Professional ta’lim muassasalari o‘qituvchi va ishlab chiqarish ta’limi ustalari o‘rtasida “Eng yaxshi raqamli ta’lim resurslari” Respublika ko‘rik-tanlovini o‘tkazish tartibi

Professional ta’lim muassasalari o‘qituvchi va ishlab chiqarish

1. 
   Mazkur tartib professional ta’lim muassasalari o‘qituvchi va ishlab chiqarish ta’limi ustalari o‘rtasida “Eng yaxshi raqamli ta’lim resurslari” Respublika ko‘rik-tanlovini (keyingi o‘rinlarda – Tanlov) o‘tkazish va g‘oliblarni aniqlash tartibini belgilaydi.
   
2. 
   Tanlovni o‘tkazishning asosiy maqsad va vazifalari quyidagilar hisoblanadi:
   

• 
  professional ta’lim muassasalari o‘qituvchi va ishlab chiqarish ta’limi ustalari tomonidan yaratilgan raqamli ta’lim resurslarini jamlash, takomillashtirish va ommalashtirish;
  
• 
  professional ta’lim tizimida raqamli ta’lim resurslarining ishlab chiqilishini qo‘llab-quvvatlash;
  
• 
  yaratilgan raqamli ta’lim resurslarini milliy Internet tarmog‘iga erkin foydalanish uchun joylashtirish, ular to‘g‘risida keng pedagogik jamoatchilikni xabardor qilish;
  
• 
  ta’lim-tarbiya jarayoniga raqamli ta’lim resurslarini joriy etish bo‘yicha uslubiy jihatdan ko‘maklashish;
  
• 
  ta’lim jarayonida raqamli texnologiyalarni samarali qo‘llayotgan o‘qituvchilar va ishlab chiqarish ta’limi ustalari faoliyatini moddiy va ma’naviy rag‘batlantirish.
  

3. 
   Raqamli ta’lim resursi – bu aniq bir fanning barcha mavzularini qamrab olgan raqamli ta’lim kontentlari to‘plami.