KIRISH
Mazkur ish daftari darslik kitobingizda berilgan
har bir mavzu uchun
mo’ljallangan turli xil topshiriqlarni o’z ichiga olgan. Ish daftaridagi mashg’ulotlarni
avvalo, uy vazifasi sifatida mustaqil tayyorlash hamda ta’lim oluvchi tomonidan hosil
qilingan bilimlarni dars jarayonida o’qituvchi ishtirokida qayta bajarib, malaka va
ko’nikma hosil qilish uchun mo’ljallangan. E’tibor qaratsangiz,
topshiriqlar
murakkablik darajasiga ko’ra bir-biridan farq qiladi. Shu nuqtai nazardan kelib chiqib
agar siz darslik kitobingizni diqqat bilan o’qisangiz, topshiriqlarning asosiy qismini
o’zingiz mustaqil ravishda bajara olasiz.
Bir qator topshiriq turlarini esa qo’shimcha manbalar xususan, birinchi navbatda
internet
materiallari shuningdek, ensiklopediyalar, turli tarix kitoblari, ilmiy-badiiy
adabiyotlar orqaligina bajarishingiz mumkin. Ba’zi topshiriqlarni
bir yoki bir nechta
sinfdoshlaringiz bilan hamkorlikda bajarish orqali yanada kengroq tushuncha hosil
qilishingiz mumkin. Ma’lum topshiriqlarni bajarganda esa nafaqat qo’shimcha
manbalardan foydalanish lozim, balki mustaqil tadqiqot olib borishingizga,
turli
tarixchi olimlarning xulosalarini o’rganishingizga, u yoki bu tarixiy muammo-
masalaga o’z mustaqil fikringizni bildirishingizga tog’ri keladi. Bunday topshiriqlar
bajarish orqali sizda keng dunyoqarash,
tafakkur, mantiqiy fikrlash poydevorlari
o’stirib boriladi. Ko’pchilik topshiriqlar yozma bajarilishi lozim, jadval, sxema, matn,
qoldirilgan so’zlarni to’ldirish kerak bo’ladi. Bunday vaqtlarda daftarga aniq,
tushunarli qilib yozishga harakat qiling. Shuningdek, ba’zi
topshiriqlar borki, ularni
bajarish davomida sizdan insho, ma’lumotnoma, eslatma va o’tmishda yashagan
insonlar nomidan yozishni talab etiladi. Topshiriqlarda berilgan ba’zi
xaritalar bir
necha paragraflar bilan ishlashga yordam beradi. Topshiriqlarni bajarayotganingizda
ularni shunchaki mexanik to’ldirmaslikka harakat qiling, zero tarix sizlarni insonlar
uzoq o’tmishda qanday hayot kechirishgani bilan tanishtiradi.