Yuqoridagilardan xulosa qilgan holda qishloq xo’jalik iqtisodiyoti fani tarmoq
fani sifatida quyidagi vazifalarni bajaradi:
agrar soxada ko’p ukladli iqtisodiyotni rivojlantirish;
qishloq xo’jalikda raqobat muxitini yaratish;
bozor xolati, talab va taklifni tahlil qilgan holda dehqon hamda resurslar
(er, kapital,
ishchi kuchi, investitsiyalar) bozorini rivojlantirish
strategiyalarini ishlab chiqish;
ilg’or fan-texnika yutuqlaridan foydalangan holda ishlab chiqarishni
intensivlashtirishning asosiy yo’nalishlarini ishlab chiqish;
qishloq xo’jaligida investitsion va innovatsion
faoliyatning ustivor
yo’nalishlarini ishlab chiqish;
qishloq xo’jalik ishlab chiqarishni davlat tomonidan tartibga solish
darajasi va yo’nalishlarini iqtisodiy jihatdan asoslab berish.
Birinchidan, iqtisodiyot- bu jamiyatning moddiy boyliklar va xizmatlar bilan
ta’minlovchi xalq xo’jaligi tarmoqlarining majmuidir.
Ikkinchidan, iqtisodiyot-bu ishlab chiqarish jarayonida vujudga keladigan ishlab
chiqarish munosabatlaridir.
Uchinchidan, iqtisodiyot-bu fan. Ushbu fan o’zining tadqiqot ob’ektlari va
ko’lamiga ko’ra quyidagi qismlarga bo’linadi:
makroiqtisodiyot, mikroiqtisodiyot,
korxona iqtisodi, tarmoqlar iqtisodi (sanoat,
transport, qurilish, savdo, qishloq
xo’jalik va boshqalar).
SHuningdek, iqtisodiyot deganda ham fan ham amaliyot tushuniladi. Iqtisodiyot
fan amaliy iqtisodiyotni taqozo etib, quyidagi hayotiy muhim muammolarni xal etish
bilan shug’ullaniladi:
nima
ishlab chiqarish, jamiyat ehtiyojini qanday tovarlar va xizmatlar to’plami
yanada to’laroq qondira oladi;
qancha ishlab chiqarish, ishlab chiqarish jarayonida qanday resurslardan va
qancha miqdorda foydalanish maqsadga muvofiq;
qanday ishlab chiqarish;
kim uchun ishlab chiqarish-shaxsiy iste’mol uchunmi yoki daromad olish uchun,
ishlab chiqarilgan mahsulotni qanday taqsimlash kerak.
