanish qoidalari buzilishiga yo’l qo’ygan iste’molchi yoki uning vakili ishtirokida yoki ishtirokisiz, belgilangan tartibda qayta hisob-kitob amalga oshiriladi. (O’zR VM 01.11.2013 y. 295-son Qaroriga muvofiq kiritilgan xatboshi)


    O’zR VM 01.11.2013 y. 295-son Qaroriga muvofiq ikkinchi xatboshi uchinchi xatboshi deb hisoblansin
    Bunda ruxsatsiz iste’mol qilingan elektr energiyasi qiymatining haqi to’lanishi elektr energiyasidan foydalanish qoidalarini buzganlik uchun qonun hujjatlarida belgilangan tartibdagi javobgarlikdan ozod qilmaydi. (O’zR VM 01.11.2013 y. 295-son Qarori tahriridagi xatboshi)
    77. Hududiy elektr tarmoqlari korxonasi tuman, shahar, iqtisodiy zona (sanoat zonasi) doirasida elektr energiyasi uchun to’lovni yig’ish funksiyalarini belgilangan tartibda xususiy operatorga o’tkazishi mumkin.

    Elektr energiyasi uchun to’lovni yig’ish funksiyalarini bajaruvchi xususiy operatorlar o’z faoliyatini belgilangan tartibda amalga oshiradilar.



    2-§. Elektr energiyasi uchun ikki stavkali tarif

    iste’molchilari bilan hisob-kitoblar qilish
    78. Ulangan quvvati 750 kVA va undan yuqori bo’lgan sanoat iste’molchilari va ularga tenglashtirilgan iste’molchilar tomonidan ishlab chiqarish ehtiyojlari, ishlab chiqarish va noishlab chiqarish, ammo ishlab chiqarish bilan bog’liq bo’lgan infratuzilma obyektlarini: sexlar, zavod boshqarmalari, omborlar, garajlar va shu kabilar, shuningdek xususiy temir yo’l kirish joylari va korxona hududini yoritish va boshqa ehtiyojlarga, sanoat (zavodning ichki, shaxta, kon va shu kabi) elektr transporti uchun sarflangan elektr energiyasi uchun ikki stavkali tarif bo’yicha haq to’lanadi.
    79. Binolar va xonalarni yoritish uchun hamda ishlab chiqarish bilan bog’liq bo’lmagan uy-joy va ijtimoiy infratuzilmaning boshqa ehtiyojlari uchun sarflanadigan elektr energiyasi uchun sanoat iste’molchilari va ularga tenglashtirilgan iste’molchilar bilan hisob-kitoblar iste’molchilarning tegishli guruhlari uchun belgilangan tariflarga binoan, elektr energiyasini hisobga olish priborlari ko’rsatkichlari bo’yicha amalga oshiriladi.
    80. Iste’molchining sexlari yoki obyektlari tarqoq joylashgan bo’lsa va umumiy taqsimlash elektr tarmog’iga ega bo’lmasa, bu sexlar yoki boshqa alohida obyektlar bilan hisob-kitoblar, iste’molchining o’zi bilan hisob-kitob qilishda qo’llanayotgan tarifdan qat’i nazar, tegishli iste’molchilar guruhlari uchun belgilangan tariflar bo’yicha amalga oshiriladi.
    81. Iste’molchi tomonidan avvaldan buyurtma berilgan, yagona elektr energetika tizimining eng katta yuklamasida ishtirok etadigan quvvat elektr ta’minoti shartnomasida yilning har oy bo’yicha qayd etiladi va hududiy elektr tarmoqlari korxonasi tomonidan hisobga olish priborlarining ko’rsatkichlari bo’yicha aniqlanadigan iste’molchining amaldagi o’rtacha yarim soatlik eng katta yuklamasi bo’yicha vaqti-vaqti bilan nazorat qilinadi.
    82. Yagona elektr energetika tizimining eng katta yuklamali davrida iste’molchining amaldagi yuklamalarini nazorat qilish soatlari hududiy elektr tarmoqlari korxonasi tomonidan oylar bo’yicha belgilanadi va shartnomada qayd etiladi.

