|
-MAVZU. AXBOROT XAVFSIZLIGINI TA’MINLASHDA MICROSOFTBog'liq Raqamli qurilmalarda axborotning dasturiy himoyalari qo\'llanma14-MAVZU. AXBOROT XAVFSIZLIGINI TA’MINLASHDA MICROSOFT
TEXNOLOGIYALARI VA MAHSULOTLARI
Reja:
1. Shaxsiy ma’lumotlar xavfsizligi.
2. Shaxsiy ma’lumotlar xavfsizligi risklarini tahlil qilish.
3. Microsoft metodologiyasidan foydalanish usullari.
Kalit so‘zlar: biometrik ma’lumotlar, shaxsiy ma’lumotlar xavfsizligi, risk,
risk ta’siri, risk chastotasi, risk darajasi, riskni baholash, Microsoft
metodologiyasi.
1. Shaxsiy ma’lumotlar xavfsizligi.
Shaxsga doir ma’lumotlar – inson haqidagi har qanday ma’lumotlardan
iboratdir. Shaxsga doir ma’lumotlar uch turga:
1) umumiy ma’lumotlar;
2) maxsus ma’lumotlar;
3) biometrik ma’lumotlarga bo‘linadi.
Umumiy ma’lumotlar qatoriga insonning ism-familiyasi, passporti va
boshqa shaxsiy hujjatlaridagi qaydlar, tug‘ilgan sanasi va joyi, e-mail manzili,
yashash, o‘qish va ishlash joylari, oilaviy, ijtimoiy va mulkiy holati, qayerda ta’lim
olgani, qaysi kasb egasi ekanligi, daromadi qanchaligi kabi ma’lumotlar kiradi.
Telefon raqamlari faqat egasining ism-familiyasi bilan birga qayd etilgan
hollardagina shaxsga doir ma’lumotlar toifasiga mansub bo‘ladi. Transport
vositasining davlat raqami, kommunal turar-joy xo‘jaligining hisob raqami kabilar
esa shaxsga doir ma’lumot hisoblanmaydi. Chunki ulardan birinchisi – bevosita
avtomobilga tegishli bo‘lsa, ikkinchisi – uy-joyga taalluqlidir.
Maxsus ma’lumotlar deganda, shaxsning irqiy va milliy mansubligi, siyosiy,
diniy va falsafiy qarashlari, sog‘ligining holati, maishiy hayoti bilan bog‘liq
ma’lumotlar tushuniladi.
Biometrik ma’lumotlar – insonning shaxsini aniqlash imkonini beradigan
fiziologik va biologik xususiyatga ega shaxsiy ma’lumotlardir. Masalan, shaxsning
105
DNKsi, ovozi, ko‘z qorachig‘i, barmoq izlari, yuz qiyofasi, bo‘yi, vazni bilan
bog‘liq ma’lumotlar shular jumlasiga kiradi.
|
| |
