Chet davlatlarning avtotransport vositalari Oʻzbekiston Respublikasi hududiga kirayotganda
va uning hududi orqali tranzit oʻtayotganda soliq bazasi hisoblanadi.
OʻzR 29.12.2021-y. OʻRQ-741-son
Qonuniga
muvofiq 459-modda chiqarib
tashlangan
459-modda. Soliq imtiyozlari
Avtotransport vositalarini sotib olish va (yoki) Oʻzbekiston Respublikasi hududiga
vaqtinchalik olib kirish uchun yigʻimni toʻlashdan quyidagilar ozod qilinadi:
1) ishlab chiqaruvchi zavod tomonidan qoʻl bilan boshqarishga moslashtirilgan yengil
avtomobilni va (yoki) motoaravachani sotib oluvchi barcha guruhlardagi nogironligi boʻlgan
shaxslar;
2) yaqin qarindoshlaridan hadya shartnomasi yoki meros
asosida avtomobillar va
motoaravachalar oluvchi fuqarolar;
3) faoliyatining asosiy turi yoʻlovchilar tashish boʻlgan, qonunchilikka muvofiq yoʻlovchilar
tashish uchun belgilangan namunadagi litsenziyaga ega boʻlgan avtomobil transporti korxonalari
- yoʻlovchilar tashishni amalga oshiruvchi transport vositalari boʻyicha (yengil avtomobillar va
yoʻnalishli taksilardan tashqari); (OʻzR 21.04.2021-y. OʻRQ-683-son Qonuni tahriridagi band)
4) yuridik shaxslar - qirq tonnadan ortiq yuk koʻtaradigan, sotib olingan kon
avtosamosvallari boʻyicha;
5) homiylik (begʻaraz) yordami sifatida avtomobillarni olgan (sotib olgan)
bolalar uylari,
ixtisoslashtirilgan maktab-internatlar, nogiron bolalar uchun markazlar,
qariyalar va kichik
yoshdagi nogironlar uchun internat-uylar, shuningdek budjet hisobidan moliyalashtiriladigan
tibbiyot muassasalari;
6) yuridik shaxslar - avtotransport vositalarini bitta tizim (davlat va xoʻjalik
boshqaruvi
organi) ichida balansdan balansga bepul oʻtkazish chogʻida;
7) qayta tashkil etish natijasida avtotransport vositasini olgan huquqiy voris;
8) avtotransport vositalarini ushbu moddaning 3 va 4-bandlarida koʻrsatilgan yuridik
shaxslarga lizingga berish uchun
oluvchi lizing beruvchilar;
9) faqat elektr dvigatel orqali harakatga keltiriladigan avtomototransport vositalarini sotib
oluvchi va (yoki) ularni Oʻzbekiston Respublikasi hududiga vaqtincha olib kirishni amalga
oshiruvchi shaxslar. (OʻzR 14.09.2021-y. OʻRQ-714-son Qonuniga muvofiq kiritilgan band)