    Hududiy elektr tarmoqlari korxonasi yagona elektr energetika tizimining eng katta yuklamali soatlaridagi yuklamani nazorat qilish huquqiga ega.

    Nazorat davrlari ertalab 2 soatdan, kechqurun 3 soatdan oshmasligi kerak. Iste’molchi bilan hududiy elektr tarmoqlari korxonasi o’rtasidagi o’zaro kelishuv bo’yicha nazorat qilish davrlari bir soatga oshirilishi mumkin.
    83. Elektr energiyasi iste’molini hisobga olish va nazorat qilishning avtomatlashtirilgan tizimi bilan birga ishlay oladigan hisobga olish priborlariga yoki yagona elektr energetika tizimining eng katta yuklamali soatlarida yuklamani qayd etadigan hisobga olish priborlariga ega bo’lgan iste’molchilar asosiy to’lovni har oyda, priborlarda qayd etilgan eng katta quvvatning amaldagi miqdori bo’yicha amalga oshiradilar.
    84. Iste’molchining yagona elektr energetika tizimining eng katta kuchlanishli soatlarida amaldagi yuklamasi elektr ta’minoti shartnomasida nazarda tutilgan ko’rsatkichdan 5 foizdan ziyod ortiq bo’lgan taqdirda, hisob-kitob davrining oxirida amaldagi yuklamaning ortiqcha butun qismi uchun qayta hisob-kitob qilinadi va belgilangan tarifning 100 foizi miqdorida qo’shimcha haq undiriladi. (O’zR VM 01.11.2013 y. 295-son Qarori tahriridagi xatboshi)

    Qo’shimcha quvvat haqini to’lash kelgusida har bir aniq holatda hududiy elektr tarmoqlari korxonasidan tegishli ruxsatnoma olmasdan elektr ta’minoti shartnomasida ko’rsatilganga nisbatan ortiqcha quvvatdan foydalanish huquqini bermaydi.


    85. Agar Elektr energiyasi iste’molini hisobga olish va nazorat qilishning avtomatlashtirilgan tizimi bilan birga ishlay oladigan hisobga olish priborlariga yoki yagona elektr energetika tizimining eng katta yuklamali soatlarida yuklamani qayd etadigan hisobga olish priborlariga vaqtincha ega bo’lmagan iste’molchida yagona elektr energetika tizimining eng katta yuklamali soatlarida amaldagi yuklama buyurtma qilingan yuklamadan past bo’lsa, to’lov elektr ta’minoti shartnomasida belgilangan yuklama miqdori bo’yicha amalga oshiriladi.
    86. Iste’molchi sexlarining joylashish sharoitlari va ularning elektr ta’minoti sxemalari bo’yicha eng katta qo’shma yuklamaning jami qiymatini aniqlash mumkin bo’lmasa, hisob-kitoblar iste’molchining har bir ta’minlash manbai bo’yicha alohida, avvaldan buyurtma berilgan quvvat bo’yicha amalga oshiriladi.
    87. Elektr energiyasi uchun ikki stavkali tarif bo’yicha hisob-kitob qiladigan iste’molchi elektr energiyasining bir qismini bir stavkali tarif bo’yicha subiste’molchiga yetkazib bersa, u hududiy elektr tarmoqlari korxonasiga ushbu subiste’molchilarni yagona elektr energetika tizimining eng katta yuklamasida qatnashuvchi yuklamasi qiymatiga kamaytirilgan quvvat miqdori uchun haq to’laydi. Quvvatning kamaytirilishi hisobga olish priborlarining ko’rsatkichlari bo’yicha hisob-kitob qilish yo’li bilan aniqlanadi.

    Subiste’molchining katta yuklamasini qayd qiluvchi hisobga olish priborlari mavjud bo’lmagan taqdirda ularning amaldagi yuklamasi yilning tegishli yil davrlari uchun subiste’molchi kuchlanishining sutkalik jadvallari asosida aniqlanishi va elektr ta’minoti shartnomasida qayd etilishi kerak.



    3-§. Elektr energiyasi uchun bir stavkali tarif

    iste’molchilari bilan hisob-kitoblar qilish
    88. 750 kVA quvvatga ulangan sanoat iste’molchilari va ularga tenglashtirilgan iste’molchilardan tashqari barcha iste’molchilar bir stavkali tarif bo’yicha hisob-kitob qilishadi.
    89. Elektr energiyasidan reklama, chiroqlar bilan bezatish, bino va inshootlarni yoritish uchun foydalanuvchi iste’molchilar, iste’mol quvvatidan qat’i nazar, hududiy elektr tarmoqlari korxonasining ruxsatini olishga va tegishli tarif guruhi bo’yicha hisob-kitob qilishga majburdirlar.

    Elektr energiyasidan xonalarni isitish va issiq suv ta’minoti maqsadida foydalanilganda "O’zdavenergonazorat" DIga boshqa turdagi energiya o’rniga elektr energiyasidan foydalanishni kelishish uchun texnik-iqtisodiy asoslar taqdim etilishi zarur, shahar qurilishi me’yorlari va qoidalarida ko’zda tutilgan ovqat tayyorlash va xonalarni isitish uchun elektr energiyasidan foydalanish holatlari bundan mustasno.

    Isitish va issiq suv ta’minoti maqsadida elektr energiyasidan foydalanishni kelishish tartibi "O’zdavenergonazorat" DI tomonidan belgilanadi.

    4-§. Elektr energiyasi uchun xususiy uy-joy mulkdorlari

    shirkatlari, turar joylar va aholi punktlarining

    kommunal-ekspluatatsiya tashkilotlari hamda turar

    joy va noturar joy fondi binolarining egalari

    bilan hisob-kitoblar
    90. Xususiy uy-joy mulkdorlari shirkatlari va kommunal-ekspluatatsion tashkilotlar umumiy uy-joy ehtiyojlariga foydalaniladigan elektr energiyasi uchun hududiy elektr tarmoqlari korxonasi bilan elektr ta’minoti shartnomasiga asosan elektr tarmog’ining balans bo’yicha mansublik chegarasini hisobga olish nuqtasida o’rnatilgan hisobga olish priborlarining ko’rsatkichlari bo’yicha, belgilangan tarifga muvofiq hisob-kitob qiladilar.
    91. Qabul qilish komissiyasining dalolatnomalariga asosan yangidan foydalanishga topshirilayotgan ko’p kvartirali uy-joylarni o’z balansiga qabul qilib olgan tashkilotlar yoxud quruvchilar ushbu uylarni elektr tarmog’iga ulashga ruxsat olish uchun hududiy elektr tarmoqlari korxonasiga har bir uy-joyda o’rnatilgan Elektr energiyasi iste’molini hisobga olish va nazorat qilishning avtomatlashtirilgan tizimi bilan birga ishlay oladigan hisobga olish priborlari o’rnatish uchun buyurtmanoma taqdim etishi lozim. (O’zR VM 01.11.2013 y. 295-son Qarori tahriridagi xatboshi) (Oldingi tahririga qarang)

    Avvaldan foydalanib kelingan uy-joylarda yoki alohida fuqarolarga xususiy mulk huquqi bilan tegishli bo’lgan uylarda hamda bog’ uchastkalari, shaxsiy avtomashinalar uchun garajlar va shu kabilarda elektr simini ulashga ruxsat olish uchun iste’molchi hududiy elektr tarmoqlari korxonasiga tegishli ariza berishi shart.


