Qishloq xo‘jaligiga mo‘ljallangan yer uchastkalari bo‘yicha o‘tkazilgan ochiq elektron tanlov
natijalarini tasdiqlash to‘g‘risida
O‘zbekiston Respublikasining Yer kodeksi 5, 24, 24
4
va 53-moddalari, “Mahalliy davlat hokimiyati
to‘g‘risida”gi Qonunning 6 va 10-moddalari, Vazirlar Mahkamasining 2021-yil 24-noyabrdagi 709-son
“Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy
hujjatlarni tasdiqlash to‘g‘risida”gi qaroriga muvofiq ochiq elektron tanlov operatori tomonidan o‘tkazilgan
barcha turdagi qishloq xo‘jaligi tovar ishlab chiqaruvchilari ishtirokidagi ochiq elektron tanlov yakunlarini
ko‘rib chiqib,
QAROR QILAMAN:
1. Ochiq elektron tanlov operatori tomonidan taqdim etilgan 24.03.2022-yildagi №YU 131 - 315563-
sonli ochiq elektron tanlov natijalari to‘g‘risidagi elektron bayonnoma tasdiqlansin.
2. Mazkur bayonnomaga muvofiq ochiq elektron tanlov g‘olibi bo‘lgan jismoniy va yuridik
shaxslarga ilovaga muvofiq qishloq xo‘jaligiga mo‘ljallangan yer uchastkalari (keyingi o‘rinlarda yer
uchastkasi) ijara huquqi asosida ajratilganligi inobatga olinsin.
3. Kasbi tumani hokimi (_______) mazkur qaror ilovasida ko‘rsatilgan ochiq elektron tanlov g‘oliblari
bilan yer uchastkasi ijara shartnomasini bir ish kuni muddatda “E-IJARA” axborot tizimi orqali tasdiqlasin.
4. Davlat kadastrlari palatasining viloyat boshqarmasi yer uchastkasi ijara shartnomasi asosida ikki ish
kuni ichida ochiq elektron tanlov g‘oliblarining yer uchastkasiga bo‘lgan ijara
huquqini elektron axborot
tizimi orqali davlat ro‘yxatidan o‘tkazsin hamda tegishli reyestrdan ko‘chirmani elektron axborot
almashinuvi orqali «O‘zdavyerloyiha» davlat ilmiy-loyihalash instituti viloyat bo‘linmasiga yuborsin.
5. Kadastr agentligining viloyat boshqarmasi:
yer uchastkasidan maqsadli foydalanish bo‘yicha davlat nazoratini
amalga oshirsin;
yer uchastkasi chegaralarini (chegara nuqtalarini) o‘zboshimchalik bilan o‘zgartirishga yo‘l
qo‘ymaslik choralarini ko‘rsin;
yer uchastkasi o‘zboshimchalik bilan egallab olinishiga yo‘l qo‘ymaslikka qaratilgan samarali yer
nazoratini amalga oshirsin va aniqlangan qonunbuzilish holatlari bo‘yicha Yer to‘g‘risidagi qonun buzilishi
holatlarini barvaqt aniqlash va ularning oldini olishga qaratilgan faoliyatni muvofiqlashtirish bo‘yicha
hududiy
kengashlarga xabar bersin;
yer uchastkasidan maqsadsiz foydalanish holatlari aniqlanganda O‘zbekiston Respublikasi Yer
kodeksining 36-moddasiga muvofiq ushbu yer uchastkalariga bo‘lgan huquqni bekor qilish,
o‘zboshimchalik bilan egallangan yer maydonida noqonuniy qurilgan imoratlarni bartaraf etish yuzasidan
belgilangan tartibda sudga murojaat qilsin.
6. “O‘zdavyerloyiha” davlat ilmiy-loyihalash instituti viloyat bo‘linmasi:
ochiq elektron tanlov g‘oliblarining yer uchastkasiga bo‘lgan ijara huquqi davlat ro‘yxatidan
o‘tkazilganligi to‘g‘risida reyestrdan ko‘chirmani olgan kunning o‘zida
ijara shartnomasi, mazkur qaror
hamda reyestrdan ko‘chirmani tanlov g‘oliblariga “E-IJARA” AT orqali yuborish;
uch ish kuni ichida ochiq elektron tanlov g‘oliblariga yer uchastkasining chegarasini joyida ko‘rsatib
berish vazifasi yuklatilsin.
7. Viloyat Qishloq xo‘jaligi boshqarmasi:
yer uchastkasidan foydalanishni tashkil etish va uni muhofaza qilish sohasida samarali davlat
nazoratini amalga oshirsin;
yer uchastkasidan maqsadli va samarali foydalanishni, shuningdek ushbu yer uchastkasida qishloq
xo‘jaligi ekinlarini ekish va parvarishlashni monitoring qilsin;
qishloq xo‘jaligi ekinlarining navlar bo‘yicha
joylashtirilishini, konturlar bo‘yicha ekin turlari to‘liq
ekilishini, belgilangan agrotexnik tadbirlar o‘tkazilishini, mineral o‘g‘itlar, yoqilg‘i-moylash materiallari va
boshqa moddiy-texnika resurslarini tanlov g‘oliblariga belgilangan tartibda yetkazib berilishining
monitoringini yuritsin va ularning natijalari bo‘yicha taklif va tavsiyalar ishlab chiqsin;
samarasiz foydalanilayotgan qishloq xo‘jaligi yerlarini aniqlash, ularni o‘rnatilgan
tartibda olib
qo‘yish va belgilangan maqsadda foydalanish yuzasidan takliflar ishlab chiqsin;
tanlov g‘oliblarining tuproq unumdorligini saqlash va oshirishni ta’minlash sohasidagi faoliyatini
muvofiqlashtirib borsin.
8. Ochiq elektron tanlov g‘oliblari yer uchastkasi ijara shartnomasida belgilangan majburiyatlarni
bajarishga qat’iy
rioya etishlari shartligi, zimmalariga olgan majburiyatlarini bajarmagan taqdirda, ularga
nisbatan tegishli ta’sir choralari qo‘llanilishi yuzasidan ogohlantirilsin.
9. Mazkur qarorning joylarda ijrosini ta’minlash bo‘yicha nazorat viloyat hokimining qishloq va suv
xo‘jaligi masalalari bo‘yicha o‘rinbosari ________________ zimmasiga yuklatilsin.
Viloyat hokimi: _____
