96
subyekt ta’siridagi xavf-xatarlar (antropogen xavf-xatar);
texnik vositalar ta’siridagi xavf-xatarlar (texnogen xavf-xatar);
tabiat ofatlari xavf-xatarlari.
Xatarlarni baholash xavflarni boshqarish jarayonining bir qismi bo‘lib,
belgilangan maqsadlarga erishish yo‘llarini aniqlaydigan, xavfni aniqlash zarurati
to‘g‘risida qaror qabul qilish uchun xavfli hodisalarning oqibatlari va ehtimolini
tahlil qiladigan tizimli jarayondir.
Xatarlarni baholash – bu identifikatsiyalash,
tahlil qilish va qiyosiy xavfni baholashni birlashtirgan jarayonidir. Xavf-xatar
butun tashkilot, uning bo‘limlari, alohida loyihalari, faoliyati yoki ma’lum bir
xavfli hodisa uchun baholanishi mumkin. Shuning uchun turli vaziyatlarda
xatarlarni baholashning turli usullari qo‘llaniladi.
Xatarlarni baholash orqali quyidagi imkoniyatlarni amalga oshirish mumkin:
yuz berishi mumkin bo‘lgan hodisalar va ularning sabablarini aniqlash;
bu hodisalar natijasida kelib chiqadigan oqibatlarni o‘rganish;
ularning paydo bo‘lish ehtimolini ko’rish;
salbiy ta’sirlarni yoki xavfli vaziyatlarning yuzaga kelishi ehtimolini
kamaytirish omillarini o’rganish.
