Python proqramlaşdırma dili
7
PYTHON (Ön söz əvəzi)
Python
—masaüstü kompüterlər üçün nəzərdə tutulan bütün əməliyyat sistemlərində işləyən
proqramlaşdırma dilidir. Python proqramlaşdırma dili 20 ildən artıqdır ki, yaradılıb və hələ
də daim təkmilləşdirilir. Python dilinin yaradılması ideyası 1980-cı illərdə yaranıb və 1989-
cu ilin dekabr ayında Hollandiya (Niderland) riyaziyyat və informatika mərkəzinin işçisi
Qvido van Rossum (Guido van Rossum) tərəfindən yaradılmağa başlanıb.
Qvido o dövrdə Britaniyanın BBC kanalının “Monti Python hava sirki” adlı
komediya
seriyasının fanatı idi. Bu proqramın şərəfinə yaratdığı dili Python adlandırıb. Yəni
ilkin
variantda dilin adının piton ilanı ilə heç bir əlaqəsi olmayıb. Sonradan dilin loqosunda piton
ilanının şəklindən istifadə edilməyə başlanıb.
16 oktyabr 2000-cildə dilin populyar 2.0 versiyası istifadəyə verilib.
Python 3.0 versiyası 3 dekabr 2008-ci ildə işıq üzü görüb.
Hal-hazırda onun köhnə 2-ci versiyası və müasir 3-cü versiyası mövcuddur.
Bu versiyalar
arasında ilk baxışda o qədər də fərq görünməsə də, prinsipial uyğunsuzluqlar var. 2-ci
versiya artıq inkişaf etdirilmir, ancaq hələ də işlənir. Çünki bu versiya üçün çoxlu
sayda
proqramlar və kitabxanalar hazırlanıb. Biz 3-cü versiyadan istifadə edəcəyik.
Bu kitabda
verilən bütün nümunələr 4 fevral 2015-ci il buraxılışı olan Python 3.4.3 versiyasında
yoxlanılıb. Düşünürük ki, gələcək versiyalarda elə də prinsipial dəyişikliklər olmayacaq.
Python
— interpretasiya edilən müasir universal proqramlaşdırma dilidir. İnterpretasiya
edilən proqramlaşdırma dilinin əsas xüsusiyyəti ondan ibarətdir ki, bu dildə yazılan ilkin
proqram kodu birbaşa mərkəzi prosessor ilə yerinə yetirilən (kompilə edilən dillərdən fərqli
olaraq) maşın koduna çevrilmir. Xüsusi proqram-interpretator vasitəsilə icra edilir. Onun
üstünlükləri aşağıdakılardır:
1.
Krossplatformalı və pulsuzdur.