    92. Uy-joylarning elektr uskunalari va elektr tarmoqlarini ekspluatatsiya qilish uchun ijozat berish ular ekspluatatsiya qiluvchi tashkilot tomonidan belgilangan tartibda qabul qilingandan va tegishli hujjatlar rasmiylashtirilgandan keyin amalga oshiriladi.
    93. Hududiy elektr tarmoqlari korxonasi turar joy va noturar joy fondi binolarining egalari va ijarachilar (yuridik shaxslar yoki yuridik shaxs tashkil etmasdan tadbirkorlik faoliyatini amalga oshiruvchi jismoniy shaxslar) bilan elektr ta’minoti shartnomasi tuzadi va ularga shaxsiy hisob raqamlari ochadi.

    Bir xususiy uy-joy mulkdorlari shirkati bir necha shirkatlarga bo’lingan yoki va bino vaqtincha turar joy va noturar joy fondiga tegishli bo’lmagan taqdirda muayan uy-joy mulkdoriga hududiy elektr tarmoqlari korxonasi, mahalliy davlat hokimiyati organlari bilan kelishgan holda, uyning umumiy ehtiyojlari uchun foydalaniladigan elektr energiyasini yetkazib berishni to’xtatadi.

    (O’zR VM 01.11.2013 y. 295-son Qarori tahriridagi band) (Oldingi tahririga qarang)
    94. Shaxsiy hisob raqamini boshqa iste’molchiga qayta rasmiylashtirish hamda hisobga olish priborlarini ko’chirish faqat hududiy elektr tarmoqlari korxonasining ruxsati bilan amalga oshiriladi.

    Ilgari elektr tarmog’iga ulangan turar joy va noturar joy fondi binosiga ko’chib kirgan yangi egasi 5 kun mobaynida hududiy elektr tarmoqlari korxonasi bilan elektr ta’minoti shartnomasini tuzishi va shaxsiy hisob raqamini o’z nomiga rasmiylashtirishi shart. Shaxsiy hisob raqami ko’rsatilgan muddatda rasmiylashtirilmasa to’lov to’lanmaganligi uchun butun javobgarlik turar joy va noturar joy fondi binosining yangi egasi zimmasiga yuklanadi.

    Maishiy iste’molchilarga tegishli bo’lgan uy-joylar, turar joy va noturar joy fondi xonalarining oldi-sotdi shartnomalarini ro’yxatdan o’tkazish hamda ularning hisob raqamlarini boshqa iste’molchiga qayta rasmiylashtirish faqat elektr energiyasi uchun qarzdorlik mavjud emasligi to’g’risida belgilangan namunadagi ma’lumotnomalar bor bo’lgan taqdirdagina amalga oshiriladi. (O’zR VM 31.12.2014 y. 377-son Qarori tahriridagi xatboshi) (Oldingi tahririga qarang)

    (O’zR VM 01.11.2013 y. 295-son Qarori tahriridagi band) (Oldingi tahririga qarang)


    95. Hududiy elektr tarmoqlari korxonasi turar joy va noturar joy fondi binolarining egalari bilan elektr energiyasi uchun hisob-kitoblarni, turar joy va noturar joy binolarini ijarachilarga (yuridik shaxs bo’lgan ijarachilar bundan mustasno) yoki yollovchilarga topshirishidan qat’i nazar, umumiy hisobga olish pribori bo’yicha amalga oshiradi.

    Ijarachilar bilan yollovchilar o’rtasidagi o’zaro hisob-kitoblar bo’yicha nizolar belgilangan tartibda ko’rib chiqiladi.


    96. Kommunal xonadonda bir nechta oila yashaganda hisob-kitob davrida iste’mol qilingan elektr energiyasini alohida oilalar o’rtasida taqsimlash nazorat hisobga olish priborlarining ko’rsatkichlari bo’yicha amalga oshiriladi.

    Nazorat hisobga olish priborlarini o’rnatish uchun hududiy elektr tarmoqlari korxonasining ruxsati talab qilinmaydi.

    Nazorat hisobga olish priborlarining to’g’ri ishlashini nazorat qilish, ularning ko’rsatkichlarini yozib olish va elektr energiyasi uchun o’zaro hisob-kitoblarni amalga oshirish majburiyatlari yashovchilarning zimmasiga yuklanadi.

