175
Kárxananıń optimal kólemi – ónim jetistiriw (jumıslardı
orınlaw, xızmet kórsetiw) boyınsha tastıyıqlanǵan shártnama hám
minnetlemelerdi óz waqtında, eń az shıǵınlar menen, eń joqarı
nátiyjelilikke erisken túrde orınlawǵa múmkinshilik beretuǵın
kárxananıń kólemi.
Kombinaciyalaw - bir kárxana - kombinat kóleminde, sanaattıń
bir yamasa bir neshe tarmaqlarındaǵı hár qıylı óndiristi texnologiyalıq
jaqtan birlestiriw, óndiristi ulıwmalastırıw.
Kompaniya – isbilermenlerdiń huqıqıy tárep statusına iye bolǵan,
pay kapitalı tiykarinda shólkemlestiriliwshi birlespe.
Konsern – hár qıylı tarmaqlardaǵı ǵárezsiz kárxanalardıń
sisteması,
qospa
izertlewler,
patent-licenziya
kelisimleri,
finanslastırıw, óndirislik birge islesiwdiń birlesiwi.
Konverciya – kárxananıń ulıwma basqa túrdegi ónim
jetistiriwge ótiwi.
Kooperaciyalaw – aqırǵı ónimdi birgelikte tayarlaw boyınsha
uzaq muddetli tuwrıdan-tuwrı xojalıq baylanısların ornatıw.
Licenziya - nızamda belgilengen qatań xojalıq operaciyaları, atap
aytqanda, sırtqı sawda (eksport hám import) operaciyalardı iske asırıw
boyınsha, wákillikke iye mámleketlik organlardıń huqıqıy tárepke
beretuǵın arnawlı ruxsatnaması.
Lizing - múlikke iyelik etiw huqıqı ijaraǵa berıwshide saqlanǵan
túrde, múlikti uzaq muddetli ijaraǵa beriwge tiykarlanǵan
investiciyalardı finans penen támiyinlew forması; mashina, úskene
hám transport qurallarınıń orta hám uzaq muddetli ijarası.
Marketing – kárxanalardıń ónim jetistiriw, satıw yamasa xızmet
kórsetiwge tiyisli hárekettiń, bazarǵa hám tutınıwshılardıń talabına
aktiv tásir kórsetiwdi úyreniw tiykarındaǵı basqarıw sisteması.
