Unit 10
Periferiyadagi payvandlash robotlari.
Reja:
1. Payvandlash roboti va uning strukturasi.
2. Payvandlash robot texnikasining tasnifi.
3. Avtomatik payvandlash uchun qurilmalar.
1. Payvandlash roboti va uning strukturasi.
Ishlab chiqarishni mexanizasiyalash va avtomatlashtirishda oqimli va avtomatik liniyalar, shuningdek har xil maxsus qurilma va moslamalar qo‘llanilib, bular asosan ko‘p seriyali ishlab chiqarishda ishlatiladi. Lekin payvandlanadigan buyumlar asosiy qismi seriyali miqdorda ishlab chiqariladi. Bunday sharoitda an’anaviy usullar bilan kompleks mexanizasiyalash va avtomatlashtirish qiyinchilik tug‘diradi, buning natijasida esa ish unumdorligi pasayadi, qo‘l mehnati esa ko‘payadi. Yig‘ish-payvandlash ishlarida robot texnikasini qo‘llash bilan qo‘l mehnatini qisqartirishga erishish mumkin. Olti darajali harakatlanishga esa universal robotlar yordamida har xil operasiyalarni avtomatlashtirishga erishish mumkin, texnologik jarayonni qayta qurish tezligi esa ishlab chiqarilayotgan mahsulotni tez o‘zgartirish imkonini beradi.
10.1-rasm. Inson qo‘li olti darajali harakatlanishga ega
Payvandlashda qo‘llaniladigan sanoat robotlari universal hisoblanib, har xil turdagi konstruksiyalarni tayyorlashda yig‘ish, payvandlash va transport operatsiyalarini bajarishga moslashgan bo‘ladi. Bu robotlarni texnologik qobiliyati quyidagi ko‘rsatkichlar bilan tavsiflanadi: kinematik sxema, harakatlanish darajasi soni va yuk ko‘taruvchanligi, ish zonasi shakli va o‘lchamlari, holat aniqligi, yuritma tavsifi va boshqarish tizimi turi. Sanoat robotlari uch harakatlanish darajasiga ega bo‘lib, to‘g‘ri chiziqli, silindrik, sferik va sharnirli koordinata sistemasi asosida harakatlanadi. (10.2-rasm). Bu uch kinematik sxemaga qo‘shimcha ravishda asbob uskunani fazoda joylashishini ta‘minlovchi harakatlanish darajalari ko‘zda tutiladi (10.3-rasm).
|
