|
Rdb frezalash dastgohida detallarga ishlov berish operatsiyasini loyihalash
|
| bet | 5/12 | | Sana | 17.05.2024 | | Hajmi | 2,79 Mb. | | #240227 |
Bog'liq Avtomatlashtirish amaliy4-Amaliy mashg‘ulot
UCH KOORDINATALI RDB FREZALASH DASTGOHINI SOZLASH
Ishning maqsadi – RDB frezalash dastgohining sozlash bosqichlarini amalda o‘zlashtirishdir.
4.1. Metodik ko‘rsatmalar
4.2. RDB frezalash dastgohini sozlash prinsiplari RDB dastgohini sozlash asbobning nolini dastgohining koordinata tizimidagi qismning noliga o‘lchovli bog‘lashdan iborat. O‘lchovli bog‘lanish, keyinchalik olingan ma'lumotlarni RDB tizimining xotirasiga kiritish va ishlash jarayonida boshqaruv dasturini chaqirish maqsadida mashinaning noldan xomashyogacha bo‘lgan masofani va kesuvchi asbobning ketishini aniqlashdan iborat.
Frezalash dastgohini sozlash ikki bosqichda amalga oshiriladi. Birinchi bosqich – mashinaning shpindel o‘qini X, Y tekislikdagi qismining nolga bog„lanishi. Ikkinchi bosqich – ishlov berishda ishtirok etayotgan har bir asbobning Z o‘qi bo‘ylab ketishini aniqlash. Sozlash natijasi mashinaning nolga nisbatan X, Y o‘qlari bo‘ylab xomashyo nolining koordinatalarini va dastgohning nolida joylashgan asbobning nolidan Z o‘qi bo‘ylab xomashyning noligacha bo‘lgan masofani olishdir. Olingan koordinatalar RDB tizimiga kesuvchi asbobni korreksiyalash jadvallarida va dastgohning dasturlashtiriladigan nollarida kiritiladi. Boshqarish dasturini ishlab chiqish jarayonida mos ravishda G43, G44 va G54–G59 funksiyalari yordamida ketish qiymatlari va bog‘lanish koordinatalari chaqiriladi.
1. Dastgoh shpindel o‘qining xomashyo noliga teng o‘lchovli bog‘lanishi.
Frezalashning o‘ziga xos xususiyati – bu dastgoh shpindeliga o‘rnatilgan barcha kesish asboblarining bitta aylanish o‘qidaligi. Shuning uchun, ishlov berishda ishtirok etadigan barcha kesuvchi asboblarni X va Y o‘qlari bo‘ylab xomashyoning noliga bog‘lash uchun shpindel o‘qini xomashyoning noli bilan birlashtirish va RDB tizimining dasturlashtiriladigan nolining G54–59 funksiya jadvalida olingan koordinatalarni kiritish kifoya.
Frezalash dastgohlarida xomashyoning nol koordinatalarini aniqlash uchun induktiv tipdagi indikator boshlari ishlatiladi. Induktiv tipdagi indikator boshining ishlash prinsipi indikator kallagining korpusi ichidagi induktor spirali tomonidan hosil qilingan magnit maydon parametrlarini o‘zgartirishga asoslangan. Induktiv turdagi indikator kallagi faqat metall qismlarga ta'sir qiladi. Teginish momentini aniqlash uchun indikator kallagi yorug‘lik va tovushni ko‘rsatuvchi qurilmalar yoki RDB tizimiga signal uzatish moslamalari bilan jihozlangan.
Dastgohning shpindel o‘qini xomashyoning noliga o‘lchovli bog‘lash quyidagi ketma–ketlikda amalga oshiriladi:
EMCOMILL 300 dastgohining shpindeliga induktiv o‘lchash kallagini o‘rnatish;
o‘lchash kallagining manbasini yoqish;
indikator kallagini xomashyoning noliga keltiring va 4.1–rasmda ko‘rsatilgan sxema bo‘yicha koordinatalarni o‘lchang;
qabul qilingan qiymatni G54–59 RDB dasgohining dasturlashtiriladigan nolining funksiyasi jadvaliga kiriting;
o‘lchash kallagining manbasini o‘chirish;
o‘lchash kallagini dastgohdan yechib olish.
|
| |
