Python proqramlaşdırma dili
3
Əziz oxucu!
2015-ci il Azərbaycan təhsilində çoxlu sayda novator ideyaların tətbiqi ili kimi
yadda qalacaq. Bu yeniliklərdən biri də İnformatika fənninin tədrisində Python
proqramlaşdırma dilinin təhsil prosesində istifadə edilməsidir. Bu o deməkdir ki,
Python dilinin tətbiqi ilə Azərbaycanda proqramlaşdırma sahəsində yeni dövr
başlayır. Əlbəttə ki, Azərbaycan dilində bu sahədə ədəbiyyatın olması bu işin
daha da səmərəli təşkilində böyük rol oynayır. Təəssüf ki, bu günə qədər Python
proqramlaşdırma dili üzrə ciddi bir ədəbiyyat mövcud deyil. 2015-ci ildə nəşr
edilən VIII sinif üçün “İnformatika” dərsliyindəbu dil haqqında müəyyən həcmdə
məlumat verilmişdir. Ancaq bu məlumatın azlığı Azərbaycan dilli oxucu üçün bu
dilə olan marağı tam ödəmir.
Son illərdə Python dilinin populyarlığı çox artıbdır. 2015-ci ilin müxtəlif reytinq
cədvəllərinə görə dünyanın ən yaxşı proqramlaşdırma dilləri arasında Python dili
3-6-cı yerlərdə yerləşir. ABŞ-da təhsil sistemində istifadə edilən proqramlaşdırma
dilləri arasında Python dili birinci yer tutur. Bir çox şirkətlər öz Web-
layihələrində (məsələn, Google, YouTube, Yandex və s.) Pythondan olduqca geniş
istifadə edirlər. Bu sıraya MIT (Massaçusets Texnologiya İnstitutu) və NASA da
daxildir.
Python dilinin populyarlığının başlıca səbəblərindən biri digər proqramlaşdırma
dillərinə nisbətən daha sadə olmasıdır. Python dilinin sintaksisi çox aydın və
anlaşıqlıdır.
Python dilinin populyar olmasının səbəblərindən biri də İnternetdə çoxlu sayda
Python sevərlərin icmalarının olmasıdır.
Təəssüflər ki, Azərbaycanda bu günə kimi bu dil populyarlıq qazanmayıb.
Düşünürəm ki, 2015-ci il Python dilinin Azərbaycanda tətbiqi üzrə dönüş ili
olacaq.
Python dili ilk dəfə proqramlaşdırmanı öyrənənlər üçün ən əlverişli dildir.
Sizə təqdim edilən “Python proqramlaşdırma dili” adlı bu kitab bu boşluğu
doldurmaq üçün edilən ilk cəhdlərdən biridir (bəlkə də birincidir). Bu kitabın
hazırlanmasında çoxlu sayda mənbələrdən istifadə edilsə də, özəllilik və sadə dil
üslubu əsas meyarlar olmuşdur. Çalışmışıq ki, material daha çox nümunələrlə
müşayiət edilsin və dili sadə olsun. Düşünürük ki, 6 aylıq zəhmətimiz hədər
getməyib. Amma yenə də son qiymət sən oxucunun ixtiyarındadır.
Kitab haqqında arzularınızı, istəklərinizi və xüsusilə tənqidi fikirlərinizi aşağıdakı
ünvanlara bildirə bilərsiniz: