3
KIRISIW
Ózbekstan Respublikası óziniń ǵárezsizligine eriskennen baslap
mámleket turmısında óndirislik kúshlerdi jánede rawajlandırıw, ilim-
texnikanıń jetiskenliklerin jedellestiriw, xalıqtıń turmıs dárejesin
jaqsılawǵa qaratılǵan keń kólemli social-ekonomikalıq ózgerislerdi
ámelge asırmaqta.
Kárxanalar.
Ózbekstan
Respublikasında
«Kárxanalar
haqqında»ǵı nızam hám bazar talapları tiykarında háreket etedi.
Kárxanalardıń turaqlı jumıs islewi ekonomikanıń jaǵdayı, yaǵnıy
óndiristi jobalastırıw, shólkemlestiriw, miynetke haqı tólew, bazardıń
talaplarına óz waqtında
juwap beriw, texnikalıq hám investiciyalıq
qararlardı qabıllaw hám taǵı basqalarǵa baylanıslı boladı.
Elimizdiń ǵárezsizlikke erisiwi hám de barlıq xojalıq
sistemalarınıń bazar qatnasıqlarına ótiwi ekonomikanıń tiykarǵı
basqıshı esaplanǵan kárxana statusınıń sezilerli dárejede ózgeriwine
sebepshi boldı. Olar ózlerine kerekli bolǵan jumısshı hám
xızmetkerlerdiń sanı, óndiristiń texnika hám texnologiyası, aylanıs
shıǵınları, tiykarǵı fondlardan nátiyjeli paydalanıw máseleleri
menen
shuǵıllanbaqta. Sonıń menen birge kárxanalar ekonomikasın nátiyjeli
basqarıwda zamanagóy menedjment bazar ekonomikası jaǵdaylarında
háreket
etiwshi firmalar, kárxanalar, shólkemlerdi basqarıw ushın
payda bolǵan sistema sıpatında olardıń óndirislik – xojalıq iskerliginiń
nátiyjeli rawajlanıwı hám xızmet kórsetiwi ushın zárúrli jaǵdaylar
jaratıp beriwdi názerde tutadı.
Usı oqıw-metodikalıq qollanba bakalavriattıń barlıq ekonomikalıq
emes óndirislik bakalavr baǵdarlarındaǵı studentleri hám magistratura
qánigelikleriniń magistrantlarınıń úyreniwlerin názerde tutadı hám de
xalıq xojalıǵınıń barlıq tarawındaǵı barlıq basqıshtaǵı kárxana
basqarıwshılarınıń teoriyalıq bilimlerin arttırıwları ushın qolaylılıq
jaratadı. Oqıw-metodikalıq qollanbanıń mazmunı joqarı kásiplik
tálimniń Mámleketlik tálim standartına sáykes keledi. Oqıwlıq kirisiw,
on tórt tiykarǵı
temadan ibarat, tayanısh sózler hám ózin-ózi
qadaǵalaw ushın sorawlar (hár bir bap boyınsha), glossariyler, test
sorawları hám ádebiyatlar diziminen ibarat.