    Umumiy foydalaniladigan joylarda iste’mol qilingan elektr energiyasi miqdori alohida oilalar o’rtasida amalda yashovchilarning soni bo’yicha taqsimlanadi.

    Hududiy elektr tarmoqlari korxonasi elektr energiyasidan umumiy hisobga olish pribori orqali foydalanuvchi fuqarolar o’rtasida hech qanday hisob-kitoblarni amalga oshirmaydi.
    97. Elektr energiyasi uchun to’lov hujjatlari bo’yicha o’z vaqtida haq to’lash, turar joy va noturar joy fondi binosidagi hisobga olish priborining saqlanishi va butligini ta’minlash borasida mazkur Qoidalarga rioya qilinishi uchun javobgarlik turar joy va noturar joy fondi binosining egasi zimmasiga yuklanadi.
    98. Hisobga olish priborlari zinapoya maydonchalarida o’rnatilgan taqdirda ularning saqlanishi va butligi uchun xususiy uy-joy mulkdorlari shirkati hamda uy-joy tasarrufida bo’lgan idora, tashkilot javob beradi.

    Zinapoya maydonchalarida o’rnatilgan hisobga olish priborlari shikastlangan yoki o’g’irlangan taqdirda xususiy uy-joy mulkdorlari shirkati va idora, tashkilot ularni o’z hisobidan tiklashi shart.


    99. Xususiy uy-joy mulkdorlari shirkati, uy-joy mulkdorlari va turar joylardagi hamda boshqa binolardagi xonalarni ijarachilarga yuridik shaxslarga yoki yuridik shaxs tashkil etmasdan tadbirkorlik faoliyatini amalga oshiruvchi jismoniy shaxslarga ijaraga beruvchi boshqa tashkilotlar hududiy elektr tarmoqlari korxonasining ruxsatisiz ijarachilarga tegishli bo’lgan elektr qurilmalarini (elektr energiyasidan foydalanish maqsadlaridan qat’i nazar) uyning ichki elektr tarmoqlariga ulash huquqiga ega emas. (O’zR VM 01.11.2013 y. 295-son Qarori tahriridagi band)
    100. Ijarachilar yuridik shaxslarga yoki yuridik shaxs tashkil etmasdan tadbirkorlik faoliyatini amalga oshiruvchi jismoniy shaxslar turar joy va noturar joy fondi binosining egasi bilan shartnoma tuzilgandan keyin uch kun muddatda ijaraga olingan binoda elektr energiyasidan foydalanish bilan bog’liq masalalarni hal etish uchun hududiy elektr tarmoqlari korxonasiga murojaat qilishi shart. (O’zR VM 01.11.2013 y. 295-son Qarori tahriridagi xatboshi)

    Ijarachi binodan ko’chib ketadigan bo’lsa, turar joy va noturar joy fondi binosining egasi ijarachidan hududiy elektr tarmoqlari korxonasining u ko’chib ketish kunigacha elektr energiyasi uchun hisob-kitobni amalga oshirganligi haqidagi ma’lumotnomani talab qilishi shart. Ko’chib ketgan ijarachilarning elektr energiyasi uchun qarzlari bo’yicha javobgarlik ijaraga beruvchi zimmasida bo’ladi.


    101. Hududiy elektr tarmoqlari korxonasi bilan bo’linish chegarasidan iste’molchilargacha bo’lgan umumiy uy-joy elektr tarmoqlarining uzluksiz elektr ta’minoti bilan bog’liq bo’lgan texnik holatini ta’minlash va ularga xizmat ko’rsatish uchun hududiy elektr tarmoqlari korxonasi bilan shartnoma tuzgan xususiy uy-joy mulkdorlari shirkati va kommunal-ekspluatatsiya tashkilotlari javob beradi.
    1   2   3   4   5   6   7   8


    Download 459.76 Kb.

    Bosh sahifa
    Aloqalar

        Bosh sahifa


    O’zbekiston respublikasi vazirlar mahkamasining qarori 22. 08. 2009 y. N 245

    Download 459.76 Kb.